هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<December 2018>
SuMoTuWeThFrSa
2526272829301
2345678
9101112131415
16171819202122
23242526272829
303112345


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
گۆڵمەز: خوتبە مێژووییەکەی مەلای ٤ پارچە بە بێ دەستکاری (١)


img10/15/2012 12:00:00 AM
گۆڵمەز:

سەرۆک کۆماری عیییراق و سکرتێری گشتی یەکێتی نیشتمانی کوردستان، ڕۆحی پیسی فیتنەیی و شەیتانییە لە مەنتەقەکە، کە جێگای متمانەو باوەڕپێکردن نییە لە عێراق و ناوچەکەدا و وەک مەیمونەکانی جەنگەڵەکانی هیندستان هەر دەقە و سەعاتێک لەسەر چڵی درەختێک باز بازێن و  وازی دەکات، سڵاوی ئەم مەیمونە سیاسەتبازە بە یەکە بەیەکەی ئێوە دەگەیەنم!.

ئیجازەم بدەن شیعرێکی بێتامی شاعیرێکی گەورەی کورد، دڵدار، خەڵکی کۆیەی داماو و بەستەزمان، دەستکاری بکەم و قافیەو وەزنیشی وەک " ڕەقیب " قەسابی بکەم. ئینجا وەک بەستە دۆلارەکانی خەڵکی باشور بۆتان فت بکەم:

شیعری ئەی ڕەقیب!..

ئا.. ئا.. شیعری ئەیڕەقیب

 لەبەری هەستنە سەرپێ

ڕاوەستن قنج و قیت !..

دەیبینی ئەی ڕەقیب چۆن فەوتاوە قەومی کورد زمان!..

دەیبینی  قاسەی دۆلارەکانمان؟..

 نایشکێنی دزی زەمان!..

کوان ئەوانەی ئەیانوت کورد زیندووە

مەرد بن ببین بزانن چۆن کورد بەدەستی چەتەکانی وەک مەلاوە مردووە!.

قەت نانەوێت ئاڵای دزی و جەردەییمان

ئازیزان!..

سەیرکەن ..

چۆن ئەم میعرەشم

بۆکردن بە پەندی زەمان!.

جگە لە سڵاوی مام گۆپاڵ و دیوەخانی پیاو ماقوڵانی یەکێتی، پێم خۆشە سڵاوی توکێڵی هەنارە کیماوییەکانی هەڵبجەی بەدەستی خۆمان شەهیدکراوتان بۆ بێنم.. سڵاوی گوڵە گەنمەکانی گەرمیانی ئەنفالستانی ژێر دەستی بەعسییە سەوزەکانتان بۆ بێنم.. سڵاوی دۆڵی بازییەی کیمیا- بارزانکراوی بارزانتان بۆ بێنم.

سڵاوی کەرکوک و خانەقین و شەنگار، نەوتەکەی ئەدزین بەبێ مژار.. سڵاوی سلێمانی، هەولێر، کەرکوک، دهۆک.. پێشکەشتان بێت وەک گولەی هۆک!.. سڵاوی کەرکوک و خانەقین و سلێمانی لە سنە، لە سەقز، لە مەهابادو لە کرماشان.. هاتووم  فریوتان بدەم بە گۆڕی شەهیدان!.. سڵاو .. سڵاوتان لێبێت .. سڵاو ئەی ئازادیخوازن.. سڵاوتان لێبێت ئەی تێکۆشەران، جرتێکی سیاسیی بۆ ئەم مەلا لەبلەبانە  لێدەن تو سەری خۆتان!.. ئێوە لە ئەنقەرە.. لە ئەستەنبوڵ و لە هەموو شوێنەکانی دیکە.. ئاگاتان لێنییە ئەم مەلایە چ فشەکەرێکە!..

 ئازیزان!

کۆنگرەکەتان لە هەلومەرجێکی چارەنووسسازی ڕۆژ هەڵاتین ناڤین دەبەستن. هەلومەرجێک کە حکومەتە دیکتاتۆرەکان دەڕوخێن و حکومەتە دیکتاتۆرو چەتەکانی وەک هەرێم جێگایان دەگرنەوە.. ئەوانەی ئەڕوخێن، بەدەم شەقی جەماوەرەوە گیاندەدەن.. ئەوانەی ناڕوخێن، هەر ئەبێت ببن بە دیموکراسی!.

تیۆری فەنتاستیکی مەلا وا دەڵێت : " دیکتاتۆر هەر ئەبێت ببێت بە دیموکراسی !" ، ئەوانەشی کە " دیموکراسین هەر ئەبێت ببن بە دیکتاتۆر". ڕێگایەکی تر لە بەردەمیاندا نییە.. ئەبێت ڕۆژهەڵات، هەموو وڵاتانی ڕۆژ هەڵات ببنبە دیموکراسی و دیموکراسیش ببێت بە دیکتاتۆری ..تازە ترین تیۆری تەقلیدی مەلای بێسەواد وا دەڵێت!.

ناکرێت حکومەتەکان، لەچاو عوسمانییەکان، لەچاو سەفەویەکان، دیکتاتۆرەکان و لەچاوی فاشیستەکانەوە سەیری  مافی کورد نەکەن، چونکە مەلا فەتوایداوە!.. تەواو، ئەو سەردەمە تەواو، مێژوو جارێکی دیکە  بە قسەی قۆڕی " دیکتاتۆرەکان " نانووسرێتەوە!.. مێژوو، مێژووی دیکتاتۆرەکانە.

مەلای بێسەواد بڕۆ مێژوو بخوێنەرەوە!.. بە سەد ساڵی دیکەش لە زانستی یاساکانی زاڵ بەسەر جوڵانەوەی مێژوودا تێناگەیت، ئیتر بۆ بە دیکتاتۆرەکان دەڵێیت با مێژوو بخوێننەوە.. ئەرێ نەفام تۆ خۆت مێژووت خوێندۆتەوە تا بە وان دەلێیت بڕۆن مێژوو بخوێننەوە؟..

ئەوە میر بۆتان.. ئەلف و بێی لێنازانیت بەویژدان!.. ئەوە دەرسیم.. تەنها لە زمانی خەڵکیترەوە گوێبیستیم!.. ئەوە ئاگری داخ.. تەنها ناویم بیستوە ئاخ.. ئەوە عوبێدوڵای نەهری.. هیچ دیکەی لێنازانم بە حەزرەتی مەهدی!.. ئەوە شێخ مەحمود.. یەک لاپەڕەت لەسەری نەخوێندۆتەوە بێ کەم و زیاد!.. ئەوە قازی محەمەد.. هیچ لەو مێژووەش نازانی مەلای بێ سەواد!.. ئەوەش ڕاپەڕینی کوردستانی عییراق.. ئەوەش فیدراڵی کوردستانی عییراق.. ئەوەش جەنابی مام جەلال.. ئەوەش جەنابی سەرۆک بارزانی..!.. بزانن  داهاتی خەڵک چۆن  دەبەن بە تاڵانی؟!..

 ئەی مەلا مەلا مستەفا و خەنجەرە دابان و سەبیلەکەی چی، کە لە مێژوو خوێندنەوەکەت بازت بەسەردا دا؟!.. ئەویش ئەڵقەیەک لەو زنجیرە کۆمیدیایە کە ناوتنا مێژووی جوڵانەوەی ڕزگاری کورد.. ئەی ئەمەیانت بۆچی لەیاد کرد؟!.

ماویەتی ....

https://www.facebook.com/video/video.php?v=389847271088317&saved