هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<July 2018>
SuMoTuWeThFrSa
24252627282930
1234567
891011121314
15161718192021
22232425262728
2930311234


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
دوو کوردستانپۆست؛ دوو فیکر و دوو ئامانج


img8/30/2011 12:00:00 AM
کوردستانپۆست ئینفۆ:

تراژیدیترین کاره‌ساتی ئه‌و کۆمه‌ڵگه‌یانه‌ی که‌ دیکتاتۆره‌کان و فاشیسته‌کان حوکمی تێدا ده‌که‌ن به‌ ته‌نها له‌وه‌دا به‌رجسته‌ نابێته‌وه‌ که‌ مرۆڤه‌کان له‌ سه‌ر ئازادی بیروڕا، ئازادی ڕه‌خنه‌گرتن له‌ده‌وڵه‌ت، ئازادی ڕۆژنامه‌گه‌ری، ئازادی پێکهێنانی ڕێکخراوه‌ی سیاسیی و مه‌ده‌نی، ئازادی سه‌فه‌رکردن و نیشته‌جێبوون و هه‌موو ئازادییه‌ فه‌ردی و کۆمه‌ڵایه‌تییه‌کانی دیکه‌ ئازار ده‌درێن، زیندانی ده‌کرێن، له‌ سێداره‌ ده‌درێن و ئاواره‌ ده‌کرێن، به‌ڵکو کاره‌ساته‌ تراژیدییه‌که‌ زیاتر خۆی له‌وه‌دا به‌رجسته‌  ده‌کاته‌وه‌ که‌ ئه‌و گروپ و هێزانه‌ی ده‌که‌ونه‌ به‌رامبه‌رو دژایه‌تی فاشیزم و دیکتاتۆرییه‌تی ده‌سه‌ڵاتداری کۆمه‌ڵگه‌که‌یانه‌وه‌، له‌ پرۆسه‌ی هه‌مان ڕووبه‌ڕوو بوونه‌وه‌دا، تایبه‌تمه‌ندی و سیفه‌ته‌کانی فاشیزم و دیکتاتۆرییه‌تێک له‌گه‌ڵ خۆیاندا هه‌ڵده‌گرن که‌ خۆیان هه‌ر له‌سه‌ره‌تاوه‌ قوربانی ئه‌و بوون .

وه‌ڵامدانه‌وه‌ی دیکتاتۆری و فاشیزم، به‌ هه‌مان  فیکر و و ڕێبازی دیکتاتۆری و فاشیزم، تایبه‌تمه‌ندی هه‌ره‌سه‌ره‌کی مێژووی ئۆپۆزسیۆنبوونی وڵاتانی ناسراو به‌جیهانی سێهه‌می پێکهێناوه‌ . عێراق و کوردستانیش که‌  ده‌که‌ونه‌ خانه‌ی تیۆری جیهانی سێهه‌مییه‌وه‌، مێژووی ده‌سه‌ڵاته‌ سیاسییه‌که‌یی و مێژووی ئۆپۆزسیۆنه‌که‌ی، شتێک نه‌ بووه‌ جگه‌ له‌ کاروکاردانه‌وه‌ی دیکتاتۆری و فاشیزم؛ ده‌وڵه‌ت و حکومه‌ت دیکتاتۆرو فاشیست، ئۆپۆزسیۆنه‌کانی حکومه‌ت و ده‌وڵه‌تیش به‌هه‌مان شێوه‌ دیکتاتۆرو فاشیست . بزووتنه‌وه‌ی کوردایه‌تیش، به‌ هه‌موو پێکهاته‌ خێڵه‌کی و وورده‌بۆرژوازییه‌کانی خۆیه‌وه‌، دیکتاتۆرو فاشیزمێکی دیکه‌ی جۆری ده‌وڵه‌ت و ڕژێمه‌ ناوه‌ندییه‌ یه‌ک له‌دوای یه‌که‌کانی عێراق بووه‌ . مه‌لایی و جه‌لالی، وه‌ک کامڵترین و پێگه‌یشتووترین توخمه‌کانی بزووتنه‌وه‌ی کوردایه‌تی، له‌سه‌ره‌تای سه‌رهه‌ڵدانیانه‌وه‌، هیچ شتێک نه‌بوون جگه‌ له‌کاردانه‌وه‌یه‌کی  دیکتاتۆریانه‌  و فاشیانه‌ به‌رامبه‌ر به‌ فاشیزم و دیکتاتۆرییه‌تی ده‌وڵه‌ت و حوکمه‌ته‌ ناوه‌ندییه‌کانی عێراق . مێژووی زیاتر له‌ په‌نجا ساڵه‌ی ڕووبه‌ڕووبوونه‌وه‌کانی بزووتنه‌وه‌ی کوردایه‌تی له‌گه‌ڵ ده‌وڵه‌ت و حکومه‌ته‌ ناوه‌ندییه‌کانی عێراقدا، مێژووی ململانێ و ناکۆکییه‌کانی نێوان دیکتاتۆری و فاشیزمی کوردایه‌تی و عروبه‌یه‌ له‌ عێراق و کوردستاندا . مامه‌ڵه‌ی دیکتاتۆری و فاشیانه‌ی جه‌لالی و مه‌لایی له‌گه‌ڵ  ماف و ئازادییه‌کانی هاوڵاتیاندا، هیچ جیاوازییه‌کی نه‌بووه‌ له‌گه‌ڵ  ئه‌و مامه‌ڵه‌یه‌ی که‌ ڕژێمه‌ داگیرکه‌ره‌ دیکتاتۆری و فاشییه‌کانی عێراق له‌گه‌ڵ ماف و ئازادییه‌کانی هاوڵاتیاندا کردوویانه‌ . له‌به‌رئه‌وه‌، ڕووبه‌ڕوونه‌وه‌ی ئه‌م فاشیزم و دیکتاتۆرییه‌ته‌ کوردییه‌،  له‌ قۆناغی ئێستادا هه‌ستیارترین و  ئاڵۆزترین کێشه‌ بناغه‌ییه‌کانی هێزه‌ ئۆپۆزسیۆنه‌کانی ئه‌ویش پێکده‌هێنێت . کاتێک دەڵێین کێشە بناغەییەکانی ئۆپۆزسیۆن پێکدەهێنێت، مەبەستمان ئەو سێ لایەنە( گۆڕان، کۆمەڵ و یەکگرتوو ) نییە کە بە خۆیان دەڵێن ئۆپۆزسیۆن .  ئێمه‌ ناتوانین به‌ هه‌موو ئۆپۆزسیۆنێکی جه‌لالی و مه‌لایی بڵێن " گۆڕانخواز " و " ئۆپۆزسیۆنێکی دیموکراتیک " . ئۆپۆزسیۆنێکی دیموکراتیک و گۆڕانخواز، ئه‌و ئۆپۆزسیۆنه‌یه‌ که‌ له‌ ژێر په‌رده‌ی " ئۆپۆزسیۆن و گۆڕانخوازی"دا، ئه‌خلاق، فیکر، سیاسه‌ت و کڵتووری " فاشیزم و دیکتاتۆری کوردی " درێژه‌ پێنه‌دات و شه‌ڕی ده‌سته‌گه‌ری و حیزبی خۆی، یان شه‌ڕی به‌رژه‌وه‌ندییه‌ شه‌خسی و سیاسییه‌کانی خۆی له‌ژێر په‌رده‌و و که‌ژاوه‌ی " ئۆپۆزسیۆن و گۆڕانخوازی"دا هه‌مه‌کی نه‌کاته‌وه‌ به‌سه‌ر ئه‌و بزووتنه‌وه‌ کۆمه‌ڵایه‌تییانه‌دا که‌ به‌کرده‌وه‌ ده‌خوازن ده‌سه‌ڵاتی دیکتاتۆری و فاشیزمی کوردی بگۆڕن  کۆتایی پێبهێنن.

کوردستانپۆست، وه‌ک سایتێکی ڕه‌خنه‌گر له‌ فاشیزم و دیکتاتۆرییه‌تی جه‌لالی و مه‌لایی، له‌ ساڵی 2003  به‌دواوه،‌ به‌ ئاشکراو ڕاشکاوانه‌ له‌ ململانێیه‌کی سیاسیی و فیکریدایه‌ له‌گه‌ڵ هه‌مان فاشیزم و دیکتاتۆریدا، به‌ڵام هه‌میشه‌ له‌ کوردستانپۆستدا دوو ڕوانگه‌، دوو فیکر و دوو ئامانجی جیاواز له‌  ناکۆکیدا بووه‌ له‌ سه‌ر چۆنییه‌تی ڕووبه‌ڕووبوونه‌وه‌ له‌گه‌ڵ ئه‌قڵ، کڵتوور و سیاسه‌تی دیکتاتۆری و فاشیزمی جه‌لالی و مه‌لاییدا . ڕوانگه‌ و فیکری یه‌که‌م له‌ کوردستانپۆستدا، هه‌رگیز نه‌یتوانیوه‌ له‌ سنووره‌کانی ئه‌قڵ، کڵتوور و سیاسه‌تی فاشیانه‌ی جه‌لالی و مه‌لایی و بزووتنه‌وه‌ کوردایه‌تییه‌که‌یان تێپه‌ڕ بکات . که‌سانێک که‌ خاوه‌نی ڕوانگه‌ی یه‌که‌م بوون له‌ کوردستانپۆستدا، له‌ بێتوانایی فیکری، مه‌عریفی و سیاسییاندا، هه‌میشه‌ په‌نایان بردووه‌ته‌ به‌ر دروستکردنی ناکۆکی شه‌خسی، دروستکردنی ده‌سته‌گه‌ری، سه‌پاندنی بیروکراسی به‌ سه‌ر کاره‌ ئیداری و سیاسییه‌کانی کوردستانپۆست و بره‌ودان به‌هه‌مان کڵتووری داڕزیوی فاشیانه‌ی جه‌لالی و مه‌لایی له‌ بڵاوکردنه‌وه‌ی هه‌واڵی ناڕاست، درۆ بڵاوکردنه‌وه‌، تۆمه‌تبارکردن، فایلسازی، تیرۆرکردنی که‌سایه‌تی خه‌ڵکانی دیکه‌ و کوردستانپۆستیشیان به‌هه‌مان مه‌به‌ست به‌کارهێناوه‌ . چه‌ندین جار خه‌ڵکانی بێتاوان له‌ کوردستانپۆسته‌وه‌ که‌سایه‌تیان له‌که‌دارکراوه‌ و که‌سایه‌تیان تێکشکێنراوه، ئه‌مه‌ جگه‌ له‌ بڵاوکردنه‌وه‌ی هه‌واڵی بێ بناغه‌و دوور له‌ ڕاستی بۆ چه‌واشه‌کردنی جه‌ماوه‌ر . ئه‌و گروپه‌ بێمه‌عریفه‌و فیکرلاوازه‌ی که‌ هه‌ر له‌سه‌ره‌تاوه‌ به‌ ملهوڕی و به‌ دیکتاتۆری  کوردستانپۆستی مۆنۆپۆڵکردبوو، هێنده‌ ته‌سکبین و به‌رچاو تاریک بوو که‌ کێشه‌ی گه‌نده‌ڵی له‌ سیسته‌می سیاسیی و ئیداری ئه‌مڕۆی کۆمه‌ڵگه‌ی کوردستاندا تا ئاستی  کێشه‌ی ئه‌م به‌رپرس و ئه‌و به‌رپرسی ده‌سه‌ڵات هێنابووه‌ خوارێ و ده‌یویست به‌هه‌مان ئه‌قڵ و کڵتوری فاشیزم و دیکتاتۆریه‌ته‌وه‌، که‌ تیرۆری که‌سایه‌تی به‌شێک له‌ کڵتووری سیاسیی ئه‌وه‌،  وه‌ک ئۆپۆزسیۆنی  سه‌رسه‌خت و چه‌کوشبه‌ده‌ستی ئه‌و، خۆی له‌به‌رامبه‌ریدا نمایش بکات . هه‌ربۆیه‌ هه‌میشه‌ش ‌ له‌ هه‌وڵی  سات و سه‌ودا، نزیکبوونه‌وه‌ و کلکایه‌تیکردنی ئۆپۆزسیۆنێکدا بووه‌ که‌ هه‌مان سروشتی نه‌گۆڕاوی فاشیانه‌ و دیکتاتۆری جه‌لالی و مه‌لایی هه‌بووه‌ و وه‌ک ئه‌وان بیرکردۆ‌ته‌وه‌... . هه‌رچی ڕوانگه‌ی دووهه‌می ناو کوردستانپۆستیشه‌، پێی له‌سه‌ر ئه‌وه‌ داگرتووه‌ که‌ مه‌رجی سه‌ره‌کی جیابوونه‌وه‌ له‌ فاشیزم و دیکتاتۆری جه‌لالی و مه‌لایی، هوشیارکردنه‌وه‌ی جه‌ماوه‌ره‌ له‌ بواری سیاسیی، کۆمه‌ڵایه‌تی، فیکری و کڵتووریدا . کێشه‌ی ڕوانگه‌ی دووه‌م له‌ کوردستانپۆستدا، ئه‌وه‌ نه‌بووه‌ که‌ کێ گه‌نده‌ڵ و دزه‌ له‌ ده‌سه‌ڵات و سیسته‌مه‌که‌دا، به‌ڵکو کێشه‌که‌ ئه‌وه‌ بووه‌ که‌ سه‌رتاپای سیسته‌مه‌که‌ گه‌نده‌ڵه‌و ده‌بێت ئه‌و  ده‌سه‌ڵات و سیسته‌مه‌ له‌ ڕه‌گ و ڕیشه‌وه‌ بگۆڕێت . ئه‌و سیسته‌م و ده‌سه‌ڵاته‌ش له‌ ڕه‌گوڕیشه‌وه‌ ناگۆڕێت، مه‌گه‌ر ئه‌وه‌ که‌ جۆری  سیسته‌م و ده‌سه‌ڵاتێکی دیموکراتی به‌ هاوڵاتیان بناسێنریت و هاوڵاتیان هه‌م ئه‌رک و مافی خۆیان له‌به‌رامبه‌ر ده‌وڵه‌ت و ده‌سه‌ڵاتدا بزانن و هه‌م ده‌وڵه‌تیش میکانیزمی کارای پاراستنی ماف و ئازادییه‌کانی هاوڵاتیان بێت . ڕوانگه‌ی دووه‌م له‌ کوردستانپۆستدا، هه‌میشه‌ هه‌وڵیداوه‌ زۆر به‌ شه‌فافانه‌، کوردستانپۆست به‌ره‌و ئه‌و ئامانجه‌ ئاڕاسته‌ بکات و له‌و ڕێگایه‌وه‌ سنووری خۆی، وه‌ک ده‌زگایه‌کی ڕاگه‌یاندنی ئازاد، سه‌ربه‌خۆ و دیموکراتیک له‌ ڕاگه‌یاندنه‌ سانسۆرکراوه‌کانی دیکتاتۆری و فاشیزمی ده‌سه‌ڵاتدار و ئۆپۆزسیۆنی دیکتاتۆر و فاشیستی بێده‌سه‌ڵات جودا بکاته‌وه‌، به‌ڵام ڕوانگه‌ی  یه‌که‌م به‌پشتیوانی ماددی و مه‌عنه‌وی، له‌ڕێگای پلانگێڕان، سانسۆرکردنی بیرواڕای جیاوازی ناو کوردستانپۆسته‌وه‌ و له‌ ڕێگای ته‌که‌تولاتسازی، پاشکۆیه‌تی و کلکگرێدانی نهێنی و ژێربه‌ژێر به‌ گروپێکه‌وه‌ که‌  دوێنێ به‌شێک بووه‌ له‌ هه‌مان فاشیزمی بزووتنه‌وه‌ی کوردایه‌تی و ئه‌مڕۆش به‌ ناوی ئۆپۆزسیۆنبوونه‌وه‌، به‌ هه‌مان ئه‌قڵ و سیاسه‌ته‌کانی دیکتاتۆری و فاشیزمی بزووتنه‌وه‌ی کوردایه‌تییه‌وه‌، شه‌ڕی باڵاده‌ستی حیزبی خۆی ده‌کات،  هه‌میشه‌ هه‌وڵیداوه‌ کۆسپ و ڕێگری له‌به‌رده‌م کاره‌کان و ئامانجه‌کانی ڕوانگه‌ی دووه‌مدا پێکبهێنێت و خوێنه‌ری زۆرو بۆریش له‌سه‌ر بابه‌تی پوچ و بێمانا و دوور له‌  به‌ڵگه‌ و دوورله‌ فیکرو مه‌عریفه‌ بۆخۆی په‌یدا بکات . له‌به‌رئه‌وه‌، ئه‌م دوو ڕوانگه‌ ناکۆک و دژبه‌یه‌که‌، چی دیکه‌ نه‌یانده‌توانی پێکه‌وه‌ هه‌ڵبکه‌ن و ناکۆکییه‌کان گه‌یشته‌ ئاستێک که‌ به‌رگرتن به‌ ته‌قینه‌وه‌ و ئاشکرانه‌کردنیان چووبووه‌ خانه‌ی مه‌حاڵه‌وه‌ . ئێمه‌ بڕیارماندا به‌ هه‌مان ناوی کوردستانپۆست ئینفۆوه‌ جیابوونه‌وه‌ی خۆمان له‌و ڕه‌وته‌ دیکتاتۆرو بیروکراسییه‌ ڕابگه‌یه‌نین که‌ کوردستانپۆستی مۆنۆپۆڵی گروپی و شه‌خسی خۆی کردبوو . کوردستانپۆست، وه‌ک ماڵپه‌ڕێکی ناسراو، به‌رهه‌می شه‌ونخونی، ڕیسککردن به‌ژیان و خوێنی  ئێمه‌ بووه‌ و ڕۆڵی سه‌ره‌کیمان هه‌بووه‌ له‌ زیادکردنی ژماره‌ی نووسه‌ران و خوێنه‌رانیدا، ئه‌مه‌ سه‌ره‌ڕای داڕشتنی سیاسه‌ت و ستراتیژییه‌ته‌که‌ی، به‌ڵام ئه‌م سایته‌ له‌لایه‌ن ستافیێکی بێفیکرو بێمه‌عریفه‌وه‌، که‌ ته‌نها کاری ته‌کنیکییه‌که‌ی له‌ ئه‌ستۆدا بووه و توانای نووسینی یه‌ک وتاری به‌ ناوی ئاشکرای خۆیه‌وه‌ نه‌بووه‌‌، ده‌ستی به‌سه‌ردا گیراوه‌و به‌ پێی به‌رژه‌وه‌ندی گروپی و به‌  ئاره‌زووی شه‌خسی خۆی سات و سه‌وداو مامه‌ڵه‌ی پێوه‌کراوه‌و له‌ سیاسه‌ت و ستراتیژی سه‌ره‌تایی خۆی لادراوه‌‌ .

 ئێمه‌ وه‌ک داڕێژه‌رانی سیاسه‌ت و ستراتیژییه‌تی سه‌ره‌تایی کوردستانپۆست، به‌م جیابوونه‌وه‌یه‌مان هه‌م کوردستانپۆست له‌ به‌زبڵکردنی زیاتر ڕزگارده‌که‌ین و هه‌م ئه‌و ئیعتبارو سه‌روه‌رییانه‌شی بۆ ده‌گێڕینه‌وه‌ که‌ بۆ یه‌که‌مجار ئه‌م سایته‌ توانی له‌و هێڵه‌ سوورانه‌ زیاتر بڕوات که‌ دیکتاتۆری و فاشیزمی ده‌سه‌ڵاتداری کورد به‌ ده‌وری  ڕۆژنامه‌گه‌ری ئازادی کوردیدا کێشابووی. دڵنیایشین  که‌ له‌م ڕێگایه‌دا ته‌نها نابین و به‌ هه‌زاران مرۆڤی هوشیار له‌هه‌مان ئاسۆی ئێمه‌وه‌ ده‌ڕوانێته‌ گۆڕانکارییه‌کی ڕیشه‌یی له‌ ده‌سه‌ڵاتی دیکتاتۆری و فاشیستی سه‌پاو به‌ سه‌ر کۆمه‌ڵگه‌ی کوردستاندا. ئێمه‌ ده‌مانه‌وێت له‌ ڕێگای  ئه‌م سایته‌وه‌  ئه‌و هێزه‌، به‌هه‌موو مه‌یل، تێڕوانین و بیروڕاجیاوازه‌کانییه‌وه‌، کۆبکه‌ینه‌وه‌ و کوردستانپۆست بکه‌ینه‌ بڵندگۆی ئازادی  ده‌ربڕینی بیروبۆچوونه‌کانیان .  ئێمه‌ ده‌مانه‌وێت له‌ ڕێگای ئه‌م جیابوونه‌وه‌یه‌وه‌، به‌هاو نرخ بۆ کوردستانپۆست بگێڕینه‌وه‌ و کوردستانپۆست له‌ دیلی و مۆنۆپۆڵکردنی ئه‌و ڕه‌وته‌ ڕزگار بکه‌ین که‌  کوردستانپۆستی کردووه‌ته‌ زبڵخانه‌و به‌ ناوی ئۆپۆزسیۆن و گۆڕانخوازییه‌وه‌ هه‌مان سیاسه‌ت، فیکرو کڵتووری فاشیانه‌ جه‌لالی درێژه‌پێده‌دات . هێزی فیکری ئێمه‌و ڕابردووی دوور له‌ سات و سه‌ودای  سیاسیی  ئێمه،‌ گه‌ره‌نتی سه‌رکه‌وتنی سیاسیی ئاینده‌مانه‌ .

ستافی کوردستانپۆست ئینفۆ  

2010.2.22