هه‌واڵ
ڕاپۆرتی تایبه‌ت
سیاسه‌ت
‌‌‌ئابووری
‌فه‌لسه‌فه‌
تیۆری‌
‌ته‌نز‌
ئه‌ده‌ب و هونه‌ر
‌‌‌زانست و ته‌کنه‌ڵۆژیا‌
ده‌سه‌ڵات ‌‌
ئۆپۆزسیۆن
ئه‌نتی کاپیتاڵیزم ‌
‌مقالات عربیة
‌مقالات فارسی‌‌
‌ ‌English articles
‌وه‌رگێڕان ‌
‌کتێبخانه‌
‌‌
<July 2018>
SuMoTuWeThFrSa
24252627282930
1234567
891011121314
15161718192021
22232425262728
2930311234


دوو کوردستانپۆست             



ئەو ڕابەرە گەنجەی جیهانی سەرمایەداری لیبراڵی هێنایە لەرزە !


دوایین فێڵی مێژوویی جه‌لال تاڵه‌بانی – نه‌وشیروان مسته‌فا له‌ کورد " لیستی گۆڕان "ه‌!


ژنی دیکتاتۆرە عەرەبەکان خەریکی چین؟

داڕمانی یۆرۆ، داڕمانی یەکێتی ئەوروپا


Title
ئه‌مجاره‌ ئه‌گه‌ر له‌ماڵی‌ خۆشیان ناوی‌ نه‌وشیروان مسته‌فا بهێنێت، هەرچی فایلی هەیە بۆی بڵاودەکەینەوە


img8/13/2012 12:00:00 AM
وەحید ئەمین:

ئەو سەروتارەی سەرەوە هەڕەشەی ژووری ڕۆژنامەوانی گردەکەیە بۆ ئەدهەم بارزانی لەبەرانبەر وتەکانی بارزانیدا دەربارەی نەوشیروان مستەفا. بۆ خوێندنەوەی هەڕەشەنامەکەی گردەکە کلیکی ئەو لینکە بکە کە لە کۆتایی ئەم وتارەدادانراوە.

پێشترو لەچەند شوێنێکی جیاوازدا ئاماژەمان بەوەداوە گەر نەوشیروان مستەفا دەیەکی دەسەڵاتی سیاسی، ئابوری، ئیداری و سەربازی تاڵەبانی یان بارزانی هەبا، نەك زانیاری و پاراستن، نەك تاڵەبانی و بارزانی بەڵکو بەشار ئەسەدیشی بەقوتابی ڕانەدەگرت. ئەو لێدوانەی ژووری ڕۆژنامەوانی گردەکە بەڵگەی حاشاهەڵنەگرو سەلمێنەری بێپێچوپەنای بۆچونەکانی ئێمەن.

ناوەرۆکی هەڕەشەنامەی ژووری ڕۆژنامەوانی گردەکە چیمان پێدەڵێت‌؟؟

ناوەرۆکی ئەو هەڕەشەنامەیە پێمان دەڵێت چۆن لای جەلالی و مەلاییەکان تاڵەبانی و بارزانی هێڵی سورن و کەس بۆی نیە بیانبەزێنێت، بەهەمان شێوە نەوشیروان مستەفاش بۆگردەکە هێڵی سورەو کەس بۆی نیە ناوی بهێنێت، بەواتایەکیتر چۆن جەلالی و مەلاییەکان پەیکەری پیرۆزییان بۆ مێژوی ڕەشی کەسایەتی تاڵەبانی و بارزانی خائن داتاشیوە، کاری سەرەکی سێساڵەی گردەکەش داتاشین و پیرۆزکردنی پەیکەری کەسایەتی کاك مەولود مستەفا ئەمینە.

بارزانی و پاراستن لەسەر نووسینێك کە تەنیا ئەندێشەیەك بوو، سەردەشت عوسمانیان جوانەمەرگکرد، ئەکرێت پێمان بڵێن چ جیاوازیەکتان لەگەڵ پاراستندا هەیە گەر هەڕەشەی ناوهێنانی کاکە مەولود  مستەفا ئەمین بکەن تەنانەت بەخەویش؟؟

فەرهەنگ و ئاستی هوشیاری مەسعود بارزانی چیە تا گەوجێکی وەکو ئەدهەم بارزانی خاوە‌ن فەرهەنگ و ئاستی هوشیاری بێت؟ ئەوەی جێگەی تێڕامانی خاوەن هزرەکانی ژووری ڕۆژنامەوانی گردەکەیە ئەوەیە کە لەلایەك نووسیویانە ئەوان هیچ گرنگیەك بە لێدوانەکانی ئەدهەم بارزانی نادەن، بەڵام لەهەمانکاتدا پێچەوانەی ئەوەیان نووسیوەو هەڕەشەی ئەوەی لێدەکەن، گەر ئەدهەم بارزانی لەماڵی خۆشیداو تەنانەت بەخەویش ناوی کاکە نەوە بهێنێت ئەوا تەواوی فایلەکانی بڵاودەکەنەوە.

ئەوەی گەوجیەتی و ئاستی هوشیاری ژووری ڕۆژنامەوانی گردەکە ئاشکرا دەکات ئەوەیە کە هەڕەشە لە ئەدهەم بارزانی ( لە خۆیان گەوجتر ) دەکەن. کەی بنەماڵەی بارزانی بەنهێنی کاریان کردووە تا ئێوەی خاوەن هەڵوێست لەگردەکە فایلەکانیان بڵاوبکەنەوە؟؟ دوو وشەی بارزانی و بنەماڵە بۆ خۆیان بەواتای سەدان و بگرە هەزاران فایلیش دێن. بارزانی باوك باکی بەخیانەتکردنی لەپێشەوا قازی و بەجێهێشتنی نەبووە، باکی بە سیخوڕیکردن بۆ کەی جی بی شورەوی کۆن نەبووە لەبەرانبەر هەندێ دەستکەوتی مادیدا، باکی بە ئاشکرابوونی پەیوەندی نهێنی بارزانی و موسادی ئیسرائیلی نەبووە، باکی لە کۆیلەیەتی و نۆکەریکردن بۆ ساواکی ئێرانی سەردەمی شا نەبووە، بارزانی باوك باکی بە ئاشبەتاڵە ئابڕوبەرەکەی 1975 نەبوو. مەسعود بارزانش باکی بە کارەساتی هەکاری، سیخوڕی بۆ جمهوری ئیسلامی ئێران و پەلاماری کوردی ڕۆژهەڵات، شەڕەکانی ناوخۆی سەردەمی شاخ، شەڕی دزینی داهاتی گومرگی ئیبراهیم خەلیل نەبوو، لاری لە 31 ی ئاب نەبوو، باکی بە گەڕانەوەی کەرکوك ناوچە دابڕاوەکانیتر نیە، باکی بە هەرزان و قاچاخ فرۆشی نەوت و دزینی داهاتی گەلێك نیە، باکی بەتەواوی مێژووی پڕخیانەت و دوژمنکاری بنەماڵەکەی بۆ گەلی ئێمە نیە، ئێستا ئەدهەم بارزانیەکی بێدەسەڵاتی کۆیلە لە هەڵوێستی بەرپەرچەکرداری خەڵك لەبەرانبەر بڵاوکردنەوەی فایلەکانی دەگات یان باکی پێی هەیە؟؟ ئێوەی زمان درێژی هیچ لەبارا نەبوو، چ پەرچەکردارێکتان لەبەنبەر مێژوویەك لەخیانەتی مەسعود و بابی مەسعود دا هەبوو تا فایلی پیرە گەوجێکی وەك ئەدهەم بارزانی بڵاو بکەنەوە؟ ئێوە کەی لەکاتی پێویستدا هەڵوێستێکتان هەبووە یان دەبێت؟ ئێوە تاکەی وازلە لێدوان و ڕاگەیاندنی پڕوبوچی چەواشکارانەتان ناهێنن؟ ئێوە کەی هەنگاوێك هەڵدێنن و لەسەدا یەکی لێدوانەکانتان دەخە بواری پراکتیکەوە؟ ئایا هەر بەڕاستی ئێوە بۆخۆتان لە لێدوانی چەواشەکارانەی بێکردار ماندوو نەبوون یان ئەوە ئەرکی فەرمی ئێوەیەو بۆ ئەوەش دروست بوون؟ ئەوا کۆتایی ئەم مانگە یادی 16 ساڵەی 31 ی ئاب و هێنانەوەی دەبابەکانی سەددامن لەلایە مەسعودەوە، گەر ناتوانن بیکەنە هەوێنی ڕاپەڕینی خەڵك بۆ لەگۆڕنانی یەکجارەکی دەسەڵاتی ڕەشی بارزانی، هەر هیچ نەبێت با ژووری ڕۆژنامەوانیەکەتان لەجێی خۆیدا هەڵوێستەیەك بکات و ئەو فایلە هەڵبداتەوە، ئەگەر نا ئێوە لەمن باشتر دەزانن کە لێدوانەکانی ئەدهەم بارزانی، لێدوانی خودی مەسعودن و بەبڕیاری ئەویش ئەدهەم هاتووەتە گۆ، بۆیە گەر پەیامێکتان بۆ خودی مەسعود هەبا گەلێك بوێرانەتر بوو.

13 - 8 - 2012

 http://lvinpress.com/K_Direje.aspx?Jimare=11392&Besh=Hewal&Cor=1