هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<November 2018>
SuMoTuWeThFrSa
28293031123
45678910
11121314151617
18192021222324
2526272829301
2345678


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
ئاشتی هەورامی لە نیوەی بنی هەمبانەکەی نەوشیروانیداوە !


img8/27/2012 12:00:00 AM
کوردستانپۆست ئینفۆ:

نەوت، زێڕی ڕەشی کوردستان لە دەستی کۆمەڵێک چەتەو مافیای سیاسیی و ئابوریدایە. چەتەکانی بنەماڵەی بارزانی زۆرترین پشکیان لەم ئاڵتونە ڕەشەی کوردستاندا بەرکەوتووە و سەرانی یەکێتی قەڵاچوالان و سەرانی یەکێتی سەرگردەکەش [ گۆڕان ] پشکی کەمتر دەبەن!. ئەمە ناوەرۆک و فەلسەفەی ناڕەزایەتییەکانی ئەو بەشەی دیکەی مافیاکانی ناوچەی سۆرانە بەرامبەر مافیاکانی ناوچەی بادینان و بارزان. هەم مافیاکانی بارزان و هەم مافیاکانی سۆران، هیچ کێشەو ناکۆکییەکی سیاسییان لەسەر باشتر و تەندروستر بەڕیوەبردنی کۆمەڵگەی کوردستان لەگەڵ یەکتریدا نییە، بەڵکو کێشەکانی ئەوان لەسەر چۆنییەتی دادۆشینی هەرچی زیاتری داهات و سەرمایەی خەڵکی کوردستان و پەرەدان بە گەندەڵکردنی زیاتری کۆمەڵگەیە.

لە ساڵی ١٩٩٤ دا شەڕێکی درێژخایەن لە نێوان هەردوو تاقمە مافیاکەی بارزان و سۆراندا بەرپاکرا. لەو شەڕەدا بە هەزاران کوڕی خەڵکیان بەکوشتدا، سوپای پاسدارانی ئێران، گاردەکانی کۆماری بەعس و جەندرمەی تورکیان بۆ سەر ژیان و گوزەرانی خەڵکی کوردستان پەلکێشکرد. دیلکوشتن، ئەنفالکردنی لایەنگرانی یەکتری و دڕندەترین شیوەی گرتن و ئەشکەنجەدانی ئەوان، بووە بەشێک لە کردەوە و ڕەفتاری مافیا شەڕکەرەکانی بارزان و سۆران. هەڵگیرساندنی ئەو شەڕە ماڵوێنکەر و دڕندانەیە، هیچ پاساوێکی ئاینی، نەتەوەپەرستی، فیکری و مەنتقی نەبوو، هۆکار و پاساوی شەڕەکەیان، تەنها" داهاتی گومرکی ئیبراهیم خەلیل" بوو!. نەوشیروان مستەفا، سەرۆکی ئێستای بزووتنەوەی جەلالییەکانی سەرگردەکە، هاوڕا لەگەڵ جەلال تاڵەبانی ئاغایدا، یەکێک بوو لە نەخشەداڕێژەران و ئەندازیارانی ئەو شەڕە نا مرۆییە. جەنابی تا شەڕەکە هەڵنەگیرسا، یەک ووشەیشی دەربارەی ئەوە کە داهاتی مانگانەی "خاڵی گومرکی ئیبراهیم خەلیل " چەندەیە و چی لێکراو و چۆن بەهاوبەشی لەگەڵ بنەماڵەی بارزانیدا وەک لاکە تۆپیو دەمیان تێخستبوو، بۆ ڕای گشتی و بۆ خەڵکی کوردستان نەدرکاند، بەڵام کە شەڕەکەیان دەستپێکرد، زۆر فریوکارانەو بۆڕاکێشانی ڕای گشتی خەڵکی کوردستان، هاتە پشت شاشەی تەلەفزیۆنە درۆزن و ئابڕوچووەکەی گەلی کوردستانی یەکێتییەکەی و ووتی " مانگی 9 تا مانگی 11 ی ساڵی 1993، پاره‌ی به‌ده‌ستهاتوو له‌ گومرکی ئیبراهیم خه‌لیل، 350 ملیۆن دینارو 4 ملیۆن دۆلاربووه‌!"، بەڵام ئەم ساختەچییە تا سەرمۆخ جەلالییە، پێش لە دەستپێکردنی شەڕەکە، هیچ زانیارییەکی لەو بارەیەوە بەخەڵکی کوردستان نەدا!. ئەم سیناریۆیەی شەڕ و تۆمەتبارکردنەی نەوشیروان و بنەماڵەی بارزانی لەسەر دزین و بەتاڵابردنی داهاتی گومرکی ئیبراهیم خەلیل، لە شەڕی مۆنۆپۆڵکردنی نەوتی کوردستان لەگەڵ بنەماڵەی بارزانیدا خۆی دووبارەکردەوە.

نەوشیروان، کە شەیری دیاریکراوی خۆی لە هەر گرێبەستێکی نەوتی مافیاکانی کوردستان و کۆمپانیا بیانییەکاندا هەیە، لەم شەڕی مۆنۆپۆڵکردنی داهاتی ملیاری نەوتی کوردستاندا،  هیچ شتێکی لەبارەی گرێبەستە نەوتییەکانەوە بۆ خەڵکی کوردستان نەدرکاندووە، ئەمە لە حاڵێکدایە کە بە پێی تازەترین ددانپیانانی ئاشتی هەورامی لە گەڵ ڕۆژنامەی ڕووداودا، لە ساڵی٢٠٠٦وە نەوشیروان ئاگادار و تەنانەت نەخشەڕێژی گرێبەستەکان و دابەشکردنی کێڵگە نەوتییەکانی کوردستان بووە بە سەر کۆمپانیاکاندا!.

لەوەدا کە ئاشتی هەورامی یەکێکە لە ئەقڵە بەتواناو زیرەکە دزەکانی بنەماڵەی بارزانی لە بواری دەرهێنان و دزینی سەرمایەو داهاتی نەوتدا، دوو دڵی و گومانێک لای دەبەنگترین مرۆڤ ناهێڵێتەوە، بەڵام لە ئاشتی هەورامی ساختەچیتر نەوشیروان مستەفایە کە خۆی لە خەڵکی کوردستان کردووە بە ئەشرەفی شەریفی. بۆیە قسەکانی هەورامی، لە بەرئەوەی کە ئاشتی هەورامییە و ئەقڵی تۆکمەی دزینی داهات و سەرمایەی نەوتی خەڵکی کوردستانە بۆ بنەماڵەی بارزانی، لەبارەی ئاگاداربوونی نەوشیروانەوە لە گرێبەستە نەوتییەکان، ناکرێت هێڵێکی ڕاست و چەپیان بەسەردا بهێنرێت. ئاشتی هەورامی لەو شوێنەدا قسەکانی لەبارەی نەوشیروانەوە بە هەند وەردەگیرێت، کە لە مانگی ئایاری ڕابردوودا، بەدوور لەچاوی کامێرای میدیاکان، بە نهێنی لەگەڵ نەوشیرواندا کۆبوویەوە. ئەو کۆبوونەوە داخراوو نهێنییە، هەموو قسە قۆڕەکانی نەوشیروانی لەبارەی" شەفاف " بوونەوە کردە بڵقی سەرئاو. نەوشیروان، چونکە سەهمی خۆی لە گرێبەستە نەوتییەکاندا هەیە، تەنانەت ئامادە نەبوو هیچ ڕوونکردنەوەیەکی قەناعەتبەخش لەسەر ئەو کۆبوونەوەیە بدات!.  ئێستا ئاشتی هەورامی، لە بنی نیوەی هەمبانەکەی نەوشیروانیداوە و نیوەکەی دیکەی ماوە تا پێمان بڵێت نەوشیروان لە سەدا چەند شەیری تایبەتی خۆی لە گرێبەستە نەوتییەکاندا هەیە؟ تا نەوشیروانیش بۆمان ئاشکرا بکات ( هەروەک سەردەمی شەڕی ئوم الگماریکەکەی ساڵی ١٩٩٤ )  کە گشت داهات و سەرمایەی بەدەستهێنراوی نەوتی کوردستان لە ڕۆژێکدا چەندەیەو لە سەدا چەندی  بنەماڵەی بارزانی وەک داهاتی گومرکی ئیبراهیم خەلیل بۆ قومارو عەیش و نۆشی خۆیان سەرفی دەکەن؟!

گرێبەستە نەوتییەکانی نێچرڤان بارزانی لەگەڵ نەوشیروان مستەفادا لە ڕێگای ئاشتی هەورامییەوە ئیمزاکرا