هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<July 2018>
SuMoTuWeThFrSa
24252627282930
1234567
891011121314
15161718192021
22232425262728
2930311234


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
گردەکە بنکەی داتاشین و دروستکردنی علوجەکانەن- بەشی سێیەم


img9/20/2012 12:00:00 AM
وەحید ئەمین:

کاتێك خاوەنی دوو بەهێزترین هێزی سەربازی جیهان ( ئەمەریکاو بەریتانیا) بڕیاریاندا سەددامی دیکتاتۆر بڕوخێنن و پەلاماری عێراقیاندا، سەددام خۆی سەرپەرشتی راستەوخۆی هێزە سەربازیەکەی دەکردو جەنگی ڕاگەیاندنیش، کە بڕبڕەی پشت و بەرزکەرەوەی ورەی سەربازبازەکانی بوو، خستبوویە ئەستۆی محەمەد سەعید سەحاف . بەواتایەکیتر عێراق لەبەرانبەر گەورەترین دوو هێزی سەربازی جیهاندا تەنیا یەك علوجی هەبوو. علوج چی؟ کابرایەکی لێهاتوو، خاوەنی توانایەکی بێسنور لەهونەری درۆو چەواشەکاری تارادەی ئەوەی کە تەواوی خەڵکی عێراق، وڵاتانی دراوسێ و وڵاتە عەرەبیەکانیش بێهیوا بوون لەڕوخاندنی ڕژێمەکەی سەددام، بەڵام گۆڕان تەنیا گردەکەیەو کۆمەڵێك لاتی لەبەرژەوەندیدراو لێی کۆبووەتەوە، کەچی دەیان و بگرە سەدانیش سەحافیان هەیە. هەرچەندە توانای هونەری درۆرو چەواشەکاری سەحافەکانی گردەکە شتێکی کەمتر نیە لە سەحافەکەی سەددام، بەڵام سەحافەکانی گردەکە ترسنۆکن و نیوهێندەی سەعید سەحافەکەی بەغداد، غیرەتیان نیە.

گۆڕان شەڕی نەوت بۆ بەرکەوتەی بەشی خۆی، بۆ بەرژەوەندی خەڵك یان بۆ چەواشەکاری دەکات؟

هەرکەس و لایەنێك گومانی لە خیانەتی مەسعودو بنەماڵەکەی هەبێت لەبەرانبەر خەڵکی کوردستانی گەورەدا، جێکەوتەی پۆلێنکردنە لەگەل بنەماڵەی بارزانیدا. هەرکەسێك باوەڕی وابێت کە لەباشوری کوردستان پارلەمان هەیەو پارلەمانتارانیش نوێنەرانی چین و توێژە جیاوەزەکانی کۆمەڵن، ئەکرێت مۆری کۆیلەی بارزانی لە نێوچاوی بدرێت، بۆیە کاتێك کەبارزانی لەجیاتی جارێك دەیان جار خیانەتی لەگەلەکەی کردبێت و ئامادەشبێت سەدان جاریتر بیکات، ئەی بۆچی دزینی نەوت و بەقاچاخ هەرزانفرۆشتنی بەڕەواو نەبینێت و بەئەرکی سەرشانیشی نەزانێت؟؟

بەتەنیا دەستکەوتن و ئاشکراکردنی ناوەرۆکی دۆکۆمێنتی ئاودیوکردنی نەوت کە بەشێکە لەئەرکی سەرشانی هەمووان بەتایبەتی لایەنە پەیوەندیدارەکان و داکۆکیکردنە لە سامانی نەتەوایەتیش، لەلایەن ئاشتی هەورامیەوە بۆ ڕای گشتی و کۆمەڵانی خەڵك،بەس نیە، بەڵکو دووشتیتر زۆرگرنگن:

١. بەڕاستی و بوێرانە دوان لە دزە گەورە بەرچاو برسیەکان کە خودی بارزانی و بنەماڵەکەیەتی نەك ئاشتی هەورامیەکی کۆیلە. پەلاماردانی ئاشتی هەورامی بێغیرەتی، چەواشەکاری و خۆدزینەوەیە لەڕاستیەکان.

٢. بەشێك لەکاری ئۆپۆزسیۆنی ڕاستەقینە ئەوەیە کە هەوڵبدات بەهەر نرخێك بێت، نەك تەنیا بەقاچاخ هەرزانفرۆشتن و دزینی داهاتەکەی ڕابگرێت، بەڵکو کار بۆ هێنانەوەی داهاتە دزراوەکەش بکات.

ئینجا با بزانین ئیسماعیل گەڵاڵی پاڕلەمانتاری فراکسیۆنی گۆڕان چی بە ئاشتی هەورامی دەڵێت؟!

ئیسماعیل گەڵاڵی وتی:

1. ئاشتی‌ هه‌ورامی‌ له‌پێناو به‌رژه‌وه‌ندی‌ گیرفانی‌ خۆیدا ئێستا كوردستانی‌ خستۆته‌ حاڵه‌تێكی‌ زۆر مه‌ترسیداره‌وه‌.

٢. له‌به‌غداد هه‌ڕه‌شه‌ی‌ ئه‌وه‌ ده‌كه‌ن بودجه‌ی‌ هه‌رێم ده‌بڕن ئه‌مه‌ هه‌مووی‌ به‌هۆی‌ ئه‌و سیاسه‌تی‌ نه‌وسنی‌ و چاوچنۆكی‌ و چڵێسیه‌ی‌ كه‌ ئاشتی‌ و كه‌سانی‌ وه‌ك ئاشتی‌ په‌یڕه‌وییان كردووه‌ له‌كوردستان و توشی شه‌ڕیان كردوین".

٣. "ئاشتی‌ هه‌ورامی‌" به‌ڕاستی‌ ئه‌ندازیاری‌ به‌فیڕۆدان و تالاَنبه‌ری‌ نه‌وتی‌ كوردستانه‌.

ئەوەش لینکی هەواڵەکەیە ( http://lvinpress.com/K_Direje.aspx?Jimare=11753&Besh=Hewal&Cor=2 )

بەڕاستی شەرمە و سەدجاریش شەرمە کە  مرۆڤ هیندە ترسنۆك بێت وەکو ئیسماعیڵ گەڵاڵی!! خاك بەدامانی ئەو گەمژانەی دەنگیان بەتۆداوەو نوێنەرایەتیان دەکەیت لەبەرانبەر چەتەکانی بارزانیدا.

گەوجترین گەوجی گردەش باش ئەو ڕاستیە دەزانێت کە ئاشتی هەورامی لە پێناو گیرفانی خۆیدا کوردستانی نەخستۆتە حاڵەتێکی مەترسیدارەوە. ئەو ڕاستیە باش دەزانێت کە هەڕەشەی بڕینی بودجەی هەرێم لەلایەن بەغداوە، سیاسەتی نەوسنی، چاوچنۆکی و چڵێسی هەورامی نیەو ئەویش ئێوەی توشی شەڕ نەکردوە. ئەو ڕاستیە باش دەزانێت کە هەورامی ئەندازیاری بەفیڕۆدان و تاڵانبەری نەوتی کوردستان نیە. ئەو کەسەی لەپێناوی گیرفانی خۆیدا کوردستانی خستوەتە حاڵەتێکی مەترسیدار، ئەو کەسەی بوەتە هۆی ئەوەی کە بەغداد هەڕەشەی بڕینی بودجەی کوردستان بکات و بە سیاسەتی نەوسنی، چاوچنۆکی و چڵێسی ئێوەی لەکوردستان توشی شەڕ کردوە، ئەو کەسەی کە ئەندازیاری بەفیڕۆدان و تاڵانبەری نەوتی کوردستانە، ئەوە مەسعود بارزانی و بنەماڵە چەتەکەیەتی نەك ئاشتی هەورامی. ئەو مەسعودەیە کە ئێوە بەفەرمی بەسەرۆکی هەرێمی کوردستانتان ناسیوە. ئەو مەسعودەیە کە فیکەی کۆبوونەوەیەك دەکات دوو مەتر بۆی دەچەمێنەوە. ئەو مەسعودەیە کە سکاڵای نانبڕاوەکانتان لەلایەن تاڵەبانیەوە خستە بەردەستی و لێی دەپاڕانەوە کە کارێکتان بۆ بکات.

پێویستە ئیسماعیل گەڵاڵی ئەو ڕاستیە باش هەرس بکات کە خۆی چەند کۆیلەی نەوشیروان مستەفایە، ئاشتی هەورامیش هەر هێندە کۆیلەی بنەماڵەی مافیای بارزانیە. ئەو ڕاستیە باش بزانێت کە خۆی چی پێدەکرێت لە بەرانبەر کاکە نەوەدا، هەورامیس هەر هێندەی پێدەکرێت لە بەرانبەر بارزانیدا.

ئەوەی جێی تێڕامانە ئەوەیە کە کەسی دووەمی گردەکە ( محەمەد تۆفیق ڕەحیم )، 6 ڕۆژ دوای لێدوانەکەی گەڵاڵی دەربارەی ئاشتی هەورامی لەدیدارێکیدا لەگەڵ هاوڵاتی، دەڵێت: (( له‌ هه‌رێمی‌ كوردستان شتێك نییه‌ به‌ناوی‌ وه‌زاره‌تی‌ سامانه‌ سروشتییه‌كانه‌وه‌، زه‌لامێكه‌ هه‌ر خۆیه‌تی‌ به‌ئاره‌زووی‌ خۆی‌ قسه‌ ده‌كات")). ئەوەش لینکی هەواڵەکەیە:

http://www.hawlati.co/babetekan/27452

ئەمەوێ بڵێم کە نە گەڵاڵی گەوجەو نە محەمەد تۆفیق ڕەحیمیش، بەڵکو ئەوە پلان و بەرنامەیەو بۆ کات بەڕێکردن و خۆدزینەوە لەڕاستیەکان، چونکە نەك تۆفیق ڕحیم، بەڵکو تەواوی خەڵکی کوردستان ئەوە باش دەزانن کە شتێك نیە بەناوی وەزارەتی سامانە سروشتیەکان، بەڵام خاڵە ڕەحیمیش درۆ دەکات و باش دەزانێت هەورامی کەسێك نیە کە بتوانێت یان بوێرێت بەئارەزوی خۆی قسە بکات ( هەرکەس سەرپێچی لەبڕیاری مەسعود و بنەماڵەکەی بکات، چارەنوسی هەمان ئەو کەسانەیان دەبێت کە سەرپێچییان لە بڕیارەکانی نەوشیروان مستەفا کردو بەتەور داپاچران )، بەڵکو تەواوی ئەرك و فرمانەکانی وەزارەتی سامانە سروشتیەکان، بەبڕیاری مەسعود و بنەماڵەکەی دەخاتە بواری کارکردنەوە.

لەهەمان دیداردا لەوەڵامی پرسیاری( داواكاری توركیاو ئێران لەئێوە چی بووە؟ )، محەمەد تۆفیق رەحیم وتی هەموو ئەو یەكتربینانە تەنها پرسیاركردن‌و گفتوگۆ بووە، لەبارەی بۆچوونەكانی ئێمە لەسەر بارودۆخی عێراق و هەرێم، بەنسبەت داواكاریشەوە، بەهیچ شێوەیەك داواكاری لەهیچ لایەن‌و وڵاتێك قبوڵناكەین، چونكە ئێمە ئامادەنین بكەوینە هیچ بەرەیەكەوە، بەرەی حەق و دیموكراتی نەبێت.

کەس لەوباوەڕەدایە کە خودی حەمەتۆفیق باوەڕی بەو وەڵامەی خۆی هەبێت تا خەڵك باوەڕی پێبکات؟! کاتێك دەیان بنکەی ئیتڵاعات و میت لەکوردستاندایە، کاتێك دەیان لێپرسراوی باڵای تاڵەبانی و بارزانی بە خودی تاڵەبانی و بارزانیشەوە نۆکەری ئێران و تورکیان، کەی ئێران و تورکیا پیویستیان بە بینینی ئێوەیە بۆ زانینی بۆچونەکانتان لەسەر بارودۆخی عێراق و هەرێم؟.

دەربارەی داواکاریەکانیش، کاتێك دەتانتوانی داواکاری لەهیچ لایەن و وڵاتێك قبوڵ نەکەن کە ئامادەبوونایە سەردانی وڵاتەکەیان نەکەن! بەڵام کاتێك کەسەردانی ئێران و تورکیاتان کرد، ئەوە ئێوەنین کەبڕیار دەدەن داواکاریەکانیان قبوڵ بکەن یان نا، بەڵکو بڕیار بەدەست ئیتڵاعات و میتەوەیە نەك ئێوە. خۆ ئەوان دابەستەیان ڕانەگرتووە خاڵە ڕەحیم!!.

حەمەتۆفیق دەڵێت کە گردەکە ئامادەنین بکەونە هیچ بەرەیەکەوە جگە لە بەرەی حەق و دیموکراتی!! بێگومان ئەوە یەکەمجارە کە حەمەتۆفیق نەدرۆ دەکات و نەمەستی گەوجاندنیشە، بەڵکو تێکەوت و ڕاستگۆیانە وەڵامیدایەوە، چونکە شوباتی پارساڵ ئەو ڕاستیەیان سەلماندو پشتیان کردە بەرەی خەڵك و ڕاستەوخۆ نەوشیروان مستەفا خەڵکی ڕاپەڕیوی شاری سلێمانی بەتێکدەرو گێرەشێوێن هەژمارد کرد. بەو هەڵوێستەشیان پشتگیریان لە بەرەی تاڵەبانی و بارزانی( بەرەی حەق و دیموکراتی )، کرد.

ماوە بڵێم پاش ئەو هەموو درۆو چەواشەکاریانە، کەسێک ماوە بڕوای پێتان هەبێت  کە لە داهاتودا دەبنە ڕابەری بەرەی حەق و دیموکراتی!!.

17 - 9 - 2012