ئێمە لە چەند کات و شوێنی جیاوازدا ئاماژەمان بەوەداوە کە کەشتێك نیە بە ناوی پارتی دیموکراتی کوردستان ، جگە لە حزبێکی خێڵەکی عەقڵ کێوی. لەچەند کات و شوێنی جیاوازدا ئاماژەمان بەوەداوە کە مەسعودو بنەماڵەکەی هیچ نین جگە لە کۆمەڵێك شەیتانی سەردەم. هیچ نین جگە لە خانەوادەیەکی خاینزادە بەگەل و نیشتمان. هیچ نین جگە لە بنەماڵەیەکی شەوکوت، چەتە، مافیا، بێمەعریفە و بەهۆی بێهەڵوێستی و بێمۆراڵی لایەنەکانیترەوە بەتایبەتی جەلالیەکان، بوونەتە ترسناکترین دیکتاتۆری کوردستان و خاوەنی دەوڵەمەندترین مێژووی خیانەتن لە تەواوی ڕۆژهەڵاتی ناویدا. ئێمە باش دەزانین کە ئێستا خەڵك هەمان تێروانینی بەعسیان هەیە بۆ پارتی و بارزانیش، بۆ یەکێتی و تاڵەبانیش، بۆیە بۆ هوشیار کردنەوی کۆمەڵانی خەڵك، بۆ ڕێگرتن لە داتاشینی پەیکەری بتی سێەم، بۆ ئاشکراکردنی پلان و هۆکاری دروستبوونی گۆڕان و جیابوونەوەی لە جەلالیەکان، بۆ پۆلێنکردنی مۆراڵ و کەسایەتی بارزانی، تاڵەبانی و نەوشیروان پێکەوە، قورسایی نووسینەکانی خۆمان خستووەتە سەر خودی نەوشیروان مستەفا وسەرکردایەتی گۆڕان.

پاش ئەوەى بۆ ماوەى سێ رۆژ درێژەى کێشا ، رۆژى پێنج شەممە رێکەوتى 17/5 (فیستیڤاڵى نەتەوەیى شیعرى کوردى ) کە یەکێتى نووسەرانى کورد و وەزارەتى رۆشنبیرى و لاوان بە چاودێرى سەرۆکى حکومەتى هەرێم سازیان کردبوو لە هەولێر کۆتایى بە شیعر خوێندنەوەو پێشکەشکردنى لێکۆڵینەوەکانى هێنا . ئێمە وەک کۆمەلێک شاعیر و ئەدیب و لێکۆڵەرەوەى بوارى شیعروئەدەب رۆشبیرانى ناوچەبەرفراوانەکەى گەرمیان و گەرمەسێر کە سنوورى (کەلار و کفرى و دەربەندیخان و خانەقین و خورماتوو و مەندەلى و جەلەولا) و چەند شوێنێکى تریش وێراى گلەیى و رەخنەى توندو توورەیمان ،بەنیگەرانییەکى زۆرمانەوە لەم هەڵوێستەى یەکێتى نووسەران و وەزارەتى رۆشنبیرى و خودى بەرێز سەرۆکى حکومەتیش دەروانین و ئەمەش جارى یەکەم و دوایین جاریش نابێت پانتاییەکى گەورەوفراوانى وەک گەرمیانى قوربانى خاوەن دەیان شاعیرو نووسەرى بە ئەزموون وگەرمەسێرى قەڵەمە بوێرەکان و ووڵاتى شەهیدستان لەبیر دەکرێت .بەشدارى پێنەکردنمان بان بە کوردییە پەتییەکە داوەت نەکردن و حیساب بۆ نەکردنمان نەک بۆ خوێندنەوەى شیعرولێکۆڵنەوە تەنانەت وەک میوانیش ئێمە لەوسۆنگەیەوە خوێندنەوەى خۆمان بۆ سازدەرانى ئەو دیدارو فیستیڤاڵە هەیە. یان ئێمە بەشێک نین لە نەتەوە یان شاعیرى شیاوى بەو فیستیڤاڵەمان تیا هەڵنەکەوتووە یان ئەوەتانێ نەتەوەنین..!!!!!.بەرێزان .. بەریشى کامتان رەوایە لە ماوەى سێ رۆژدا کە کۆى بەشداربووانى بابەت پێشکەشکەر ى کورد لە هەرچوارپارچەکەى کوردستان و نووسەرانى هەندەرانیش نزیکەى (93 ) بەرێزى ژن و پیاوبێت و ( 150 ) شاعیریش وەک میوان  و پیاوانە نووسەرانى هەولێروسلێمانى و دهۆک و کەرکوک برا بەشێکى بێویژدانەنەى بەم جۆرەى بکەن :

سلێمانى ( ناوەندى شار 11کەس +9 کەس لە قەزاکانى )

هەولێر ( ناوەندى شار 19کەس +1کەس لە شەقڵاوەکەى )

دهۆک (11 کەس )

کەرکوک (7کەس )

گەرمیان وگرمەسێر ..ئێوەخۆش

کوردستانیانى بەرێز ..

لە نزیکەوە یەکترناسینى نووسەرانى کوردى کڵۆڵ و هەمیشە بەشمەینەت و گۆرینەوەى بیروراو توند و سفت کردنى تان و پۆى نەتەوەیى و لەیەکتر پێگەیشتن و گردبوونەیان لەم جۆرە بۆنانەدا هەلێکى زێرینەو پێویستە دوور لە گیانى ناوچەگەرێتى و پەیوەندییە شەخسییەکانەوە بێت و بەرژەوەندى باڵاى نەتەوەو یەکریزى قەڵەم و جۆشدانى ووشەى ئاگریندا لە بەرانبەر ئەو پیلان و هەرەشەو مەزڵومیەتەى تا ئێستاش مەترسین بۆ سەر خاکى پیرۆزى کوردستان هەوڵى یەکخستنیان بدرێت و بە شێکى بەرفراوانى کوردستانێکتان لەبیر نەکردبایە کە بە ژمارەى دانیشتووانیش بووایە دوو ئەوەندەى پارێزگایەک دەبێت کە خاوەن زانکۆو چەندیش کۆلێژ و پەیمانگاو مامۆستاى خاوەن دکتۆراو ماستەرى تیایە .

گەر مەبەستیش لە بەشدارکردنى شاعیرى گەورەو براى بەرێزمان ( لەتیف هەڵمەت ) ە ..ئەو خۆشەویستى گەرمیان و گەرمیانییەکانە بەڵام پەنجا ساڵە ئەو گەرمیان وکفرى زێدى جێهبَشتووەو داوەتکردنى دوو برادەریشمان وەک میوانێکى گوێگر بە تەکلیفى بەرپرسێکى گەرمیانى بووە لەو لیژنە بەرێزەى سەرپەرشتیکارو خاوەن ماڵ . بایکۆتکردنى ئەو نەهاتنەشیان بە هەڵوێست زانى .

لێرەدا بە پێویستى دەزانین کە لە یەکێتى نووسەرانى کورد و وەزارەتى رۆشبیرى بپرسین کێ بەرپرسە لەو کەمتەرخەمى و فەرامۆشکردنەمان یان دەستێ هەیە بەردەوام دەیەوێت لە دەرەوەى بازنەدا کوردستاندا یارى بە هەست و پیرۆزییەکانمان بکات و کوردستان تەنها بەو شوێنانە بزانێت و کەسێکیش جورئەتى ئەوەى نەبێت فزەى لە ئاستدا بکات .

کۆمەڵێک شاعیرو لێکۆڵەوەوەو نووسەرو رۆشنبیرانى  گەرمیان

17/5/2012

كه‌یسی گه‌نده‌ڵیی كه‌ دراوه‌ته‌ پاڵ قایمقامی كۆچكردووی سلێمانی و ژماره‌یه‌ك فه‌رمانبه‌ر و بازرگانی سلێمانی، یه‌كێكه‌ له‌و كه‌یسه‌ گرنگانه‌ی رای گشتیی جولاَندووه‌. لیژنه‌كانی لێكۆڵینه‌وه‌ له‌ دۆسیه‌كه‌ش رایده‌گه‌یه‌نن مه‌رگی زانا حه‌مه‌ساڵح رێگر نییه‌ له‌ به‌دواداچوونی زیاتر كه‌یسه‌كه‌، به‌ڵكو وه‌ك چۆن لێكۆڵینه‌وه‌ له‌ مردنی قایمقام ده‌كرێت به‌هه‌مان شێوه‌ لێكۆڵینه‌وه‌ له‌و دۆسیه‌یه‌ش ده‌كرێت كه‌ قایمقامی له‌سه‌ر گیرا.

بۆچی حاجی حسێن گیرا؟

حاجی حسێن حه‌مه‌عه‌لی، بازرگانێكی شاری سلێمانییه‌، له‌ بواری زه‌وی و زار كاری بازرگانی ده‌كات، وه‌ك بنه‌ماڵه‌كه‌ی باسی ده‌كه‌ن، كه‌سێكی دیندار و خێرخواز بوو، هه‌میشه‌ سه‌رقاڵی كاسبی و دینداریی بووه‌، ته‌نانه‌ت چه‌ندین پڕۆژه‌ی خێرخوازیی وه‌ك قوتابخانه‌ و مزگه‌وتی كردۆته‌وه‌. به‌لاَم له‌ مانگی ئازاری رابردوو، حاجی حسێن به‌ تۆمه‌تی به‌رتیلدان ده‌ستگیركرا، پاشان له‌ درێژه‌ی هه‌مان كه‌یسدا زانا حه‌مه‌ ساڵح ده‌ستگیر كرا. به‌لاَم هێشتا حاجی حسێن له‌ زیندانی ئاسایشدایه‌ و به‌ر نه‌بووه‌.

عومه‌ر حه‌مه‌عه‌لی، پارێزه‌ر و برای حاجی حسێن له‌ باره‌ی گرتنی براكه‌یه‌وه‌ وتی: ره‌گوریشه‌ی ئه‌م كێشه‌یه‌ ده‌گه‌ڕێته‌وه‌ بۆ زیاتر له‌ ساڵێك، پێشتر له‌ماوه‌ی رابردوودا كه‌سانێكی فه‌رمانبه‌ر و به‌رپرس هه‌میشه‌ گێچه‌ڵیان پێفرۆشتووه‌ ئه‌میش نه‌چۆته‌ ژێرباریان ئیتر پلانیان بۆ داڕشتووه‌، پیلانه‌كه‌ش به‌ دانپیانانێكی ساخته‌ی كه‌سێك ده‌ستی پێكرد، سه‌ره‌تا به‌ بانگكردنی وه‌ك شاهید ده‌ست پێده‌كات هه‌رچه‌نده‌ پێش گرتنه‌كه‌ی به‌ چه‌ند رۆژێك هه‌ڕه‌شه‌ی زۆری لێكراوه‌، فشارێكی ده‌روونی زۆر خرابووه‌ سه‌ری، دوای گرتنه‌كه‌شی هیچ به‌ڵگه‌یه‌كیان نابێت ئیدی به‌ ئه‌شكه‌نجه‌ ده‌یانه‌وێَت له‌سه‌ر ئیفاده‌ی ئاماده‌كراو ئیمزا بكات، خاچی سوور و په‌رله‌مانتارانی مافی مرۆڤ سالار مه‌حمود سه‌رۆكی لیژنه‌كه‌، سه‌رگوڵ ره‌زا ئه‌ندامی لیژنه‌ به‌ چاوی خۆیان شوێنه‌واری ئه‌شكه‌نجه‌دانیان بینیوه‌ له‌سه‌ر جه‌سته‌ی، دادوه‌ری لێكۆڵینه‌وه‌ و داواكاری گشتیی و یونامی و پارێزه‌ره‌كان شاهیدن له‌سه‌ری.

له‌ زیندانی ئاسایش ئه‌شكه‌نجه‌ دراوه‌

عومه‌ر حه‌مه‌ عه‌لی، باسی له‌وه‌ كرد، حاجی حسێن له‌ زینداندا ئه‌شكه‌نجه‌ی زۆر دراوه‌، تا ئیمزا له‌سه‌ر ئه‌و به‌ڵگه‌نامه‌یه‌ بكات كه‌ به‌ وته‌ی ئه‌و ته‌زویر بووه‌ وه‌ك دانپێدانان له‌سه‌ر كۆمه‌ڵێك فه‌رمانبه‌ر به‌ قایمقامیشه‌وه‌. وتیشی: مه‌سه‌له‌ی ئه‌شكه‌نجه‌دانه‌كه‌ كه‌س ناتوانێت نكوڵی لێبكات، هه‌رچه‌نده‌ دوای 23 رۆژ  نێردرا بۆ لیژنه‌ی پزیشكی. ئه‌وه‌شی ناوی كه‌سانی هێناوه‌ هیچ راستییه‌كی نییه‌، من له‌به‌ر ئه‌نجامه‌كانی لێكۆڵینه‌وه‌ ناتوانم جارێ هیچ شتێك بدركێنم به‌لاَم گه‌ر كه‌سێك به‌ڵگه‌ی له‌سه‌ر بێت ئیتر بۆچی ئه‌شكه‌نجه‌ ده‌درێت و هه‌ڵده‌واسرێت   تا ئیعتراف له‌سه‌ر خه‌ڵكی  بكات؟، بۆچی ئیفاده‌ی بۆ ئاماده‌ ده‌كرێت تا ئیمزای بكات؟.   

عومه‌ر حه‌مه‌عه‌لی باس له‌وه‌ ده‌كات و پێیوایه‌ كه‌یسه‌كه‌ تا رادده‌یه‌كی زۆر به‌ سیاسیی كراوه‌، وتیشی: مه‌سه‌له‌ی به‌ سیاسیكردنی كه‌یسه‌كه‌ تا رادده‌یه‌ك وایه‌، كه‌سی یه‌كه‌م به‌ هیچ شێوه‌یه‌ك حسێن حه‌مه‌ عه‌لی نییه‌، چوونكه‌ ئه‌م هاوولاَتییه‌ و فه‌رمانبه‌ر نییه‌ تا به‌رتیلی وه‌رگرتبێت، مه‌گه‌ر به‌ زۆر لێسه‌ندرابێت هه‌رچه‌نده‌ به‌ پێی زانیارییه‌كان و بیروباوه‌ڕ ئه‌م هه‌رگیز ئاماده‌ نه‌بووه‌ به‌رتیل بدات، چوونكه‌ له‌ رووی بیروباوه‌ڕه‌وه‌ به‌ حه‌رامی زانیوه‌ و بڕوای به‌وه‌ نه‌بووه‌، به‌لاَم دووریش نییه‌ كه‌ پیلانێك بووبێت زۆر گه‌وره‌تر بۆ شكستپێهێنانی كابینه‌ی نوێی حكوومه‌ت به‌ تایبه‌تی كه‌ كاك عیماد بۆته‌ جێگری سه‌رۆك وه‌زیران.

دادگا بێلایه‌ن نییه‌

عومه‌ر حه‌مه‌ عه‌لی، ره‌خنه‌ی زۆری له‌ دادگاكانی كوردستان گرت و پێیوایه‌ به‌م كه‌یسه‌دا ده‌ركه‌وت كه‌ دادگا له‌ كوردستان بێلایه‌ن نییه‌. وتیشی "ناتوانم بڵێم دادگا بێلایه‌نه‌ ئه‌گه‌ر دادگا بێلایه‌نه‌ چۆن كه‌سێك ئازاد ده‌كات و كه‌سیكی تر ئازاد ناكات كه‌ به‌هه‌مان مادده‌ و به‌ هه‌مان دۆسیه‌ گیراوه‌؟!. له‌ كاتێكدا ئێمه‌ خۆشحاڵین به‌ ئازادكردنی هه‌ر كه‌سێك و له‌ رووی یاساییه‌وه‌ هه‌موو تۆمه‌تبارێك بێتاوانه‌ تا دادگا تاوانباری ده‌كات". له‌ باره‌ی مامه‌ڵه‌كردنی ده‌زگای ئاسایشه‌وه‌، وتی "مامه‌ڵه‌ی هێزه‌كانی ئاسایش تا رادده‌یه‌ك وه‌ك ئه‌شخاس باشه‌ و له‌لای زۆربه‌یان زۆر باشه‌، چه‌ند كه‌سێكی دیاریكراو نه‌بێت كه‌ له‌ داهاتوودا به‌ درێژیی له‌سه‌ریان ده‌نووسمه‌وه‌. به‌لاَم وه‌ك ده‌زگایه‌ك سیستمێكی چه‌وتی هه‌یه‌، له‌سه‌ر زۆر بنه‌مای ئه‌منی سه‌رده‌می به‌عس كار ده‌كات ده‌نا ئه‌شكه‌نجه‌ مانای چییه‌ و بۆچی و له‌ پێناوی چیدا؟. بۆیه‌ ده‌بێت سیستمی كاركردنی بگۆڕدڕێت تا خه‌ڵكی ئه‌وه‌نده‌ متمانه‌یان هه‌بێت كه‌ چوونه‌ ئه‌وێ نه‌ترسن".

عومه‌ر حه‌مه‌عه‌لی، جگه‌ له‌وه‌ی سوپاسی لیژنه‌ی مافی مرۆڤی په‌رله‌مانی كوردستان ده‌كات كه‌ به‌ده‌نگ داوا و كێشه‌كه‌یانه‌وه‌ چوون، له‌ هه‌مان كاتدا ده‌ستخۆشیی ئه‌وه‌یان لێده‌كات كه‌ له‌ كاتی خۆی و پێویستدا راپۆرتیان له‌سه‌ر كه‌یسی حسێن حه‌مه‌ عه‌لی به‌رز كردۆته‌وه‌ و ئه‌و كه‌یسه‌ به‌هه‌ند وه‌رگرتووه‌. له‌ میانی قسه‌كانیدا وتیشی "من سوپاسی لیژنه‌ی مافی مرۆڤی په‌رله‌مانی كورستان ده‌كه‌م به‌ تایبه‌تی كاك سالار مه‌حموود و سه‌رگوڵ ره‌زا و ڤیان عزه‌دین و دانا سه‌عید سۆفی كه‌ له‌ نیوه‌شه‌ودا ئاماده‌ بوون بمبینن و هاتنه‌ سلێمانی و سه‌ردانی ئاسایشیان كرد چاویان به‌ براكه‌م كه‌وت. زۆر هاوكار و هاوخه‌مم بوون، سوپاسیان ده‌كه‌م، باسیان كردووه‌ و راپۆرتی پێویستان له‌سه‌ر نوسیووه‌، له‌به‌ر سروشتی نهێنیی كاره‌كه‌یان باسی ورده‌كاریی ناكه‌ین".

بۆ شایه‌تی چوو به‌ڵام ده‌ستگیریان كرد

عومه‌ر حه‌مه‌عه‌لی، باس له‌وه‌ ده‌كات، به‌ به‌ڵگه‌وه‌ ده‌یسه‌لمێنێت كه‌ سه‌ره‌تا حاجی حسێن بۆ شایه‌تی بانگ كرابوو، به‌لاَم دواتر ده‌ستگیریان كردووه‌، له‌ كاتێكدا ده‌توانرێت به‌ كه‌فاله‌ت ئازاد بكرێت، به‌لاَم بێ هیچ هۆكارێك ئازادی ناكه‌ن. وتیشی "حاجی حسێن سه‌ره‌تا بۆ شایه‌تی بانگ كرا، به‌لاَم ده‌ستگیریان كرد". سه‌رسوڕمانی خۆیشی له‌ هه‌مبه‌ر ئه‌وه‌ ده‌ربڕی كه‌سێك به‌ شایه‌ت بانگ بكرێت و دوایی وه‌ك تاوانبار ره‌فتاری له‌گه‌ڵ بكرێت. بۆیه‌ عومه‌ر حه‌مه‌عه‌لی، وتیشی " ئاسایی نییه‌ كه‌سێك به‌ شایه‌ت هاتبێت و بگیرێت، به‌لاَم من له‌ سه‌ره‌تاوه‌ وتم ئه‌مه‌ ته‌ڵه‌ و پیلان بووه‌، له‌لایه‌كی تره‌وه‌ زۆر له‌ كاره‌كانی ئه‌م كه‌یسه‌ به‌ نایاسایی ده‌ڕوات به‌ڕێوه‌، كه‌چی ده‌ڵێن یاسا سه‌روه‌ره‌".

عومه‌ر حه‌مه‌عه‌لی، كه‌ سالاَنێكی زۆری ژیانی له‌ ئه‌وروپا به‌سه‌ر بردووه‌، له‌هه‌مان كاتدا كه‌سێكی یاساییه‌، ره‌خنه‌ی زۆری هه‌بوو، له‌ شێوه‌ی ده‌ستگیركردن و ئازاردانی ده‌روونی و جه‌سته‌یی براكه‌ی، ئه‌و رای وابوو، ئه‌گه‌ر براكه‌ی تاوانباره‌ و به‌ڵگه‌ی له‌سه‌ر هه‌یه‌، چ پێویست ده‌كات ئه‌شكه‌نجه‌ بدرێت؟. بۆچی ناینێرنه‌ دادگا؟. عومه‌ر حه‌مه‌ عه‌لی له‌ كۆتایی وته‌كانیدا باسی له‌وه‌ كرد، كه‌ بنه‌ماڵه‌كه‌یان روونكردنه‌وه‌یه‌كیان هه‌یه‌ و وتیشی له‌ روونكردنه‌وه‌كه‌دا هاتووه‌ كه‌: هه‌موو ئه‌و دیعایانه‌ به‌درۆ ده‌خه‌ینه‌وه‌ ماڵمان له‌لایه‌ن ئاسایشه‌وه‌ یان هه‌ر لایه‌نێكی تره‌وه‌ پشكنرابێت و  هیچ بڕه‌ پاره‌یه‌كیش له‌ماڵی ئێمه‌دا ده‌ستی به‌سه‌ردا نه‌گیراوه‌.

عومه‌ر حه‌مه‌عه‌لی وتیشی: ئه‌گه‌ر داواكاری گشتیی به‌ڵگه‌ی له‌سه‌ر تۆمه‌تباره‌كان هه‌بووه‌، ئه‌شكه‌نجه‌ و هه‌ڵخه‌ڵه‌تان و ته‌رغیب و ته‌رهبیان له‌ پێناوی چیدا بووه‌؟ مه‌سه‌له‌ی ئه‌شكه‌نجه‌دان چ جه‌سته‌یی چ ده‌روونی، شتێكی به‌ڵگه‌نه‌ویسته‌ و له‌لایه‌ن چه‌ندین لایه‌نی ره‌سمییه‌وه‌ سه‌لمێنراوه‌ له‌وانه‌ش خاچی سووری نێوده‌وڵه‌تی و لیژنه‌ی مافی مرۆڤی په‌رله‌مان و نه‌ته‌وه‌ یه‌كگرتووه‌كان- یونامی و له‌هه‌مووشیان گرنگتر به‌ڕێزان خودی داواكاری گشتیی و دادوه‌ری لێكۆڵینه‌وه‌ی ئاسایش و هه‌روه‌ها پارێزه‌ره‌كان و چه‌ندین شاهیدی تر كه‌ به‌به‌رچاو و ئاگاداریی چه‌ند به‌رپرسێكی ئاسایشه‌وه‌ ئه‌نجام دراوه‌. 

 ئه‌گه‌ر  له‌ دوای جه‌نگی جیهانی دوه‌م ، چاوێك به‌مێژووی کۆماری تورکیادا بگێرین ،له‌دوای هه‌ڵوه‌شاندنه‌وه‌ی ئیمپراتۆریه‌تی عوسمانیه‌کان ،له‌ یه‌کچونێکی زۆر له‌ نێوان توکیای ئه‌وساو عێراقی ئێستا به‌دی ده‌که‌ین ، چ له‌روی ناکۆکیه‌کانی له‌گه‌ڵ ده‌وڵه‌تانی دراوسێ و چ له‌ روی هه‌ڵوه‌شاوه‌ی مه‌رکه‌زی ، چ له‌ڕوی ململانێی ئیدیۆلۆژییه‌وه‌ ،ئه‌مه‌ جگه‌ له‌ شه‌ری ستراتیجی نێوده‌وڵه‌تی وکاریگه‌ریه‌کانی سه‌رهه‌ڵدانی شۆڕشی پیشه‌سازیو به‌رژه‌وه‌ندیه‌ ئابوریه‌کان ،به‌ڵام ئه‌و بۆچونه‌ نزیکه‌ی که‌ ئیمه‌ ده‌مانه‌وێ لێره‌دا باسی بکه‌ین ، کایه‌ و پایه‌ی کورد له‌ باکوری کوردستان و پلان وسیاسه‌تی که‌مالیسته‌کان به‌رانبه‌ر شۆڕش و خواستو وویستی کورده‌کان ، هاوتا پلان و سیاسه‌تی مالیکیه‌کان و به‌راوردێكی ئه‌مڕۆ ، له‌و سه‌ارده‌مه‌دا کورده‌کانی باکورسه‌رۆك خێڵیان هه‌بووکه‌ خاوه‌ن ده‌ستکه‌وت و بڕیار بوون  ،له‌ ئێستای کوردستانی باشوردا سه‌رۆک حیزبه‌کان خاوه‌ن ده‌ستکه‌وت وبڕیارن ،  مسته‌فا که‌مال ئیمتیازی ده‌سه‌ڵات و گوندی پێده‌به‌خشین ،به‌رانبه‌ر خواسته‌ نه‌ته‌وه‌ییه‌کان ،لێره‌ش مالیکیه‌کان وه‌زاره‌ت وپله‌ی باڵای بێ ده‌سه‌ڵاتیان پێده‌به‌خشن  ،له‌وێ هۆزه‌ کوردیه‌کانیان ده‌کرد به‌گژ یه‌کدا ،سیساسه‌تی (ئاپارتاید) خۆیان زاڵ ده‌بوون به‌سه‌ر ناوچه‌کاندا، مالیکیه‌کان ده‌یاونه‌وێ حیزبه‌ کوردیه‌کان به‌م شێوه‌یه‌ به‌کار بهێنێن ، ،که‌مالیسته‌کان چه‌ك و پاره‌یان ده‌دایه‌ ئه‌وخێڵانه‌ی سه‌رشۆڕ ده‌که‌ن بۆ بڕیاره‌کانی ده‌وڵه‌تی ناوه‌ند ،مالیکیه‌کانیش ،پاره‌و مووچه‌ ده‌ده‌نه‌ ئه‌وحیزب وڕێخراو ڕۆژنامانه‌ی پروپاگه‌نده‌ بۆ ناوه‌ندو یه‌کپارچه‌ی عێراقی مالیکیه‌کان ده‌که‌ن ،هه‌روه‌ها که‌مالیسته‌کان چۆن به‌زمانی لوس  به‌رگی کوردیان له‌به‌رحه‌سه‌ن خه‌یری وهاوه‌ڵه‌کانی کردوتاله‌به‌ر ده‌م لیژنه‌ی (عیسبه‌ت و ئومه‌م) داوایان کرد که‌ ئه‌وان نایانه‌وه‌ێ له‌ تورکیا جیاببنه‌وه‌ ، مالیکیش به‌هه‌مان شێوه‌ ئه‌وکاره‌ نێوده‌وڵه‌تیانه‌ به‌سه‌رانی کورد ده‌کات ،  به‌هه‌ر حاڵ هه‌رکه‌سێ مێژووی ده‌رسیمیه‌کان له‌سه‌ر ده‌می که‌مالیسته‌کان بخوێنێته‌وه‌..تێده‌گا که‌تراژیدیا سیاسیه‌کان چۆن دوباره‌ ده‌بنه‌وه‌ .ئه‌مه‌ جگه‌ له‌وه‌ی ده‌ىێ چه‌ند خۆفرۆشی وه‌ك مرادپاشای سه‌رۆكخێڵ  پیاوی ناوه‌ند بن .

پرسیاری ئیمه‌ ئه‌وه‌یه‌ ده‌بێ بۆچی بارزانی وتاڵه‌بانی  ئه‌و هه‌موو بۆشاییه‌ سیاسی وئیداری وئابوریه‌ بده‌نه‌ ده‌ست دوژمن...؟؟؟،ده‌بێ بۆچی دوژمن ئامۆژگاریان بکات ؟؟ ده‌بێ بۆچی گوێ له‌ دوژمن بگرن ..؟؟  ده‌بێ بۆچی هێنده‌ خۆیان دوره‌ په‌رێز له‌ گه‌له‌که‌ی خۆیان بگرن ..؟؟ ده‌بێ بۆچی هێده‌ خاڵی لاوازی خۆیان وگه‌له‌که‌یان بخه‌نه‌ خزمه‌تی دوژمنان ...باشه‌که‌ ئه‌وان گوێگرتنیان له‌م گه‌له‌ پێ شه‌رمه‌زاریه‌ .  ئه‌ی بۆچی به‌ناوی ئه‌م گه‌له‌وه‌ پله‌و پایه‌یان وه‌رگرتوه‌ و بۆ ده‌ستبه‌رداری نابن ..!!؟؟ ئیمه‌ ده‌پرسین له‌ کام سیسته‌م وله‌یاسای چ ووڵاتیکدا هه‌یه‌ سه‌رۆک وسه‌رکرده‌ ..نه‌زانێ خواستو وویستی گه‌له‌که‌ی چیه‌ ؟؟ ئێمه‌ ناڵێین ئێوه‌ش وه‌ك سه‌رکرده‌کانی ئه‌وروپا به‌ پاسکیل بگه‌ڕێن ، به‌ڵام ده‌کرێ مانگی هه‌فته‌یه‌ك ته‌رخان بکه‌ن بۆ بینینی  خواسته‌کانی هاووڵاتیان ،به‌ڵام ئێوه‌ نه‌ك هاوڵاتیان وئه‌ندامانی حیزبه‌که‌ی خۆشتان نابینن ، به‌ڵکو لاپه‌ره‌ و ماڵپه‌ره‌کانی خودی شه‌خسی خۆشتان که‌سانی ترتان داناوه‌ بۆتان سه‌یر کات ، ئه‌گه‌ر بیانوه‌کان و پاساوه‌کان سه‌رقاڵی بێت .. ده‌توانن له‌ ئوبامه‌ی سه‌رۆکی جیهان بپرسن ..! ئه‌ی ئه‌گه‌ر سه‌رقاڵیتان به‌ تێگه‌تشتن وکاروباری و گه‌له‌وه ‌نه‌بێت ، به‌چیه‌وه‌ سه‌رقاڵن ، ئێمه‌ ئه‌م جاره‌ش  له‌به‌ر خاتری نه‌ته‌وه‌ و نیشتمان پێتان ده‌ڵێین ..!! له‌مه‌ زیاتر پشت له‌ جه‌ماوه‌رو گه‌ل  مه‌که‌ن .. با گه‌ل له‌مه‌ زیاتر پشتان تێنه‌کات .. چونکه‌ ئه‌وانه‌ی گه‌ل پشتی تێکردن ...مێژوه‌کانیان لای ئیوه‌یه‌و هه‌ندێکیان هاوڕێ ودۆستی خۆتان بوون.  مێژوو به‌زه‌یی به‌کاسه‌دا نایه‌ته‌وه‌ ، مێژوو ناپرسێ کوری کێیت ،مێژوو ته‌رازووی خێرو شه‌ری نیه‌ ، مێژوو ئاوێنه‌ی دواساته‌کانی ژیانه‌ ، بۆ مێژوو پێتان ده‌ڵێین .. ئه‌گه‌ر به‌زه‌ییتان به‌گه‌ل ونیشتماندا نایه‌ته‌وه‌ به‌زه‌ییتان به‌خۆتان و مێژووی خۆتاندا بێته‌وه‌ .!!.چۆن ئێوه‌ پێویستیان به‌گه‌له‌ بۆ پله‌و پایه‌و خواستی حیزبایه‌تی و که‌سایه‌تیتان  <> گه‌لیش پێویستی به‌ ئێوه‌یه‌ بۆ به‌دستهێنانی ئامانج و خواسته‌کانیان .. چۆن ئێوه‌ ده‌نگی گه‌لتان پێویسته‌ ، تا ببنه‌ نوێنه‌روناوه‌نده‌کان گوێتان لێبگرن ، ده‌بێ ئێوه‌ش گوێ له‌ گه‌ل بگرن .!! سه‌یر له‌وه‌دایه‌  بۆ چاره‌سه‌ری کێشه‌ی کورد.. له‌هه‌ر سه‌رکرده‌و سیاتمه‌دارو ڕۆشنبیرێکی ئه‌وروپا ده‌پرسی کوردچی بکات ..!؟؟ زوربه‌یان له‌ وه‌ڵامدا ده‌ڵێن ئێوه‌ له‌ ناوخۆتاندا بێکه‌سن و سه‌رکرده‌کانی ئێوه‌ له‌ناو خۆیاندا مێزی خڕیان نیه‌ ،به‌واتای کورده‌واری مانای کۆك و یه‌کهه‌ڵوێست ویه‌ك ووتارو یه‌کگرتوو نین . باشه‌ چیترتان ده‌وێ گه‌ل بۆتان بکات وچی بۆنه‌کردون..؟؟ ئه‌ی ئێوه‌ چیتان بۆ ئه‌م گه‌ل و نیشتمان کردوه‌..؟؟ تا ئێستا سیسته‌می ئیداری یاساکانی نیو سه‌ده‌ له‌مه‌وبه‌ره‌ وهه‌ندێکیشی کۆپییه‌ی یاساکانی ناوه‌نده‌ ،هاووڵاتیان زیاتر له‌ چه‌ند سعاتێکیان ده‌وێ له‌ سه‌ره‌دا بۆ نوسینی عه‌ریزه‌یه‌ك ، زیاتر له‌ هه‌فته‌یه‌کیان ده‌وێ بۆ رۆتینترین داواکاری ، به‌ کورتی ئیوه‌ چ که‌ڵکێکتان له‌ سسته‌می ته‌کنۆلۆژیا وه‌رگرتوه‌ بۆ لابردنی ڕۆتینی ئیداری ، با باسی بابه‌تی ئابوری بکه‌ین  جگه‌ له‌ هه‌ڵکشان و به‌رزبونه‌وه‌ی نرخی نه‌وت چ سسته‌مێکی ئابوریتان بۆ ئه‌م ووڵاته‌ دارشتوه‌ ، به‌ ئیعترافی خۆتان ئه‌گه‌ر ما‌نگێ له‌ سه‌نته‌ره‌وه‌ واته‌ له‌ ناوه‌نده‌وه‌ موچه‌ نه‌یه‌ت ته‌واوی گه‌ل ده‌گه‌رێته‌وه‌ دۆخی نه‌وه‌ته‌کان ، دوای بیست ساڵ له‌ ده‌سه‌ڵات وحکومه‌ت تازه‌ بارزانی ده‌ڵێت ..ئه‌گه‌ر گه‌ل په‌یمانی ساڵێ برسێتیم بداتێ ..من هه‌موو بڕیارێك ده‌ده‌م ، ئه‌مه‌ خۆی ئیعترافێکه‌ که‌ هیچ سسته‌مێکی ئابوریتان نه‌بوه‌و نیه‌ و هیچ پاشخان وسه‌رخانی ئابوریتان نه‌بوه‌ ، له‌ باره‌ی دستکه‌وته‌ نه‌ته‌وه‌و نیشتمانیه‌ سیاسی وچاره‌نوسه‌کاندا ، ڕۆژانه‌ خه‌ڵکی کورد له‌ناوچه‌ داگیرکراوه‌کان ئه‌کوژرێ وده‌ربه‌ده‌ر ده‌کرێ و سنورمان هه‌ر چه‌مچه‌ماڵه‌ ومالیکیش به‌ئاشکرا جێبه‌جێ نه‌کردنی ماده‌ ده‌ستوریه‌ کاڵو کرچه‌کانی له‌مه‌ڕ ناوچه‌ داگیرکراوه‌کان ده‌خاته‌ ئه‌وباڵی تاڵه‌بانی خۆی ،تاڵه‌بانیش بێ وه‌ڵام ماوه‌ته‌وه‌ . که‌واته‌ کامانه‌ن ده‌ستکه‌وته‌ سیاسیه‌ نیشتمانیه‌کان ، ئه‌گه‌ر شۆڕشمان پێده‌فرۆشنه‌وه‌ ،جگه‌ له‌وه‌ی ڕۆڵه‌ی ئه‌م گه‌له‌ شۆڕشی کردوه‌ ،چ بازرگانێك شۆڕشی نه‌کردوه‌ و ماستاوچی ڕژێمی ڕابردوو بوه‌ ،ته‌نانه‌ت بازرگانه‌ نێوده‌وڵه‌تیه‌کانیش  چه‌ند یه‌کی ئێستای ئێوه‌یان هه‌یه‌ ؟؟ به‌کورت وکرمانجی  ئه‌و مه‌سه‌له‌ کوردیه‌ زۆر درۆیه‌ که‌ ده‌ڵێ ( سواربون عه‌یبێکه‌ ودابه‌زین دوو عه‌یب ) هه‌موو سوارێك نه‌زان بێ یان سوار چاك هه‌ر ده‌بێ دابه‌زێ .خۆ به‌سه‌ر ئه‌سپه‌وه‌ نه‌خولقاوه‌ . قابیلیه‌ت و تواناش هیچ عه‌یبه‌ی تیا نیه‌ ، به‌ڵکو نیو سه‌ده‌  شکسته‌ یه‌ك له‌ دوای یه‌که‌کان عه‌یبه‌ . له‌ نێوان کورد بۆ کورد ووشه‌یه‌ک نیه‌ ناوی ته‌نازول بێت ، یه‌کتر نه‌خوێندنه‌وه‌و پشت له‌یه‌کترکردن وده‌ستگرتنی دوژمن عه‌یبه‌ ، تێگه‌یشستن و ڕاوێژ له‌گه‌ل په‌رله‌مان و خه‌ڵکی نه‌ته‌وه‌که‌ی خۆت عه‌یب نیه‌ ، خۆ ئه‌گه‌ر سڵ له‌ گه‌ل ده‌که‌نه‌وه‌ ، یان گه‌ل به‌ نه‌فام ده‌زانن ،له‌گه‌ڵ ڕێزم بۆ کۆمه‌ڵانی خه‌ڵك ، ئه‌ی خۆ سڵ له‌ په‌رله‌مانتارو هۆڵی په‌رله‌مان ناکه‌نه‌وه‌ ،  ئێوه‌ ووتان په‌رله‌مان مه‌رجه‌عه‌ ، له‌ هه‌موو جیهاندا په‌رله‌مان  قوسیه‌تی خه‌ڵکه‌که‌یه‌تی  ، که‌ ئێوه‌ ڕێز له‌ په‌رله‌مان نه‌گرن  قودسیه‌تی خه‌ڵکی کوردستان له چیدا ده‌بینن ..!!؟؟

 هەفتەی داهاتوو سەرانی پەیمانی ناتۆ لە شیکاگۆ کۆدەبنەوە . بڕیارە کۆبوونەوەکەیان تا ئەو جێگایەی کە ئیمکانی هەبێت لە پشتی دەرگا داخراوەکانەوە بێت . کۆبوونەوەی سەرانی پەیمانی ناتۆ لە کاتێکدا دەستپێدەکات، کە جیهانی سەرمایەداری لەگەڵ کۆمەڵێک قەیرانی ئابوریی، سیاسیی و سەربازی ناوچەیی و جیهانیدا بەرەو ڕووبووەتەوە.  بۆ یەکەمین جار دوو دەوڵەتی نا ئەندام بانگهێشتی کۆبوونەوەکە کراون . حامد کرزای و ئاسف  عەلی زرداری سەرۆک کۆماری ئەڤغانستان و پاکستانیش لە کۆبوونەوەی سەرانی پەیمانی ناتۆدا بەشدار دەبن .

 ڕاگەیاندراوە کە ‌هێڵە گشتییەکانی ئامانجی کۆبوونەوەی سەرانی ناتۆ، کێشەی هێزەکانی ناتۆ لە ئەفغانستان و کێشەی بەرنامەی ئەتۆمی ئێران و کۆریای باکورە . ئێران، کۆریای باکور و ئەفغانستان تەوەرە گشتییە بەیانکراوەکانی کۆبوونەوەی سەرانی ناتۆیە، بەڵام ئامانجی سەرەکی کۆبوونەوەی ئەندامانی ناتۆ داڕشتنی پلانێکی شەڕانگێزی فراوانترە لەو سێ وڵاتە .

بەهۆی دووبارە گەڕانەوەی ڕوسیا بۆ سەر شانۆی سیاسەتی جیهانی و نزیکبوونەوەی لەگەڵ گەورە هێزێکی ئابوریی، تەکنەلۆجی و سەربازی وەک چین و هیندستاندا، باڵادەستی سەربازی ناتۆ لە جیهاندا لە ژێر پرسیاردایە و چیتر ناتۆ ناتوانێت بڕیاردەری یەکەم و دوایی بێت لە کێشەو قەیرانە سیاسیی و سەربازییە ناوچەیی و جیهانییەکاندا .  ئەزمونی سوریا دەریخست کە ناتۆ هێزی سەربازی یەکلاکەرەوەی قەیرانە سیاسییە  جیهانی و ناوچەییەکان نییە و ناتۆ لەگەڵ ڕەقیبە  سەربازییە نوێیەکاندا بەرەوڕوو بۆتەوە .

شکستی ناتۆ لە ئەفغانستان و عێراقدا، تەنها شکستێکی سەربازی نییەو ئەو شکستە لە بونیادی ئابوریی وڵاتانی ئەندام لەو پەیمانەدا کاریگەری و ڕەنگدانەوەی جدیی هەیە . ئابوریی  وڵاتانی ئەندام لە پەیمانی ناتۆدا، بەهۆی جەنگی ئەفغانستان و عێراقەوە،  قەیرانەکەی قوڵتربۆتەوە . ئەو بارودۆخە ئەزمەگرتووە ئابوریی و سەربازییە کە ئێستا وڵاتانی ئەندام لە پەیمانی ناتۆی لە قاڵبداوە، پێویستی بەجیهانیکردنی جەنگی بۆ ئەو ڕێکخراویە هێناوەتە کایەوە . گۆڵباڵیزەکردنی جەنگ، دوایین ڕێگاچارەیە بۆ ئەوە کە ناتۆ بەر پرۆسەی بە پەراوێزبوونی خۆی بگرێت لە ئاستی جیهانیدا .

  ئەوەندەی کە چاوەڕێ دەکرێت، ئێران، کۆریا و سوریا ببنە خاڵی دەستپێکردنی  گڵۆباڵیزەکردنی جەنگی ناتۆ . ڕوسیا و چین لە بەرامبەر ئەو پلانە شەیتانیەی ناتۆدا نە بێدەنگ دەبن و نە دەستەوەستەو ئەژنۆیش دادەنیشن . خۆ ئامادەکردنی ڕوسیا بۆ لێدان لەو موشەکە قەڵغانیانانەی کە ئەمریکا لە ئەوروپادا جێگیریکردوون، ئاماژەیەکی ڕاشکاوانەیە بە نیگەرانییەکانی ڕوسیا لەبەرامبەر سیاسەتی بە جیهانیکردنی جەنگ لەلایەن ناتۆوە . چین و هیندیش بەردەوام خەریکی بەهێزکردنی تەکنەلۆژیای سەربازی و موشکە ئەتۆمییە زەمین بە زەمینییەکانی خۆیانن .

 هەموو ئاماژە و نیشانەکان پێمان دەڵێن کە ناتۆ بۆ هێشتنەوەی باڵادەستی خۆی لە جیهاندا، خەریکی بە گڵۆباڵیزەکردنی جەنگە، بەڵام نەخشەکانی ناتۆ شتێکە و واقعیاتی دنیای ئەمڕۆ شتێکی دیکەیە . هێزی خەڵکی ئاشتیخواز لە ئەمریکا و ئەوروپادا بەشێوەیەکی چالاک و زیندوو هاتۆتە مەیدانی خەباتەوە دژ بە سیاسەتی شەڕانگێزانەی سەرانی ناتۆ و بڕیارە  ڕۆژی یەکشەممەی داهاتوو گەورەترین خۆپیشاندانی جەماوەری دژ بە کۆبوونەوەی سەرانی ناتۆ لە شیکاگۆدا بەڕێبخرێت . لەو خۆپیشاندانەدا داوای کشانەوەی هێزە سەربازییەکانی ناتۆ لە ئەفغانستان، کۆتاییهێنان بە سیاسەتی شەڕانگێزانەی ناتۆ لە جیهان و چارەسەکردنی گیروگرفتە ئابورییە هەنووکەییەکانی جیهان دەکرێت .

چەند وتاری دیکە لە پەیوەند بەم بابەتەدا:

نەوشیروان مستەفا و گردەکەی، ئەرچی ناوی گۆڕانیان لە خۆیان ناوەو لە جەلالیەکان دوورکەوتوونەتەوە، بەڵام بەهەمان مێتۆدی ئەوان کاردەکەن. بەهەمان عەقڵیەتی تەسکی ئەوان کاردەکەن و ناشتوانن خۆیان لەومێتۆدە ڕزگار بکەن، چونکە بەرژەوەندیان لەگەڵیدایەو نوێنەری ئەو ڕێبازەن. تەنیا جیاوازیەك کە لەگەڵ جەلالیەکان هەیانە ئەوەیە کە تاڵەبانی لەقەڵاچوانەو نەوشیروانیش لەگردەکە. من پێموایە گەر نەوشیروان توانای مادی، ئیداری و سەربازی پارتی هەبا، لە بارزانی ترسناکترو دیکتاتۆرتر دەبوو. نەوشیروان بەبێئەو هەموو توانەیە ئێستا تاکە بڕیاردەر و دیکتاتۆری گردەکەیە، گەر خاوەنی نیوەی دەسەڵاتەکانی بارزانی یان تاڵەبانی با، تەورەکەی شاخی لەشار دەخستەوەگەڕ و تەواوی کوردستانی وەکو جەستەی وریای وەستا وەهاب دادەپاچی.

 گۆڕان وشەیەکی سادەیە، بەڵام بەواتا گەلێك گەورەو گرنگە، گەلێك پڕجوڵە و ئەکتیڤیەتە، گەلێك پیرۆزو پڕهیوایە. ئەوانەی کەدەیانەوێ لێینزیك ببنەوە یان هەڵسوکەوتی لەگەڵدا بکەن، دە‌بێ پڕمێتۆدی ڕاستگۆییبن، دەبێ بەکردەوە خاوەنی پاراستنی ستراتیژی بەرژەوندی گشتیبن، دە‌بێ کردارو وتاریان یەك ئاراستەو هاوتەریب بێت، نەك وەك نوشیروان و شوێنکەوتووەکانی. نەوشیروان مستەفا، تاڵەبانی و بارزانی سێ ناوی جیاوازن بۆ یەك کەسایەتی، بۆ یەك دەرون و بۆ یەك هەناسە، بۆیەك ناوەرۆك و بۆ یەك پێناسە، بۆ یەك مێتۆد و بۆ یەك ڕێباز، بەڵام لەسێ بەرگی جیاوازدا خۆیان دەنوێنن.

وانزیکەی سێساڵە نەوشیروان هاوڕیکانی دەڵێن دەیگۆڕین، بەڵام بۆیان ناکرێت، چونکە ئەوە ئەرك و فرمانی ئەوان نیەو ناتوانن. وانزیکەی سێساڵە خەڵك بەرەوگردەکە سەردەخەن، کەچی لەولاوە لێیان دەگەن و دێنەخوارەوە. وانزیکەی سێساڵە خۆیان کۆدەکەنەوە کەچی هیچیشیان دیار نیە، وانزیکەی سێساڵە ڕەخنەدەگرن، وتار دەنووسن، بەرنامە و چاوپێکەوتن پەخش دەکەن، کەچی هەمووی بۆگەوجاندنەو کردارەکانیان پێچەوانەی ناوەرۆکی ڕاگەیاندنەکانە.

ئەوەتا پاش نزیکەی سێساڵ لە گەوجاندن، لە چەواشەکاری ، لە فریودان و ساختەچیتی، خەمی گەورەی گۆڕان و گردەکە گەڕانەوەی بەرژەوەندیە لەدەستچووەکانە. ئەوەتا زۆر بێشەرمانەو ڕاشکاوانە لەگەڵ یەکێتی کۆدەبنەوەو لەجیاتی جەختکردنەوەو پێداگرتن لەسەر پارێزگاری کردن لەخەڵك و بەرژەوەندیەکانیان، لەداخوازیەکانیان، کەچی ڕێکەوتن لەگەڵ حزبەکەی مامیان دەکەن و ئامادەن ئیدارەی سلێمانی پێکەوە بەڕێوەبەرن بەمەرجی گەڕانەوە بۆ خاڵی سفر. بۆ ئەوەی ڕاستی بۆچونەکانی ئێمەتان بۆ دەرکەوێت، بۆئەوەی ئێوەش وەکو ئێمە لە ناخی ڕاستەقینەی نەوشیروان بگەن و لە تاڵەبانی و بارزانی جیانەکەنەوە، بۆ ئەوەی بۆ هەموو کەس روونبێتەوە کە جیاوازی لەنێوان گردەکە، قەڵاچوالان و سەری ڕەشدا جگە لە ناوو شوێن هیچیتر نیە، بۆئەوەی لە مۆراڵی نەوشیروان و هەڵسوڕاونی بگەن ، بۆئەوەی لەوڕاستیە بگەن کە نەوشیروان و گردەکە بەدووای چارەسەری کێشەی هەڵسوڕاوانی خۆیانەوەن، نەك کێشەی کۆمەڵگا .

 *سەرنجی ئەم هەواڵەی خوارەوە بدەن کە هاوڵاتی بڵاوی کردووەتەوە و ئەوەش لینکەکەیەتی

کەس گومانی لەوە نییە دەستە بەڕێوەبەرییەکانی رۆژنامە و گۆڤارەکانی ئێستای کوردستان هەرهەموویان بە حیزبیی و بە بەناو ناحیزبییەکانیانەوە خەریکی کاسبیی خۆیانن و نەک فڕیان وەسەر خزمەتکردنی میللەتەوە نییە بەڵکە دژایەتیی ئامانجە رەوایە مرۆییەکانیشی دەکەن، بە بێ ئەوەی میللەت داوایان لێبکا هەر لە خۆیانەوە دەبێژن ''ئێمە دەمانەوێ زانیاریی بە میللەت بگەیەنین''! هەر لەو گۆڕەی و بە تۆبزیی خۆیان بەسەر شانی میللەت دابڕییە و لەسەر قووتی ئەوان دەژین، زانیارییەکانیشیان لە هێندەک ژەهری کۆمەڵایەتیی و دەنگوباسی بەرپرس و دەسەڵاتدارە گەندەڵ و سیاسەتبازەکان پتر بترازێ هیچی دیکە نین، لە راستییشدا وەک ئەوەی دەیبینین ئەوەیە کە کاتەک لە نێو میللەت پێناسەی قسەیەکی پووچ و نابەجێ دەکرێ دەگۆترێ ''ئەوە وەک قسەی میدیاکارانە کە هەر خەریکی تەلەکەبازیی و درۆهەڵبەستنن''! زۆربەی هەر زۆری رۆژنامە و گۆڤارەکانیش بە بێ ئەوەی بخوێندرێنەوە دەکرێنە سفرەی نانخواردن یان کەلوپەلی جوارجۆریان پێ دەسڕدرێتەوە.

باشترین بەڵگەش لۆ پشتڕاستکردنەوەی ئەو قسانەی سەرێ ئەوەیە کە لە دوا دەرکەوتنیان وەک ئەوەی هەنگینیان لە داردا پەیدۆز کردبی بە شانازیی بەخۆکردنەوە لە دەوری (مەسعود بارزانی - کە سەرۆکی خێڵ و یەک حیزبی میلتاریستە) کۆبوونەوە و وەک سەرۆکی یەک وڵات رەواییان پێدا.. لێ هیچیان وەک ئەوەی کە رۆژانە لە رۆژنامە و گۆڤارەکانیان باس لە (هەبوونی گەندەڵیی لە رادەبەدەر، جێبەجێنەبوونی یاساکان و فتوادەرکردنی مەلاکان، بە حیزبییبوون و بە خێڵەکییبوونی دامودەزگەکانی حکومەت، هەبوونی تووندوتیژیی و کوشتنی ژنان، پێشێلکردنی مافەکانی چینە نەدارەکان، سەرکوتکردنی خۆپیشاندان و ئازادیی دەربڕین، کوژران و برینداربوون و زیندانکردنی نایاسایی و ئازار و ئەشکەنجەدانی دەیان هەزار کەس لە شەڕە نێوخۆکان بە دەستی حیزبەکان، سەرکردایەتیی سیاسیی کورد بەرپرسیاری سەرەکیی بەدواخستن یان لەباربردنی سەربەخۆیی کوردستانن و... هتد) دەکەن.. نەیانوێرا لە بەرانبەر ئەویشدا ئەو ئازایەتییە لەخۆڕاببینن و بە هەمان شێوە پێداگریی لەسەر ئەو راستییانە بکەن و ببێژن تۆ کە خۆت بە سەرۆکی یەکەمی ئەو هەرێمە دادەنێی و لە نادیموکراسییترین پرۆسەی هەڵبژاردن بە هۆی چاو لێ سۆرکردنەوە و سەرکوتکاریی و نانبڕین دەنگی زۆربەت وەدەستهینا هەر تۆش بەرپرسیاری یەکەمی لە هەبوونی ئەو هەموو گرفت و نەهامەتییانە.. ئایا دەکرێ ئێمە لە رێی یاساییەوە سکاڵات لەسەر تۆمار بکەین و تۆش راوەدوومان نەنێی و نانبڕامان نەکەی و بە پێی خۆت بچییە بەردەم دادگایەکی بێلایەن و داگاییەکەش بە سەرپەرشتیی دەزگە و رێکخراوە یاساییە نێودەوڵەتییەکان ئەنجام بدرێ؟ هیچ گومانی تێدا نییە لە پاشەڕۆژەکی دوورییش هەر ناوێرن چونکە ئەوانە میدیاکاری کاسبکارن!

دیارە هیچ گومانی تێدا نییە زۆر بە هەڵەدا دەچین ئەگەر چاوەڕاونی ئازایەتیی نواندنێکی لەو جۆرە بین لەو جۆرە نووسەر و رۆژنامەنووسانە.. چونکە ئەوانە تەنیا لەدوو ناوبانگ و پێگەی خۆیانن و هەموویان لە یەک دۆڵدا دەژین و میللەتیش لە دۆڵەکی دیکە! ئیدی تەواو، چیدی رۆژنامەگەلەکی وەک هاوڵاتی و ئاوێنە و... هتد ناتوانن لە بەرانبەر جەماوەری هۆشیار و ئازادییخواز بە ناوی رۆژنامەی (ئازاد و ئەهلی) پڕوپاگەندەی سەربەخۆیی بکەن و خۆ وا پیشان بدەن لەدوو راستییەکان و خزمەتکردنی میللەتن.. چونکە ئیدی ئەوانیش لە پێناو بەرژەوندییە تەسکە کەسیی و سیاسەتبازییەکانیان ناتوانن رەخنە و ناڕەزایەتیی راشکاوانە لە کات و شوێنی پێویست بخەنەڕوو و هەروەک میدیایە حیزبییەکان کۆیلەی مانەوەی خۆیانن و تەنیا نووچەگەهانی بەرپرسان و دەسەڵاتدارانن.

هەر لەبەر ئەو هۆیانەشە ئیدی خەڵک بە شێوەکی گشتیی لەو میدیایانەی نێو کوردستان بێ هومێد بوونە کە بتوانن رەنگدانەوەی دەنگی ئازادییخوازانەی جەماوەر بن. وەلی گرفتە گەورەکە لەوەدایە ئەو میدیایانەی دەرەوەی کوردستانیش کە لەسەر ئینەرنێتدا هەن لەگەڵ ئەوەی لەبن دەستی دەسەڵاتی سیاسەتبازەکانی کوردستاندا نین و دەرفەتی ئازادبوونیان زۆر بەرفروانترە ئەوانیش جێگەی بڕوای خەڵک نین.. چونکە ئەوانیش زۆربەی هەرە زۆریان لە پێناو پاراستنی بەرژەوەندییە کەسییەکانیان بە شێوەی ناڕاستەوخۆ لەژێر دەستی حیزبەکان دان و بە بیانووی تاکتیکگەلەکی وەک (پشتگیرییکردن لە دۆزی نەتەوەیی و نیشتیمانیی و پاراستنی سەرمایەی نیشتمانی و ئاسیشی نەتەوەیی و لانەدان لە هێڵی سۆر و سووکایەتیینەکردن بە پیرۆزییەکانی دین و فەرهەنگ و دابونەریتی گشتیی و چەندین چەمکی کۆنەپەرستانە و هەڵخەڵەتێنەرانەی دیکە) هەر خەریکی هۆنینەوەی پەتی ستەمکاریی هەمان سیستەمن!

هەڵبەتە لەوڕۆدا لە سایەی سوودوەرگرتن لە بەرهەمی پێشکەوتنە زانستییەکان و بوارەکانی دیکەی ژیان بە شێوەکی گشتیی کە بە هۆیەوە چین و توێژە نەدار و زەحمەتکیشەکان تا رادەکی چاک ئاسۆی ژیان و تێکۆشانی خۆیان بە رۆشنیی دەبینن؛ هەر کەسەک دەتوانی تەنیا بە چاوپێداخشاندنەکی خێرا ناسنامەی شاراوەی هەر یەک لە ماڵپەڕەکان وەکو خۆی بداتە دەست کە زۆربەی هەرە زۆریان جوایەزییەکی ئەوتۆیان لەگەڵ رۆژنامە و گۆڤارەکان نییە .. لۆ نموونە دەبی ماڵپەڕەکی بە ناو ئازاد و سەربەخۆی دەرێی کوردستان کە نووسین و وتاری رۆژنامەنووس و نووسەرگەلەکی وەک (مەسعود محەمەد و محەمەدی مەلاکەریم و مارف خەزنەدار و عیزەدین مستەفا رەسوڵ و مەحمود زامدار و کەمال مەزهەر و جەوهەر نامیق و شێرکۆ بێکەس و شێرزاد حەسەن و فەلەکەدین کاکەیی و حەمەسەعید حەسەن و مستەفا ساڵح کەریم و نەژادی عەزیز سورمێ و فارووق رەفیق و فەرهاد عەونی و کوردستان موکریانی و کەمال میراودەلی و مەهاباد قەرەداغی و گرووپە سەرلێشوایەکەی رەهەندییەکان و دەیان نووسەری دیکەی لەو بابەتانە کە بیرمەند و نەخشەداڕێژەری سیاسەت و بەرنامەی چرووکی حیزبەکان و سیستەمەکەن لە رووی فەرهەنگییەوە) لە لای سەرەوە و بە گرنگییپێدانەکی زۆرەوە لە سینگی ماڵپەڕکەی دەدا.. جوایەزیی چی بی لەگەڵ ئەو رۆژنامە و گۆڤارە حیزبیی و بە ناو ناحیزبییانەی کوردستان کە رووبەری رۆژنامە و گۆڤارەکانیان بە راپۆرت و نووچە و کۆنفرانسی رۆژنامەنووسیی و قسەی بێزەوەری سیاسییانەی کۆمەڵەک خەڵکی وەک (تاڵەبانی و بارزانی و نێچیرڤان بارزانی و بەرهەم ساڵح و مەحمود عوسمان و حەمەی حاجی مەحمود و نەوشێروان مستەفا و سەلاحەدین بەهادین و ئەرسەلان بایز و عەلی باپیر و مەلا کرێکار و فەرید ئەسەسەرد و چنار سەعد و مەلا بەختیار و کوێستان محەمەد و فازیل موتنی و ئازاد جوندیانی و سۆزان شەهاب و دەیان سیاسەتبازی دیکە کە جێبەجێکەری سیاسەتی چەوسێنەرانەی حیزبەکان و سیستەمەکەن) دەڕازێننەوە!؟ جا لەبەرهەندێ پێویست بە ئەنگوست لەسەردانان ناکا و زۆربەی هەرە زۆریان هەر یەکەو بە جۆر و شێوەیەک پاڵپشت و تەواوکەری میدیای دەسەڵات و حیزبەکان و کەسایەتییە سیاسەتبازەکانن، لۆ نموونە کەسەکی وەک (رۆژ ئەحمەد - ئەندامی دەستەی بەڕێوەبەریی ماڵپەڕی دەنگەکان) کە لەکنە خۆی وەیە رۆژنامەنووسەکی زۆر رۆشنبیر و نووکارە و ئازادییەکان لەسەری دەڕێژنەوە.. لەو دواییانە لە وتارەکی کرچوکاڵیدا بە بیانووی مافی ئازادیی دەربڕین پاڵپشتیی لە هزر و هەڵسوکەوتی (مەلا کرێکار - گەورەترین بەرپرسی دەسەڵاتە دڕندەییەکەی هەڵەبجە و خورماڵ) دەکا تا ئەویش پتر دەستی بکرێتەوە و وەک زۆربەی هەرە زۆری سەرکردەکانی بزووتنەوەی کورایەتیی لە ئازادییە دژەمرۆییەکان بەهرەمەند بی و کۆمەڵەک کارەساتی دیکە وەسەر ئەو میللەتەدا بهینی و چەندین فتوای دیکەی وەک فتوای کوشتنی شێرکۆ بێکەس و مەریوان هەڵەبجەیی و لەو بابەتانە بدا! لە هەمووشی عەنتیکەتر ئەوەیە کە دەبێژی: ''ئازادی بۆ مەلا کرێکار، ئازادی هەموومانە''! ئەو قسەیە رێک وەک کردەوەی ئەو کەسەیە کە پیسایی لە کانی گوند دەکا تا باسی بکرێ! نازانین کێ داوای لە (رۆژ ئەحمەد) کردییە بە ناوی هەمووانەوە رای خۆی دەرببڕی، بڕوا ناکەم تەنانەت یەک کەسی ئازادییخوازی راستەقینە هەبی هێرش و پەلامارەکانی (مەلا کرێکار) بە ئازادیی خۆی بزانی مەگەر تەنیا ئازادییەکانی ئیسلامییەکانی بن دونیایێ و ئەو (راپۆرتنووس)انەی کە میدیای کوردیان داگیرکردییە لەگەڵ ئازادییەکانی (رۆژ ئەحمەد و مەلا کرێکار) تێکبکەنەوە! 

   لە کۆتاییدا، لە پێناو ئەوەی نەهێڵم هێندەک نووسەر و رۆژنامەنووسی گەندەخۆر و کۆلەوار کە بە شێوەکی گشتیی پێناوی سیستەمی چەوسێنەرانەن پارووی چەور بە لێکدانەوەی ئەو قسەیەم: ''ئەمن پێچەوانەی ڤۆلتێر؛ تا مردن دژی مافی گۆتنی رای بەرانبەرەکەمم کە دڵنیام دەمچەوسێنتەوە'' بخۆن و خوێنەران لەخشتەببەن.. دەبێژم:

ئەمن بە شێوازی خۆم کە شێوازەکی ناتوندوتیژ و ئاشتییخوازانەیە و پشتئەستوورە بە بەها مرۆییەکانی تێکۆشانی مرۆڤەکان لە پێناو یەکسانیی گشتیی و ئازادییەکانی تاک و کۆمەڵ.. دژی مافی گۆتنی رای بەرانبەرەکەمم کە دڵنیام دەمچەوسێنتەوە، واتە کاتەک ئەوان بە پشتبەستن بە یاسایە پووچەکانی سیستەمەکەیان بەو شێوانە دەدوێن:

ئەمن کار ناکەم و دەبی دەوڵەمەند بم.. ئەتووش کار بکە و دەبی هەژاریش بی، کە نەخۆش کەتم دەبی نوێترین و باشترین زانستی پزیشکی چارەسەرم بکا جا هەرچەندەی تێدەچی گرنگ نییە.. ئەتووش بڕۆ لە (کلینیکە بازرگانییەکانی پزیشکان) و خەستەخانە گشتییە ئاستنزمەکان لەبەردەستی پزیشکە بێویژدانەکان و دەرمانخانە پڕ لە دەرمانە بەسەرچوو و قاچاغەکان هەر لەنێو ئازاردا بتلێوە تا گیانت لەبەردەبڕێ!

هێشتا میللەتەکەمان هۆشیار نەبۆتەوە و لە قۆناغی رزگاریی نەتەوەیی و نیشتیمانیی داین، هەر چار لامان دوژمنە و سیاسەتی نێودەوڵەتییش دەگەڵمان نین و هێشتا سەربەخۆیی کوردستان زۆر زۆر دوورە، هەرچەندە تێکڕای میللەتەکەمان دەگەڵ سەربەخۆیی کوردستانە لێ ئێمە - واتە سەرکردایەتیی سیاسیی کورد (بارزانی و تاڵەبانی و جڕوجامشتەکانیتر) - باشتری لێدەزانین و ئێستا فیدراڵییمان - کە تەنیا ناوە و کۆمەڵەک بازرگانی سیاسیی لە عێراق و کوردستان لە دەسەڵات دان - هەڵبژاردییە.. کەنگێ بە باشمان زانی بڕیاری لەسەر دەدەین - واتە با میللەت هەر قەوچەقەوچ بکا.. تا سامانی کوردستان هەمووی نەدزین و خاوەنی داروبەردی کوردستان نەبین و دڵنیا نەبین کە هەر خۆمان دەبینە سەرۆک و مەرۆکی دەولەتی سەربەخۆی کوردستان هەرگیز بڕیار نادەین و ناهێڵین کەسی دیکە ببیتە پاڵەوانی نەتەوەیی و نیشتیمانیی -!

ژنان لە پێناو خۆشیی و ئارەزووی پیاوان ئافەریدەکراینە و زۆر ئاساییە بکڕدرێن و بفرۆشرێن و لەنێو چاردیواری ماڵەکانیاندا خزمەتکاری پیاوان بن و وەک (زەعیفە) و (شەرەف)ی پیاوان تەماشا بکرێن چونکە (ناقیسولعەقل)ن.. مافی پیاوانە (چار ژن - سۆزانییخانەی شەرعیی)یان هەبی - واتە یەک پیاو لە یەک کات دەگەڵ چار ژن بنووی - ئەگەر پیاو سێکسی ئازاد دەگەڵ ژن بکا گرفتەک نییە لێ پێویستە ژنەکە ئەتک بکرێ یان بکوژرێ.. بە کورتییەکەی پیاو زاڵ بی بەسەر ژنان و تای تەرازووی ماف و ئازادییەکانی ژنان لە ئاسمان بی و ئی پیاوانیش لە زەوی!

زۆرینەی کۆمەڵ باوەڕی بە دین و دابونەریت و سیستەمەکەی من هەیە - سەرەڕای ئەوەی دین و دابونەریت و سیستەمەکەی وی بە بەردەوامیی سەرپای ژیان لە شەڕ و کوشتن و تیرۆر و برسێتیی و کاولکاریی و پاشدامایی و هەڵاواردنی جۆراوجۆر لە نێوان مرۆڤەکان و بە دەیان چەوسانەوەی دیکەی لەو بابەتانە هەڵدەکێشێ - زۆر رەوا و ئاسایی و یاساییە شەو رۆژ لەنێو میدیاکان و سەکۆی مزگەفتەکان و لە هەر دەم و جێیەک هاوار بکەم (ئەنگۆی بێ دین کە کەمینەن.. ئەنگۆی هەژار ئەگەرچی زۆرینەشن) بێ رەوشت و هەرچی و پەرچی و ناکەسبەچەن، لێ ئەگەر ئەنگۆ رەخنە لە دین و دابونەریت و سیستەمەکەی من بگرن ئەوە سووکایەتییە و هەرگیز لێتان نابوورم و ئەگەر وازنەهینن ئەوە چاوتان لێ سۆر دەکەمەوە و نابڕاتان دەکەم.. ئەگەر دیسان وازتان نەهینا ئەوە یان شاربەدەر و وڵاتبەدەرتان دەکەم یان دەتانخەمە زیندان.. ئەگەر هەر وازتان نەهینا ئەوە دەرمانخواردتان دەکەم یان هەر لەژێر ئەشکەنجەدان لەنێوتان دەبەم، ئەگەر نەشمتوانی ئەوانە بکەم ئەوە تیرۆرتان دەکەم!..

 ئەمن چەندەی لە توانامدا هەبی هەرگیز ناهێڵم ئەو قسانە بکەن چونکە ئەو قسانە مافی هیچ کەسەک نییە و بە هیچ شێوەیەک لە چارچیوەی پێناسەی ئازادیی جێیان نابیتەوە، ئاخەر ئەو قسانە رێک وەک قسەی ئەو کەسەیە کە لە رووی دەروونییەوە نەخۆشییەکی ترسناکی هەیە و ئارەزووەکانی بەوە دادەمرکێن کە ببێژی ''مرۆڤ هیچ نرخ و بەهایەکی نییە لەکنە من و حەزم لێیە لە قەرەبالغترین جێ دەستڕێژ لە خەڵک بکەم و پۆل پۆل بیانکوژم'' ئیدی کەس رێ لەو قسەیەی نەگری چونکە ئەو مافەی هەیە و ئازادیی خۆیەتی!!! کە بە کرداریش جێبەجێی دەکا دیسان کەس نەتوانی پێی ببێژی لە پشتی چاوت دوو برۆیە چونکە دیسان ئەو مافەی هەیە و ئازادیی خۆیەتی!!! لەبەرهەندێ ئەمن نەک هەر بەرگریی لە مافی گۆتنی رای بەرانبەرەکەم - کە دوژمنی مرۆڤە - ناکەم بەڵکە تا دەکرێ رێی لێدەگرم لۆ ئەوەی نەتوانی قسە دوژمنکاریی و دڕندەییەکانی بکا و پاشانیش بە کردار جێبەجێیان بکا.. وەلی ئەمن هەرگیز هەژار و نانبڕای ناکەم.. چاوی لێ سۆر ناکەمەوە و ئازار و ئەشکەنجەی نادەم.. زیندانی ناکەم و نایکوژم و تیرۆری ناکەم، بەڵکە دەبی ئەویش وەک من تەنیا ئەو ماف و ئازادییە مرۆییانەی هەبی کە من هەمن و نابنە هۆی پێشێلکردنی ماف و ئازادیی هیچ کەسەک.. تا هەموومان وەک یەک بە ئازادیی و یەکسانیی و ئاشتیی و ئاسوودەیی و سەرفرازیی بژین.

هەر بۆیە ئەو بارودۆخەی میدیای کوردی لە نووسەر و رۆژنامەنووسە ئازادییخوازەکان دەخوازێ ئیدی سەنگەری خۆیان دیار بکەن و چیدی دەنگی خۆیان لەنێو گەڕەلاوژێی هەزاران دەنگی (دژە ئازادیی و ملکەچ)ی نووسەر و رۆژنامەنووسە سیاسەتبازە ناودارەکان - ناوی گەورە و دێی وێران - کە لە لای سەرەوە و لە سینگی رۆژنامە و گۆڤار و ماڵپەڕەکان بڵاودەکرێنەوە.. نەخنکێنن، بەڵکە ئەو ماڵپەڕانە بگەشێننەوە کە جۆرەک لە سەربەخۆییان هەیە و وەک سەرەتایەک بناغەی ئازادیی رۆژنامەگەرییان دامەزراندییە - ئەگەر هەبن - ئەگەر نەشبن ئەوە ماڵپەڕی سەربەخۆ و دوور لە نووسەر و رۆژنامەنووسە سیاسەتبازە ناودارەکان دابمەزرێنن و پانتایی ئازادییەکان فراوان و فراوانتر بکەنەوە و چیدی ئازادیی نەدەنە ئەو کەسانەی کە دەیانەوێ رێ لە ئازادییەکان بگرن یان هەر ئێستاکە خەریکی رێگرتنن لە ئازادییەکان.

_________________________________________________

* ڤۆڵتێر: (ئەمن رای تۆ ناسەلمێنم، بەڵام تا مردن بەرگریی لە مافی تۆ دەکەم بۆ گۆتنی).

ئاشتی دوای شەڕ خۆشە!.. ئەمە پەندە کوردییەکەیە کە لە منداڵیمەوە گوێبیستی بووم . ئەم پەندە وەک یاسا وایەو یاساش وەک هەویر وایە . قازییەکان و محامییەکانیش بە ئارەزووی خۆیان ئەنواعی مەنتوجاتی جینایی و بەرائی لە یاسا دروست  دەکەن . نەوشیروانیش دەتوانێت لە پەندی " ئاشتی دوای شەڕ "، ئەنواعی  مەنتوجاتی نەوتی لێدروست بکات. منیش پەندەکە لنگەوقچ دەکەم تا ببم بە بیر هەڵکەنی نەوت . پەندەکە ئەوها هەڵدەگێڕمەوە : " شەڕی دوای ئاشتی خۆشە "!.. بەڵام کێ لەم شەڕەدا بەشداری دەکات ؟ بێگومان کەس !.. ئەم شەڕە شەڕی ئەتۆمی نییە، وەک ئەوشەڕەی کە لە ٢٠ ئەم مانگەدا شەیتانەکانی ناتۆ لە ئەمریکا نەخشەی بۆ دادەڕێژن .. شەڕی چەکوشوەشاندنی دیجیتاڵیش نییە و شەڕە شمشێریش نییە، بەڵکو شەڕە ووشە و  بەکارهێنانی چەکی حەقیقەتە، بەڵام حەقیقەتیش بۆخۆی درۆیەکی گەورەیە و درۆیەکی گەورەش حەقیقەتە. لەبەرئەوە، لەم شەڕەدا چەکی حەقیقەتیش  دەخەینە لاوە و شەڕەکە بە ووشە دەکەین .

 ووشە  چەک و زۆرشتی دیکەشە، بەڵام کۆمپانیا نییە . کۆمپانیا دەتوانێت فشە بێت، بەڵام کۆمپانیا ناتوانێت ووشە بێت . بە ووشە،  فشە و کۆمپانیا دروستدەکرێت، بەڵام بە کۆمپانیاو فشە، ووشە دروست ناکرێت . ئاشتی دوای شەڕیش هەروایە، بەڵام شەڕی دوای ئاشتی ١٨٠ دەرجە فەرقی هەیە . نەوشیروان مستەفا لە ١٧ی شوباتدا شەڕێکی مێژووییکرد، بەڵام " ئاشتی "یەکی خۆشیشی بە دواداکرد .  نەوشیروان بەدرێژایی تەمەنی  خۆی عاشقی " ئاشتی" یە، بۆیە زۆر ئاساییە کە میوانداری تایبەتیشی لێبکات.

وەک ئەو خانمە مەسینە هەڵگرەی نەوشیروان لە پەرلەماندا وتبووی، ئێ خۆ میوان دەرناکرێت،  کەچی نەوتیش لە کوردستانەوە بە  ڕێگای " ئاشتی "دا بەرەو ئێران، ئەفغانستان و تورکیا دەردەکرێت . کەواتە نەوشیروان دەبێت، ڕێگای " ئاشتی " بگرێتەبەر تا بە " ئاشتی " تەنکەرە نەوتەکان بگەیەنێتە ئێران . ئێرانیش خەریکی  جێبەجێکردنی بەرنامەی " ئاشتی " ئەتۆمییە . ئەتۆم، " ئاشتی "یە، " ئاشتی"ش ئەتۆمە . نەوشیروانیش هەم میوانی " ئەتۆم "ە و هەم میوانداری " ئاشتی "یە . لەنێوان " ئەتۆم " و " ئاشتی "شدا ڕوباری " نەوت " لە ڕۆیشتندایە . هیرقلیتی باپرەی یۆنانییەکانیش وتی " ناکرێت دووجار بە ئاوی ڕوبارێک خۆمان بشۆین، چونکە ڕوبارەکە لە ڕۆیشتندایە ". نەوشیروانیش ناتوانێت دووجار لە ڕوباری نەوتەکە خۆی بشوات، چونکە  لەڕۆیشتنی بەردەوامدایە . نەوت لەسایەی " ئاشتی "دا دەڕوات، بەڵام ئاشتی لەسایەی نەوتدا ناڕوات !... نەوشیروان هەم " ئاشتی "یەو هەم " ئاشت "یش نەوشیروانە ... ئەمە فەنتازیای گۆڕانە !.

نەوشیروان مستەفا لەچاوپێکەوتنێکیدا لەگەڵ شەرقولئەوسەتدا لەوەڵامی پرسیارێکیدا، کەشێرزاد شێخانی سازیداوە، دەڵێت :

 (ئه‌وله‌ویه‌تی گۆڕان، گۆڕینی سیسته‌می سیاسییه‌ نه‌ک روخساره‌کان ). ئەمەی خوارەوە تەواوی

پرسیارو وەڵامەکەیەو ئومێد تۆفیق وەریگێڕاوەتە سەر زمانی کوردی‌:

شه‌رقولئه‌سه‌ت: له‌گه‌ڵ نزیكبونه‌وه‌ی‌ ده‌ستاوده‌ستكردنی ده‌سه‌ڵات له‌ نێوان یه‌كێتی‌ نیشتمانی‌ و پارتی دیموكراتی‌ كوردستان، ئێوه‌ ره‌تتانكرده‌وه‌ به‌شداری‌ حكومه‌تی داهاتو بكه‌ن، كه‌ پێشبینی‌ ده‌كرێت نێچیرڤان بارزانی‌ سه‌رۆكایه‌تی‌ بكات، پێتانوانیه‌ ئه‌مجاره‌یان نائاماده‌یی ئێوه‌ له‌ حكومه‌تدا زیان به‌ پرۆژه‌ چاكسازیه‌كه‌تان بگه‌یه‌نێت؟

نه‌وشیروان مسته‌فا: تا ئێستاش ئه‌وله‌ویه‌تی بزوتنه‌وه‌ی‌ گۆڕان، گۆڕینی‌ سیسته‌می سیاسیه‌، گۆڕان له‌ روخسار یان له‌ ئه‌ندامانی پێكهاته‌ی‌ حكومه‌تدا نا به‌ ته‌نها، زیاتر له‌ جارێك ئێمه‌ ته‌ئكیدمان له‌وه‌كردوه‌ته‌وه‌، كه‌ ئه‌وه‌ له‌به‌رچاو ناگرین كێ ده‌سه‌ڵاتی‌ هه‌رێم به‌ڕێوه‌ده‌بات به‌ ئه‌ندازه‌ی‌ ئه‌وه‌ی‌ به‌لامانه‌وه‌ گرنگه‌ چۆن هه‌رێمه‌كه‌مان به‌ڕێوه‌ده‌برێت.حكومه‌تی هه‌رێم ته‌نها به‌شێكه‌ له‌ ده‌سه‌ڵاتی‌ راپه‌ڕاندن له ‌په‌نای‌ سه‌رۆكایه‌تی‌ هه‌رێمدا، ده‌سه‌ڵاتی‌ راپه‌ڕاندنیش له‌ پوخته‌كه‌یدا ته‌نها به‌شێكه‌ له‌ سێ ده‌سه‌ڵاته‌كه‌ له‌ په‌نای‌ ده‌سه‌ڵاتی‌ یاسادانان و ده‌سه‌ڵاتی دادوه‌ری‌، ئه‌مه‌ش به‌و مانایه‌یه‌ ئه‌گه‌ر ئێمه‌ به‌شداری‌ حكومه‌تی هه‌رێم بكه‌ین، ئه‌وكات به‌شداریكردنه‌كه‌مان ته‌نها به‌شداریكردنێكی ره‌مزی ده‌بێت به‌بێ ئه‌وه‌ی‌ چاكسازی راسته‌قینه‌ له‌ ده‌سه‌ڵاته‌كانی‌ تردا بكرێت، به‌بێ ئه‌وه‌ی‌ گۆڕانكاریه‌كی راسته‌قینه‌ له‌ بنه‌ماكانی‌ ململانێی‌ سیاسیدا بكرێت به‌شێوه‌یه‌ك؛ كه‌ ده‌رفه‌ته‌كانی‌ ركه‌به‌ری‌ له‌ نێوان حیزبه‌ سیاسیه‌كاندا له‌ سایه‌ی‌ گرێبه‌ستێكی ده‌ستوری‌ له‌ نێوان ده‌سه‌ڵات و گه‌ل له‌لایه‌ك و له‌ نێوان ركه‌به‌ران له‌سه‌ر ده‌سه‌ڵات له‌لایه‌كی تر هاوشان ببێت. هه‌ر به‌و هۆیه‌وه‌ ئێمه‌ وه‌ك ئۆپۆزسیۆنی‌ كوردستان له‌ "پاكێجی چاكسازی‌ سیاسی"دا پرۆژه‌ی‌ خۆمان ئاماده‌كردوه‌و ئه‌و پرۆژه‌یه‌شمان ناوناوه‌ "پاكێج" به‌و مانایه‌ی‌ پێكه‌وه‌ به‌ستراونه‌ته‌وه‌و ناكرێت به‌شێكی‌ جێبه‌جێ بكرێت به‌بێ به‌شه‌كانی‌ تر، ئه‌مه‌ تێڕوانینی‌ ئێمه‌یه‌ بۆ چاكسازی، به‌ڵام له‌گه‌ڵ ئه‌وه‌شدا پشتگیری‌ هه‌ر هه‌نگاوێك ده‌كه‌ین هه‌ردو حیزبی ده‌سه‌ڵاتدار به‌ ئاراسته‌ی‌ چاكسازیدا بینێن، پێكهاته‌ی‌ حكومه‌تی داهاتوش پشت به‌ست به‌ پاكێجه‌كانی‌ ئۆپۆزسیۆن، ده‌توانێت به‌رنامه‌ی‌ كاری‌ خۆی‌ دابڕێژێت، له‌وكاته‌شدا ئێمه‌ پشتیوانی‌ لێده‌كه‌ین و چاودێری‌ جێبه‌جێكردنی به‌رنامه‌كانی‌ ده‌كه‌ین، پشتگیركردنه‌كه‌شمان په‌یوه‌سته‌ به‌ راده‌ی‌ جێبه‌جێكردنی‌ ئه‌و پاكێجانه‌وه‌.

سەرەتا ئەمەوێ ئەوە بەنەوشیروان مستەفا ڕابگەیەنم کە هەرچەندە لەڕووی زمانەوانییەوە ( ڕێزمانەوە ) بەکاربردنی دەستەواژەی ( تائێستاش ) لەسەرەتای وەڵامی ئەوپرسیارەی سەرەوەدا، هەڵەیە و ناوەرۆك و واتای ڕستەی ئەولەویەتی بزوتنەوەی گۆڕان، گۆڕینی سیستمی سیاسیە، دەخاتە ژێر گومان و پرسیارەوە، بەڵام من لێرەدا هیچ ئاماژەیەکیتر لەوبوارەدا نادەم و دەچمە سەر ناوەرۆکی بابەتەکە.
نەوشیروان مستەفا لەهەموو کەس باشتر دەزانێت کە تەواوی وڵاتانی ڕۆژهەڵاتی ناوی دیکتاتۆرن و ئەوەی بوونی نەبێ‌ دیموکراسیەتە بەتایبەتی لە جەنگڵستانەکەی لەمەڕ خۆمان. بۆیە گۆڕینی سیستمی سیاسی بەواتای چاکسازی نایەت و بەواتای لەڕیشە هەڵتەکاندن و گۆڕێنی ئەو دەسەڵاتە دیکتاتۆریانە دێت، کە ئەوە نەك لەتوانای ئۆپۆزسیۆنێکی شەرمنی وەکو گۆڕان و نەوشیرواندا نییە، بەڵکو ئەوە هیواوکاری ئێوەش نییە. ئەوەی بە قەولی خۆتان هەوڵی بۆدەدەن چاکسازییەو ئەویش گۆڕینی سیستمی بەڕێوەبردنە نەك گۆڕینی سیستمی سیاسی. نەوشیروان مستەفا لەوەشدا بەهەڵەدا چووە کە دەڵێ ئه‌وه‌ له‌به‌رچاو ناگرین كێ ده‌سه‌ڵاتی‌ هه‌رێم به‌ڕێوه‌ده‌بات به‌ ئه‌ندازه‌ی‌ ئه‌وه‌ی‌ به‌لامانه‌وه‌ گرنگه‌ چۆن هه‌رێمه‌كه‌مان به‌ڕێوه‌ده‌برێت! چونکە ئەگەر کەسەیەتیەکان یان لایەن وحزبەکان لەئاستی پێویستی سیاسی و ئیداریدا نەبن، چۆنیەتی بەڕێوەبردنەکەشیان هەروەکو تاڵەبانی و بارزانی دەبێت. ئەگەر نەوشیروان و گۆڕان ڕەخنەیەکیان لەچۆنیەتی بەڕێوەبردنەکەی تاڵەبانی و بارزانی نیە، بۆچی ئاسنی سارد دەکوتن؟! مەگەر لیپرسراوی یەکەمی ئەو سیستمە فەسادە ئیدارەو سیاسیە، خودی تاڵەبانی و بارزانی نین؟! مەگەر تەواوی دەسەڵاتەکانی ڕاپەڕاندن، یاسادانان و دادوەری کۆیلەی دووحزبەکەی تاڵەبانی و بارزانی نین؟ ئەگەر قەزافی موبارەك دیکتاتۆر نەبوونایە، تا ئێستاش دەسەڵاتیان بەرقەرار نەدەبوو؟! ئەگەر بەشارلئەسەد دیکتاتۆر نەبوایە، ڕاپەڕین لەدژی ئەکرا؟! ئەگەر نەوشیروان مستەفاش دیکتاتۆری گۆڕان نەبوایە، بەبێوەرگرتنی بڕیاری هاوڕێکانی، سێ پەڕلەمانتارەکەی گۆڕانی سزا نەدەدا. بۆیە کەسایەتی ئاست بەرزو باکگراوند پاك، کەسایەتی بەمۆراڵ و خۆنەویست مسۆگەری چۆنیەتی بەرێوەبردنیشە. باش بەڕێوەبردنی هەرێم لەسایەی دەسەڵاتی فاشیانەی تاڵەبانی و بارزانیدا نەك تەنیا خۆگەوجاندنە بەڵکو خەوی کوێرانیشە. دیکتاتۆرەکان لەکوێی جیهاندا وازیان لەدەسەڵات هێناوە تا تاڵەبانی و بارزانی بەدەستی خۆیا، خۆیان لەگۆڕنێن.

بۆیە پێویستە نەوشیروان مستەفا لەلایەك لەگەڵ خەڵك وهەڵسوڕاوانی خۆی ڕاستگۆبێت و لەلایەکیتریش واز لە گەوجاندن و چەواشەکاری بهێنێت، هەر هیچ نەبێت هەوڵبدات نیوەی وتەکانی بخاتە بواری پراکتیکەوەو هاوئاراستەی کردارەکانی بێت، چونکە ئەو گرێبەستە دەستوریەی ئەو ئاماژەی پێدەدات تەنیا ڕێکەوتنێکی نهێنیە بۆ دەستکەوتی پشکێکی گەورەتر، نەك گۆڕینی سیستمی بەڕێوەبردن .