هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<July 2018>
SuMoTuWeThFrSa
24252627282930
1234567
891011121314
15161718192021
22232425262728
2930311234


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
ئێرە کوبانێیە؛ شاری موعجیزە و داستانە هەرگیز نە نووسراو و نە بیستراوەکانە!


img10/4/2014 12:00:00 AM
تاهیر ساڵح شەریف:

سێ هەفتەیە کوبانێ، ئەم شارە بچکۆلەیە، سەری بەرزی بۆ تۆپ و قەناسەی دوژمنێکی کەلەپوت نەوی نەکردووە!. کوبانێ بە خۆیی و کڵاشنیکۆفەکانییەوە بووە موعجیزەی سەردەمی ئیئتلافی پێشکەوتووترین تەکنەڵۆجیای جەنگی دژ بە کۆمەڵێک داڵەکەرخۆرە و کوندەبەبوو!.  

 کوبانێ لە چاوی هەموومانەوە  وەک ئەو دوورگەیە وایە کە لە ناوەڕاستی دەریادا سەربەرز ڕاوەستەوە  و بێخەمە بەرامبەر بە سونامی و شەپۆلی شێت و سەرکەشی دەریا.

کوبانێ لە شوێنی خۆی وەک شاخی قەندیل، شەنگاڵ و ئارارات بێ سڵمەینەوە لە بروسکە و گرمەی هەور و شەستەباران، ڕوو بە ڕووی ئاسمان ڕاوەستاوە و لە چاوەڕوانی دەرکەوتنی پرشنگی زێڕینی خۆرهەتاودایە.

باران و هەوری ڕەش و چڵکن دەتوانن بۆ چەند کاتژمێرێک، نا  بۆ چەند ڕۆژ و هەفتەیەک تیشکی زێڕینی خۆر لە کوبانی بشارنەوە، بەڵام یاساکانی سروشتی ئەوهایە کە تەمەنی هەوری چڵکن و شەستە باران کورت و تیژپەڕ و گوزەرن و لەبەردەم تیشکی ئاگرینی خۆردا خۆیان پێڕاناگیرێت و دەتوێنەوە!.

کوبانێ شێرە بریندارکراوەکەیە کە لە هەموو لایەکەوە  گەلە کەمتیارەکان شاڵاوی بۆ دەبەن و دڕندەگەورەتر و بەهێزترەکانی ناو دارستانەکەش بە سەرسامییەوە دەڕواننە کاردانەوەی شێری بریندار، بەڵام ئەو ناکەوێت و هەڵمەتی پێچەوانەیان بۆ دەبات، ڕاویان دەنێت و پەرتەوازەیان دەکات!.

ئێرە کوبانێییە، شاری ڕۆمان و داستانە هەرگیز نە نووسراو و نە بیستراوەکانە!. هەزاران سەربازی ونبوو، هەزاران پاڵەوانی نە ناسراو و هەزاران گیڤاراو هۆشمینە دەجەنگن، خوێن و گیان دەبەخشن بە خاک  تا کوبانێ هەمیشە بەهار و سەوزەڵانی بێت!.

ئێرە کوبانێیە !.. شاری خوێن، باروت، فرمێسک و پێکەنینە!.. کوبانێ خوێن دەدات تا درەختی ژین سەوز و قەد بڵندتربکات!.. کوبانێ بۆچڕوکی باروتی لێبەرز دەبێتەوە تا بۆنی هەڵاڵەو نێرگزمان بە دیاری بۆ بێنێت!.. کوبانێ فرمسێک دەڕێژێت تا خەندە بخاتە سەرلێومان!.. کوبانێ پێدەکەنێ بۆ ئەوەی بتوانێت فرمێسکەکانی شەنگاڵ، هەڵبجە، گەرمیان و بارزان لە ڕوومەتمان بسڕێتەوە!.. ئا ە ..ئاە..ئاەەە ئەزانی ئێستا ئیتر تۆ [ عین العرب] نیت!.. تۆ [ عین العالم] یت  و چاوی جیهان لەسەر چاوی پڕە لە ئەسرین و خوێنی تۆیە کوبانێ ؟!.

ئەگەر ئەمجارە بکەویت کوبانێ، دڵنیایین سەربەرزتر لە ئێستا هەڵدەستیتەوە سەر پێکانت و خراپتر لە ئێستا دوژمنت بە ئاڵاڕەشەکەیەوە، بە سورەو ئایەکانی ئەنفال و سەربڕینەکانییەوە لە گۆڕ دەنێتەوە!.. ئەوکات ئەوەی کە لە دەستی ئێمەدێت تەنها سەری ڕێز نەویکردن و دانانی  تاجە گوڵینەیە لەسەر سەری بەرزی تۆ و ڕۆڵە هەمیشە زیندووەکانت کوبانێ!.