هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<September 2018>
SuMoTuWeThFrSa
2627282930311
2345678
9101112131415
16171819202122
23242526272829
30123456


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
پەیوەستبوونی ئیسلامی دژی سەرمایەداری بە خۆپیشاندەرانی مەیدانی "تەقسیم" ەوە


img6/7/2013 12:00:00 AM
کوردستانپۆست ئینفۆ:

 تورکیا بەرەو قەیرانێکی سیاسیی ئاڵۆز هەنگاو دەنێت.

لە دووەمین ڕۆژی سەفەرە چوار ڕۆژییەکەی ئۆردوغاندا بۆ باکوری ئەفریقا، بە پەیامنێرانی میدیاکانی تورکیای وت:" پێش لەگەڕانەوەم دەبێت  خۆپیشاندان و مانگرتنەکانی مەیدانی تەقسیم کۆتاییان پێبێت!". خۆپیشاندەرانیش لە وەڵامدا وتیان :" ئێمە لێرەین، ئۆردوغان تۆ لە کوێیت؟!". پەیامەکەی هەردوولا ڕوون بوو؛ هیچ لایەکیان ئامادە نییە داشکانێک لە هەڵوێستی خۆیدا بەرامبەر بەوی دیکەیان بکات.

ئەمڕۆ( ٧-٦-٢٠١٣ ) یش ئۆردوغان لە وتەیەکیدا لە کۆنفرانسی وەزارەتی کاروباری ئەوروپا لە ئەستەنبوڵ، وتی" لە ماوەی ١٠ڕۆژدا دەبێت خۆپیشاندانەکان کۆتاییان پێبهێنرێت !". چەند ڕۆژیش لەمەوپێش و لەکاتی سەفەرەکەی بۆ باکوری ئەفریقا، خۆپیشاندەرانی سەرانسەری تورکیای بە " گێرەشێون، درۆبڵاوکەرەوە، فەرهودچی و تێکدەر" ناوبرد. لە ماوەی ٣ ڕۆژی ڕابردوودا، خەڵکی ئەستەنبوڵیش وەک پشتیوانییەک، خێمە، ئاو، خواردن و دەرمانێکی زۆریان بۆ مانگرتوانی مەیدانی تەقسیم بردووە. چەندڕۆژیش لەمەوپێش، گروپێکی موسڵمان بە ناوی "موسڵمانانی دژی سەرمایەداری" بە مانگرتوانی مەیدانی تەقسیمەوە پەیوەستبوون و ئەمڕٶ هەینی، یەکەمین نوێژی جەماعەتیان لەمەیدانی تەقسیمداکرد.

ڕووداوەکانی یەک هەفتەی ڕابردوو، ئاماژە بە دەستپێکردنی پرۆسەی قەیرانێکی سیاسیی لە تورکیادا دەکەن. ئۆردوغان بە غروری ڕۆژانی هەڵبژاردنەوەی دووبارەی بۆ پۆستی سەرۆک وەزیران مامەڵە لەگەڵ پرۆسەکەدا دەکات، بەڵام ئەم غرورە هیچ شتێک نییە جگە لە هەمان نەخۆشی سایکۆپایثی دیکتاتۆرەکان کە دەیانەوێت بە هێزی بەردەستیان و بە تووندوتیژی قەیرانە سیاسییەکانی وڵات یەکلایی بکەنەوە.

ئۆردوغان بەهۆی ڕزگارکردنی ئابوریی تورکیا لە ڕکود و قەیران، توانی بۆ جاری دووەم سەرکەوتنێکی سیاسیی تۆمار بکات و ببێتەوە سەرۆک وەزیران. سەرکەوتنە ئابورییەکانی ئۆردوغان، غرورە سیاسیی و عوسمانلییەکانی لە مێشکی ئەودا کەڵەکە کرد و دەستیکرد بە سەرکوتی ئازادییە سیاسیی و مەدەنییەکانی هاوڵاتیانی تورکیا. بە سەدان  و بە هەزاران ڕۆژنامەنووس، ئەکتیڤی سیاسیی و جەنراڵی سەربازی زیندانیکرد. هاوکاتیش بە شێنەیی دەستیکرد بە  جێگیرکردنی شەریعەت، زیندووکردنەوەی کڵتورە عوسمانلییەکان و پەرەدان بە ئایدیۆڵۆژیەتی سوننەگەرایی. ئەم  خەونە سیاسییە عوسمانلییەی ئۆردوغان، ئەوی بەشێوەی دیکتاتۆرێکی مەغرور خستە بەرامبەر خەڵکی تورکیاوە. کۆمەڵگەی تورکیا بەگشتی کەوتە ژێر سێبەری ئەم دیکتاتۆرە مەغرورەوە؛ شیعە عەلەوییەکانی تورکیا کە ئەزمونێکیان لە سەرکوتکردنیان لەلایەن دەسەڵاتی خەلافەتی عوسمانلییەوە ناوەتە پشت سەریان، دووبارە ترسی خەلیفەی نوێ [ ئۆردوغان] سێبەری خستە سەریان. کەمالیستەکان، کە هەرەسهێنانی مێژوویی ئیمپراتۆرییەتی عوسمانی بە یەکێک لە شانازیی و سەروەرییە مێژووییە گەورەکانی خۆیان دەزانن،  تارمایی تۆڵەکردنەوەی سیاسیی نیوعوسمانلییەکان  بەسەرسەریاندا هاتۆچۆ دەکات. چەپەکان و کۆمۆنیستەکانیش کە نایانەوێت کۆمەڵگەی تورکیا لە قاڵبی یاسا و شەریعەتە ئیسلامی و عوسمانییەلییەکان بدرێتەوە، بە ناچاری ڕووبەڕووی خەلیفە دیکتاتۆرە نوێیەکە بوونەتەوە. ئەم پۆڵەریزەیشن ( جەمسەربەندی )ە کۆمەڵایەتی و سیاسییە نوێیەی کۆمەڵگەی تورکیا، تەنها لە سەر ئاستی سیاسیی و کۆمەڵایەتیدا بەرجەستە نەبۆتەوە، بەڵکو لە بواری ئابوریی و چینایەتیشدا ڕیزبەستن و جەمسەربەندییەکی نوێ قەوارەی گرتووە؛ لە سایەی بوژانەوەی ئابوریی تورکیاو سیاسەتی لیبراڵیانەی پەرەدان بە کەرتی تایبەتیدا، ژمارەیەکی کەم ملیۆندەر و ملیاردێر شاڕەگی ئابوریی تورکیایان بەدەستەوە گرتووە و زۆربەی هەرەزۆری خەڵکیش بوونەتە کرێکاری کرێگرتەیان. ملیاردێرەکانی تورکیا، کەسانی نزیک لە بنەماڵەی ئۆردوغان و حیزبی دادو گەشەکردنن. ئەم جەمسەربەندییە ئابوریی و چینایەتییە ژێر سایەی خەلیفەی دیکتاتۆر بە ئاستێک گەیشتووە کە تەنانەت بەشێک لە موسڵمانانیشی گەیاندۆتە ئەو قەناعەتە سیستەمی سەرمایەداری لە تورکیاو جیهاندا، سیستەمێکی ناعەدالەتەو پێویستە خەبات بۆ ڕوخاندنی بکرێت.

ئۆردوغان لە لوتکەی غروری عوسمانلیدایەو ئەو ڕیزبەستن و جەمسەربەندییە سیاسیی، کۆمەڵایەتی و ئابوریانە نابینێت کە ئێستا لە کۆمەڵگەی تورکیادا پێکهاتوون. ئەمەش دەبێتە هۆی ئەوە کە خۆپیشاندانەکان لە درێژەی خۆیاندا بگۆڕێن بۆ پێکدادانە سیاسیی، کۆمەڵایەتی و چینایەتییەکان، پێکدادانێک کە قەیرانی سیاسیی تورکیا دەخەنە قۆناغێکی ئاڵۆزی ئەوتۆوە کە هاوسارەکەیان لەدەستی ئۆردوغان و ئاکەپە دەردەچێت!.