هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<July 2018>
SuMoTuWeThFrSa
24252627282930
1234567
891011121314
15161718192021
22232425262728
2930311234


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
دووبارە کراوەتەوە: نهێنیەکانی چۆنیەتی هەڵبژاردنی دەستەی هەڵسوڕاوانی گۆڕان؛ کەنەدا وەک نموونەی هەمووشوێنەکانیتر


img9/7/2012 12:00:00 AM
وەحید ئەمین:

نەوشیروان مستەفای ڕێکخەری بزوتنەوەی گۆڕان، پێش ئەنجامدانی چەند قۆناغێکی هەڵبژاردنی ناوخۆی ڕێکخراوەکەیان، دوو پەیامی بۆ هەڵسوڕاوانی سنوری پارێزگای سلێمانی و هەولێری بزوتنەوەکەیان نارد و داوای لە بەشداربوان کرد لە هەموو بوارەکاندا بەگیانێکی دیموکراتییەوە وێنەیەکی شارستانی بۆ سەرخستنی ئەم ئەزمونە پێشکەش بکەن و پابه‌ند بن به‌ رێنماییه‌ په‌یوه‌ندیداره‌كانی‌ پرۆسه‌ی‌ هه‌ڵبژاردنه‌كه‌وه‌. ئەوەش لینکی هەردوو پەیامەکەی نەوشیروان مستەفایە:
1. http://kurdish.sbeiy.com/Detail.aspx?id=7852&LinkID=4

2. http://sbeiy.com/Detail.aspx?id=8225&LinkID=4

بەندەش کاتێك پەیامەکانی نەوشیروانم خوێندەوە، لەلایەك بیرم لەوەدەکردەوە کە ڕەنگە ئەوانە پەیام نەبن و بڕیاری جێبەجێکردنی بەرنامەو پلانی داڕێژراوی پێشوەخت بن، وەکو داواکاریەکەی نەوشیروان لە دوو پاڕلەمانتارەکەی فراکسیۆنی گۆڕان بۆ دەستلەکارکێشانەوەیان، لەلایەکیتریشەوە ئەوەی سەرنجی زۆر ڕادەکێشام کە گومانم نەمێنێت لەوەی کە خودی پەیامەکانی نەوشیروان جێگەی هەڵوێستە لەسەرکردنەو تەنیا دەیەوێت بەزۆرو بۆ چەواشەکاری ڕووکەشێکی شارستانی بەباڵادا بپۆشن، بۆ ئەوەی وا لەخەڵك بگەیەنێت کە مێتۆدی کاری ڕێکخراوەیی گۆڕان لە یەکێتی و پارتی جودایە.
لەڕاستیدا لەدووای هەڵبژاردن و لەمانگی تەموزی پارساڵەوە من یاداشتی وردەکاری بەرنامەوپلانەکەی ئەوانم کردووە پاراستوومە، چاوەڕێی هەل و بوارێکی گونجاوم دەکرد بۆئەوەی ئەو پرسەی تێدا بوروژێنم، بۆیە پێم وایە ئێستا کاتێکی لەبارە بۆ ئاشکراکردنی ئەوزانیاریانەو بڕیارم دا کە هەندێك لەوردەکاری نهێنیەکانی بەرنامەو پلانی هەڵبژاردن لەلایەن بەشێك لە هەڵسوڕاوانی گۆڕان لەکەنەدا ، بکەمە دیاری بۆ خودی نەوشیروان مستەفا و لەڕیگەی ئەو دیاریەوە پییڕاگەیەنم کە هەڵسوڕاوانی گۆڕانیش هێشتا لەکۆت و زنجیری عەقڵیەتی سەردەمی شاخ ڕزگاریان نەبووەو داماڵراون لە هەموو واتاو بەهای وشەی گۆڕان.

هەڵبژاردنی هەڵسوڕاوانی گۆڕان لەکەنەدا

بەرنامەی پلاندانان و ملشکاندنی لەپێشینەی یەکتری بەشێکی گرنگ و سەرەکی هونەری دیموکراسی و ئازادی هەڵبژاردنە چەواشەکاریەکانی تەوای بوارەکانی هەڵبژاردنی ڕێکخراوو حزبە کوردیەکانە، بە خودی نەوشیروان و هەڵسوڕاوەکانیشیەوە. کلتوری ئەو پلاندانان و ملشکاندنە ڕێبازێکی نوێ نیەو هونەرێکی دیکتاتۆرانەی لەمێژینەی چەتەکانی شاخەو لەخوێنیاندا تواوەتەوە و شارو شارستانیشیان پێئاشناکردووە. مۆراڵ و هزری ڕاستەقینەی ئەوان لە چەقبەستن و پاراستنی کلتوری فاشیانەی بێوێنەیاندا خۆی مەڵاس داوەو دەبینێتەوە. بۆیە پێش هەر هەڵبژاردنێك ( گرنگ نیە بۆ چ ئاستێك بێت یان لە چ بوارێکدا بێت ) کەسە بێکەسایەتیەکان، تاکە هەلپەرست و خۆویستەکان، تاکە بێئاست و بێمەعریفەکان، تاکە دەرون نەخۆشەکان بۆ بەناڕەوا چوونە پێشەوە و سەرکەوتن، بەنهێنی یەکدەگرن و گروپێك دروست دەکەن، پاشان بۆ ملشکاندنی هاوڕێ نەیارەکانیان دەیان کۆبوونەوەی ژێر بەژێر دەبەستن.

دووای هەڵبژاردنەکەی 25 ی تەموزی 2009 و شکستی جەلالیەکانی سلێمانی لەبەرامبەر گۆڕاندا، تەمەنی گۆڕان پێی نایە بەهارەوەو نەیارە ناهوشیارەکانی تاڵەبانی و بارزانی و هەوادارانی نەوشیروانیش سەرەتا لە ئەوروپاوە، پاشان لە زۆربەی شوێنەکانی هاندەران پەیوەندیان لەگەڵ گردەکە بەست و دەستیان کردە دروستکردنی هەڵسوڕاوانی گۆڕان.
لەڕاستیدا تا 8 ی نیسانی 2011 و سەرپەرشتیکردنی کۆبوونەوەیەکی هەوادارانی گۆڕان لە و ڕۆژەدا لەلایەن بەیاد عەلیەوە ( یوسف عەلی) کە سبەی ڕووماڵی ئەو هەواڵەشی کردبوو، من ئاگاداری هیچ هەواڵ و زانیارییەك نەبووم دەربارەی هەوڵدان، چۆنیەتی خۆئامادەکردن و بەرنامەدانانی هەوادارانی گردەکە بۆ خۆڕێکخستنەوەو دروستکردنی رێکخراوی هەڵسوڕاوانی گۆڕان لەکەنەدا، جگە لەوەی کە جارجارێك بەیاد عەلی دەیدا بە گوێمدا کە کەسێك بەناوی شوان چاوشینی هاوڕێی کە لە ڤانکۆڤەر ژیان بەسەر دەبات، ئیمەیڵی بۆ دەکات و داوای لێدەکات کە لە کوردستانپۆست ئینفۆ  دوور بکەوێتەوە. بۆمن کێشە نەبوو کە بەیاد عەلی چۆن بیردەکاتەوەو هەڵگری چ ڕێبازێك دەبێت، چونکە من هەرگیز دۆستایەتی و هاوڕێیەتیم تێکەڵی کاری سیاسەت نەکردووە( هیوادارم بەیاد عەلی واتێنەگات کەلەڕێگەی ئەم نووسینەوە من سوکایەتی پێدەکەم ) لەهەمانکاتدا زۆر ئامۆژگاریمکرد کە لێیان دوور بکەوێتەوەو دەست لەگەڵیان تێکەڵ نەکات، چونکە بۆمن جیاوازییەك لەنێوان تاڵەبانی و نەوشیرواندا نیەو هەمان مۆراڵ و هزریان هەیە. بەلامی منەوە کاریگەری بەلاڕیدابردنی نەیارانی تاڵەبانی و بارزانی لەلایەن نەوشیروان مستەفاوە بەناوی ئۆپۆزسیۆنەوە گەلێك ترسناکتر بوو لە بوونە کۆیلەی تاڵەبانی و بارزانی تەقلیدی، بەڵام بەیاد بە بیانوی ئەوەی کە ژیانی لەخزمەتی یەکێتیدا بەسەربردووە، دەیوت دەمەوێ ئەومێژووەم زیندو بکەمەوە( بەڵام ڕاستی نهێنیەکە ئەوە نەبوو، بەڵکو بەیاد حەزی لەخۆدەرخستن بوو، بۆیە دەیویست دەستی بە لێپرسراویەتیەك بگات).

من و بەیاد شەریك بووین و ئیدارەی بەنزینخانەیەکمان دەکرد سەربە کۆمپانیای پیانیر بوو. بەیاد لە دووشەممە بۆ پێنج شەممە لە هەشتی بەیانی تا 5 - 6 ی ئێوارە دەمایەوەو پاشان دەچوویەوە بۆماڵەوە، بۆیە دانیشتن و کۆبوونەوەکانیان لە ڕێگەی ژورێکی ئەلکترۆنییەوە بەئەنجام دەگەیاند. منیش هەمیشە لەدەوری 11.30 شەودا دەگەیشتمەوە ماڵەوە. زۆرجار ڕێکەوتووە کاتێك کە گەیشتوومەتە ماڵەوە، بەیاد یان بەتەلەفۆن یان لەڕێگەی کۆمپیوتەرەوە لەگفتوگۆکردندا بووە لەگەڵ هاوڕێکانی چ بەتاك یان بەکۆ. لەڕاستیدا پاش ئەوەی بەیاد خۆی باسی ئەوەی بۆکردم کە سەرپەرشتی کۆبوونەوەیەکی هەوادارانی گردەکەی کردووە، ئیتر شتێکی نهێنی لەنێوان من و ئەودا نەمابوو و ئاگاداری وردو درشتی دەکردم . هەر دووای یەکەم دانیشتن، هاوڕێیەکیان بەناوی سەعید کاکەیی پاش ئەوەی ناکرێتە لێپرسراوی کۆبوونەوەکان ( بەقسەی کاك بەیاد ) بەلەسە دەبێت و لێیان دوور دەکەویتەوەو نامەیەك بەناونیشانی( لەسەعید کاکەییەوە بۆ هەڵسوڕاوانی ڕەوەندی گۆڕان ) نووسی کەباسی قارەمانی خۆیی و گەلێکیش سوکایەتی بە کاك بەیاد دەکات کەئەوەش بەشێکی نامەکەیە "

نامەیەك لە سەعید کاکەییە وە بۆ هەڵسوڕاوانی ڕەوەندی گۆڕان

بەڕێزان ئەم کاتەتان باش،

بزووتنەوەی گۆڕان وەك هێزێکی پێشەنگی هوشیارکەرەوەی مۆدێرنی سیاسی ناو کۆمەڵگای کوردەواری بووەتەمۆتەکەیەك بۆ دەسەڵاتی گەندەڵ و عەقلیەتی تۆتالیتاری و بنەماڵەیی کاتبەسەرچووی حکومڕانانی هەرێمی کوردستان.هەر لە سەرەتای پەیدابوونی بزووتنەوەی گۆڕانەوە، توێژە جیاجیاکانی کۆمەڵگای کوردستان گەشبینیەکی بەرفراوانیانبەخۆوە بینی لەوەی کە هەلومەرجە بابەتیەکان هاتوونەتە ئاراوە بۆ خۆئامادەکردن و لە ئامێزگرتنی ئەم بزووتنەوەتازەگەریە بەتایبەت لەلایەن چالاکوانی سیاسی پەراوێزخراوو تۆراوو هەروەها توێژی بەرینی گەنجانی بێبەش لە مەفەکانیبە هاوڵاتی بوون کە دەسەڵاتە قۆڕغکارەکەی هەرێم ڕێڕەوەی ژیانی ئاسوودەیی لە حزباندنێکی زەق وتەقدا خۆماڵکردووە.ئەم بەرەوپێشچوون و لە ئامێزگرتنە جەماوەریەی بزووتنەوەی گۆڕان سەرانی حزبە تەقلیدیەکانی دەسەڵاتی کوردستانی واسەرسام کردووە بەو ڕادەیەی کە هەر ڕۆشەنفکرو چالاکوانێکی سیاسی بێلایەن، ئەگەر گۆڕانخوازیش نەبووبێت، بەناتۆرەی هەمەچەشنەوە ناوزەڕ بکات و لە کەسایەتیە سیاسی و کۆمەڵایەتیەکەیان بدات و لای جەماوەر ناشرینیان بکات.بەوەش ڕانەوەستاون، بەڵکو لە هەوڵ وتەقەلای بێوجاندان بۆ هاندانی کەسانی نەخۆش و هەڵپەرست و سیخوڕانی دەزگاهەواڵگریەکانی سەر بەخۆیان بۆ چوونە ناو ڕیزەکانی بزووتنەوەی گۆڕان، بەتایبەت لەو شوێن و ووڵاتانەی کەگۆڕانخوازان تازە سەرقاڵی خۆڕێکخستن و سازدانی چالاکی سیاسین. ئەڵبەتە کارکردن لە کەشوهەوای تەمومژاویدا سەختەبەتایبەت بۆ هەڵسوڕاوی تازەو کەمئەزموونی سیاسی لە ناوچە دوور دەستیەکاندا. هەر لەم کەشوهەوایانەدا دەستوپێیدەسەڵات و کەسانی بۆدەڵەو هەڵپەرست بە ئاسانی دەتوانن خۆ بئاخزێننە نێو ڕیزەکانی بزووتنەوەی گۆڕان و لە دژی بەرنامەسیاسی و کۆمەڵایەتی و ئابووریەکەیدا کار بکەن لەلایەك و لەلایەکی تریشەوە دژی پرنسیپە دیموکراسیەکانی بزووتنەوەکە هەڵسوکەوت بکەن بەمەبەستی ناشرینکردنی خواستەکانی بزووتنەوەکە لەلای جەماوەری کوردستاندا.دوای تێپەڕبوونی نزیکەی دوو ساڵ بەسەر پەیدابوونی بزووتنەوەی گۆڕان، هەندێ لە گۆڕانخوازان و دۆستانی بزووتنەوەیگۆڕان لە کەندا گەیشتنە ئەو قەناعەتەی کە کۆبوونەوەیەکی گشتی ساز بکەن و بە ئامادەبوونی شانزە کەس دوو دەستەیکاتی هەڵبژێرن بۆ ڕاپەڕاندنی کارو خۆئامادەکردن بۆ کۆنفراسی دامەزراندنی بنکەی گۆڕان لە کەنەدا. لە کۆبوونەوەی ٨یچواری ٣١٢٢ داو بەکۆی دەنگ نووسەری ئەم بابەتە وەك دۆستێکی خۆبەخشی گۆڕان هەڵبژێردرا بە سەرپەرشتیاری کاتیپەیوەندییە دەرەکیەکانی بزووتنەوەی گۆڕان لە کەنەدا بەو پێیەی کە پەیوەندییەکی بەرفراوانی هەیە لەگەڵ سیاسەتمەدارانیکەنەدی و ئەمریکی و هەڵگری بڕوانامەی ماجستێری دیپلۆماسیەت و خوێندکاری دکتۆراشە لە کێشە نەتەوەییەکانداو خۆداندەیان نووسین و توێژینەوەی ئەکادیمیە بەزمانەکانی کوردی و ئینگلیزی و عەرەبی و فارسی و تورکی. لەمانەش بەدەر،پێشمەرگەی دێرین و ئەندامی سەرکردایەتی حزبی زەحمەتکێشانی کوردستان بووە لە ساڵی ٢٩٩١ وە بۆ ساڵی ٢٩٩٤ وئەندامی مەڵبەندی دەرەوەی یەکێتی بووە لە ٢٩٩٥ ٢٩٩٤ و بەهۆی شەڕی براکوژیەوە لەگەل کاك سەربەست بامەرنی کاك -حسێن سنجاری و بەڕەحمەت بێ کاك سامی شۆڕش لە ڕیزەکانی ینك هاتووەتە دەرەوەو بە بێلایەن ماوەیەوە.ئەڵبەتە بەندە کەسێکی نەناسراو نیە لەلای کەسانی خاوەن ئەزموون و قاڵبووی سیاسەت. برادەرانی سەرکردایەتی گٶرانهەر لەکاك نەوشیروان و کاك کوردۆ قاسم و کاك عومەری سەی عەلی و کاك دانا ئەحمەد و کاك سەربەست بامەرنی و مامرۆستەم و کاك عوسمانی حاجی مەحمودو کاك مستەفای سەی قادرو کاك شەماڵ عەبدولوەف او کاك قادری حاجی عەلی و کاكسالار عەزیز بەهەموو دەمناسن چ بە ناوی خۆم چیش بەناوی نەقیب سەلامی حسك.ئەمرۆکەو بەگیانێکی لێبوردەوەو دوای تەکلیف لێکردن هاتمە پێشەوە بۆ خزمەتکردن. بەڵام جێی داخە کە ڕیشم دایە دەستهەرزەکارێکی وەك بورهان مستەفای هەڵسوڕاوتان و ئەویش بێئاگا لەگەمە سیاسیەکان بووەتە ئەڵقەی دەستی کۆنە قاتل و دزوگەندەڵێکی یەنەکەو سیخوڕێکی ئێستای پارتی کە ناوی بەیاد عەلی یە و فەرموون ئەمەش خەروارێکە لە گۆڕانخوازیەکەیئەم بەیاد عەلی یە".

پاش خوێندنەوەی نامەکەی سەعید کاکەیی لەلایەن بەیادەوە، کاریگەری دەرونی خراپی بەجێهێشت لەسەر بەیاد تا ئەوڕادەیەی هانای بۆ من هێناو زۆر کەساسانە داوایلێکردم کە وەڵامێکی جەرگبڕی سەعید کاکەیی بدەمەوە. منیش لەبەر ئەوەی بەیادم خۆشدەویست و هەرگیز وا کەساس و دەرون شێواو نەمبینیبوو ، وەڵامێکی توندی کاکەییم دایەوە، بەڵام نازانم بەیاد بۆی نارد یان نا.

لە دووای کۆبوونەوەی یەکەم و وازهێنانی سەعید کاکەیی تا کاتی بەستنی کۆنفرانس، ئەوەندەی من ئاگاداربووم ، پێنج کۆبوونەوەیان لەسەر کۆمپیوتەر کردووە. دوو کۆبوونەوە لەوانە کۆبوونەوەی تەواوی ئەو کەسانەبوون ( بەیاد عەلی هەولێری لە شاری برلینگتن، شوان چاوشین کۆیی لە ڤانکۆڤەر، بورهان مستەفا قەڵادزەیی لە هامڵتۆن، دارای محامی، نەژاد سیوەیلی ) کە هەموو پێکەوە هەوڵیان دەدا کە چۆن بەرنامە داڕێژی بکەن بۆ کۆنفرانسێك بۆ هەڵبژاردنی دەستەی لێپرسراوانی هەڵسوڕاوانی گۆڕان لەکەنەدا و بیرو بۆچوونیان دەگۆڕییەوە ( منیش بێدەنگ خەریکی خوێندنەوە بووم لەتەنیش کاك بەیادەوە و گوێشم لە گفتوگۆی ئەوان دەگردەگرت، سێ کۆبوونەوەکەی تریش لەسەرەتادا بۆماوی زیاتر لە نیوکاتژمێر لە دووان لەو سێ کۆبوونەوەیە، بەیاد عەلی، شوان چاوشین و بورهان مستەفا سێقۆڵی خەریکی دابەشکردنی دەورەکان و چۆنیەتی بەرنامەداڕشتن بوون بۆ ئەوەی پۆستە سەرەکیە گرنگەکان بۆ شوان چاوشین و بەیاد عەلی بێت و هەوڵی کۆکردنەوەی دەنگ بدەن بۆ ئەوەی داراو هاوڕێکانی دەستیان لەبنی هەمانەکە دەربچێت. بەهەرسێکیان دژایەتی دارا و هاوڕێکانیان دەکرد). ئەوەی جێگەی سەرنجی من بوو ئەوەبوو کە کاك بورهان پشتگیری بەیاد و شوانی دەکرد لەدژی دارا و هاوڕێکانی، بەڵام ئامادەش نەبوو بچێتە ژێر باری هیچ لێپرسراویەتیەك. کاتێکیش لەبەیادم پرسی بۆ ئەوە هەڵوێستی بورهانە؟ بەیاد وتی کاك بورهان کەسێکی ڕاستگۆو پاکە هەوڵی پلەو پایە نادات )، بەڵام لەکاتی دانیشتنەکاندا پێکەوە بەشیوەیەك هەڵسوکەوتیان دەکرد، هەرگیز هەستت نەدەکرد کە چاڵ بۆیەکتری هەڵدەکەنن!!  . پێش کۆبوونەوەی سێیەم بەیاد و شوان چاو شین بە تەلەفۆن هێندەی من ئاگاداربم، زیاتر لە پازدە خولەك پلانیان دادەڕشت کە چی بڵێن و چۆن گەوجیان بکەن تا هەست بەهیچ شتێك نەکەن. پاش ئەوەی کە بەتەواوەتی دڵنیا بووم ئەوانە بوونەتە چەند بەرەیەك و هەر کەسە بۆ خۆی هەوڵ دەدات. گروپەکەی شوان و بەیاد لەهەوڵی پلان و چاڵهەڵکەندن بوون بۆ هاوڕێکانیان، لە بەیادم پرسی ئەوە خەریکی چ بەرنامە و پلانێکن؟ باشە ئێوە خۆتان نەگۆڕاون باسی گۆڕانی چی دەکەن؟ هیواتان بۆ خەڵك چی دەبێت؟ میتۆدی ئێوە کەی لەمیتۆدی تاڵەبانی بارزانی جودایە؟ لەوەڵامدا بەیاد وتی من حەزناکەم وادەکەین، بەڵام ئەگەر ئێمەوانەکەین، ئەوا ئەوان وادەکەن. بۆیە ئێمەش ناچارین!!!!!!!.

بڕیار درا کە کۆنفرانس لە شاری هامڵتۆن ببەسترێت. ڕۆژی بەستنی کۆنفرانس دیاریکرا( بەداخەوە بەروارەکەم لە یاد نییە ) و داوایان لەهەموانکرد کە ئامادەبن و چییان پیدەکرێت بۆ هێنانی میوان، کەمتەرخەمی نەکەن. کاك بەیادیش بڕیاریدا کە خواردن بۆ هەموان ئامادە بکات. پێشتر بەیاد داوای لێکردبووم کە سەروتاری دەستپێکردنی کۆنفرانسەکەی بۆ بنووسم، چونکە ئەو دەیخوێندەوە. وتارێکم بۆ نووسی، بەڵام لەوتارەکەدا ئاماژەم بەوەدابوو کە کەسی گۆڕانخوازی ڕاستەقینە ئەوکەسەیە کە سەرسەختانە دژایەتیکردنی بنەماڵەی بارزانی و تاڵەبانی بخاتە بەرنامە و ستراتیژی کاری سیاسی خۆیەوە. کاتێك بەیاد وتارەکە نیشانی هەندێ لەهاوڕێکانی دەدات پێشخوێندنەوەی، هاوکارانی بەیاد لەتوندی وتارەکە دڵگران بووبوون و وتبوویان ئێستا کاتی ئەو وتارە نییە و دەبێ تۆزێك هێمنی بکەیتەوە ( ئەوان نەیانزانیبوو کە ئەو وتارە بیروبۆچونی بەیاد نیەو ئەو نەینووسیوە). بەیاد شەوێ داوای لێکردم کە ئەو وتارە زۆر توندەو بەڵکو کەمێك دەستکاری بکەم. لەوەڵامدا وتم کاك بەیاد ئەوە بیرو بۆچونی منە و کەسێك بیر لەگۆڕان بکاتەوە دە‌بێت ئەوە بەرنامەی بێت، بۆیە داوای لێبوردن دەکەم و من ناتوانم خاتری بنەماڵەی بارزانی و تاڵەبانی بگرم. بۆیە نازانم چۆن دەستکاری وتار کراو کێش دەستکاری کرد.
ڕۆژی دیاریکراو کەسانی مەبەست و میوانێکی زۆر ( لەزمانی کاك بەیادەوە ) ئامادەی کۆنفرانسەکە بوون و کۆنفرانس دەستی پێکرد. بەدەنگی زۆربەی ئامادەبوان، شوان چاوشین هەڵبژێردرا بۆ لێپرسراوی هەڵسوڕاوانی گۆڕان ( هەروەکو ئەوەی بەرنامەو پلانی بۆ داڕێژرابوو لە پێشت پەردەوە ). پاشان کەدێنە سەر ئەوەی بەیاد عەلی و هاوڕێیەکی دەخەنە دەنگەوە بۆ لێپرسراویەتی بەشی ڕاگەیاندن و قسەکەری فەرمی گۆڕان لە کەنەدا، بەیاد عەلی دەنگ ناهێنێت و هاوڕێ ڕکەبەرەکەی  ( نەژاد سیوەیلی )دەنگی زیاتر دەهێنێت . لەوێدا بەیاد بەلەسە دەبێت ( وەك خۆی وتی ) و دەیان جنێوی ناشیرینیان پێدەدات و کۆنفرانسەکە جێدەهێڵێت. پاشان بۆی دەرکەوت کە لەپشت بەیادیشەوە پلان هەبووە و تەنیا بەکاریان بردووە بۆ ئەوەی سود لەدەنگی وەربگرن!! .

کاتێك بەیادم بینی ئاگری لێدەباری و وتی بەڕاستی تۆ ئەوانەت باش ناسی و ئەوان زۆر بێڕەوشتن. بۆیە بڕیاری دابوو کە لێیان دووربکەوێتەوە، بەڵام من پێم وت کە دوورکەوتنەوەی ئێستای تۆ بەزەرەری کەسایەتی خۆت دەشکیتەوە. ئەکرێ لەگەڵیان بمینیتەوە بۆماوەیەکیتر، بەڵام دوورەپەرێز خۆت ڕاگرە. پاش چەند ڕۆژێك بۆ هەڵخەڵەتاندنەوەی بەیادی فێڵلێکراو، کەسێك کە بەیاد بەهاوڕێیەکی دڵسۆز ناوی دەبرد، پەیمانی بەبەیاد دابوو کە لە ماوەی چەند هەفتەیەکیتردا سەردانی خودی نەوشیروان مستەفا دەکات و بەبڕیارو نامەی نەوشیروان، بەیاد عەلی دەکرێتە لێپرسراوی یەکەمی هەڵسوڕاوانی گۆڕان لەکەنەدا. کاتێك بەیاد ئەوەی پێوتم زۆر دڵی خۆش بوو، بەڵام من ئاگادارمکردەوە کە ئەوە هەرگیز روونادات و نابێ هێندە سادەش بیت کەباوەڕیان پێبکەیت. بە هەرحاڵ لەو ماوەیەدا، بەیاد کوێر ئاسا تامردن چاوەڕوانی گەڕانەوەی چاوەکانی بوو، بەڵام هەر نەگەڕانەوە.

ئەو هەموو پلان و ملشکاندنەی سەرەوە بۆمن شتێکی نوێ نەبوون و ئاسایش بوون، بەڵام ئەوەی بەلای منەوە گرنگە ئەوەیە کە لەکاتێکدا نەوشیروان مستەفا لەگەڵ ڕوژنامەکان و دەزگاکانی ڕاگەیاندندا باسی فڕوفێڵ، دەستێوەردان، پلان و ناردنەوەی سەدان کەس لەجارێك زیاتر بۆ هەڵبژاردنەکان لەلایەن بارزانی و تاڵەبانییەوە، دەکات و ڕەخنەیان لێدەگرێت، ئەی ئەبێ ئێستا هەڵوێستی چی بێت لەگەڵ کۆیلەکانی خۆیدا کە هەمان کلتوری دووبنەماڵە پەیرەو دەکەن؟.