دەوڵەتی ئەڵمانیا نیگەرانی خۆی دەربارەی هەرڕۆژەی لە سێدارەدانەکانی عێراق دەربڕی .

شتفان زایبرتی گوتە بێژی دەوڵەتی ئەڵمانیا، ئەمڕۆ لە بەرلیندا ڕایگەیاند کە لە ١٩ی جەنیوەریدا، واتە لە ماوەی یەک ڕۆژدا ٣٤ کەس لە عێراقدا لە سێدارە دراون . ئەوەی کە بۆتە هۆی نیگەرانی دەوڵەتی ئەڵمانیا، ئەوەیەکە هۆی سزای لە سێدارەدانەکان زانراو نیین . شتفن زایبرت وتی " ئەوە بۆ دەوڵەتی ئەڵمانیا جێگای نیگەرانییە کە هۆکاری لە سێدارەدانەکان لە عێراقدا زانراو نییە ". لە پەیوەند بە سزای لە سێدارەدانەکاندا ئەنگڵا مێرکڵی ڕوێژکاری ئەڵمانیایش داوای لە حکومەتی مالیکی کردووە دەست لە سزای لە سێدارەدان هەڵبگرێت و چاوبخشێنێتەوە بە سزاکانی لە سێدارەداندا .

سەرچاوە : ئاژانسەکانی هەواڵی ئەڵمانیا

سەرەتا پێویستە ئەوە بزانین کە واژۆی چوار ئەندام پەرلەمانی فراکسێونی گۆڕان بۆ تاپۆکردن و وەرگرتنی شوقەکانی پەرلەمان،بە پلەی یەکەم سکانداڵێکی گەورەی ئەو چوار ئەندام پەرلەمانەیە و بە جۆرێکیش بۆ فراکسێونی گۆڕان.هەروەها پاساوی ئەو چوار ئەندامە (گۆڕانخوازە)هەرگیز نەگۆڕاوانە هەرچییەک بن،حەقانێتی ئەو گەندەڵکاریی و ڕیسواییە ناشارێتەوە.هەروەها هەرچەندە ئەو سکانداڵە بچووک نییە بۆ بزوتنەوەیێک کە بانگەشەو بەڵێنی گەورەی بە کۆمەڵگە دەداو پێوستە سیاسەت و کارنامەی ئەو بزوتنەوەیە بخرێتە ژێرپرسیارەوە،بە تایبەت لەلایێن هەموو ئەو کەسانەی دەنگیان بەو فراکسێونە داوەو ئومێدیان لەسەر چنیوە.بەڵام بە لای منەوە لایەنی هەرەگرنگترو هەڵبەتە ترسناکتر،فتوانامەکەی نەوشێروان مستەفایە کە خەریکە بە خشکەیی تێپەڕ دەبێت،نەک بە خشکە تێپەڕبوونیش بەڵکو لە میدیای گەمژەی کوردییدا خەریکن وەک موعجیزەی ئاخرزەمان دەردخواردی خەڵکی دەدەن.پرسیار ئەوەیە:ئەگەر گەندەڵیی و سکانداڵێک ڕوویداوە،یان هەر تاوان و پێشێلکارییەک کراوە،بۆ دەبێت خودی نەوشێروان وەک ئیمپراتۆرو ئایەتوڵاکان بێتە سەر خەت و فتوای سیاسیی دەربکات؟ئایە نەدەکرا لایەنی کەم بە ناوی بزوتنەوەی گۆڕانەوە ئەو بڕیارەیان بدایەو لێپرسینەوەیان بکردایە؟نەدەکرا ڕاستەوخۆ لەگەڵ فراکسێونەکەیدا پەیوەندیی بگرتایەو لە دواجاردا وەک مەرجعێکی ڕێکخراوەیی دوابڕیاری خۆیان بدایە؟بێگومان هەموو ئەو ئەگەرانە زەمینەی زۆر دروست و بابەتیین و ئەگەر گۆڕان و نەوشێروان-ئیمپراتۆرەکەی ئەو بزوتنەوەیە یەک هەنگاو لە مەنتالیتێتی گۆڕان خوازیی نزیک بوونایەتەوە دەکرا هەر ئەو کارەیان بکردایە.لێرەوە ئەگەر وەڵامێکی دروستمان بۆ ئەو پرسیارانە هەبێت ئەویە:کە ئەو فتوا سیاسییەی نەوشێروان هیچ ناتەبایی و نامۆییەکی بە خەسڵەت و ڕەفتارەکانی خۆیی و بزوتنەوەکەی نییە.ئەو ڕیسواکارییەی نەوشێروان بەو ئەندام پەرلەمانانە هەمان نەرێت و لۆژیکی(جەك کردنی شاخە)!ئەو نەرێتە بەدو ناشیرینەی سەردەمی شاخ،کە ئەگەر پێشمەرگەیێک کڵاو و جامانەی کوردایەتیی لەسەر نەنایە،بەرپرسێک چەکی دەکردو کۆڵێ گولە ئار بی جی-یان لە کۆڵ دەناو ئاوایی بە ئاوایی دەیانگەڕاندو ڕیسوایان دەکرد.نەوشێروان مستەفا بەو فتوایەی پەردەی لەسەر ڕۆخساری ڕاستینەی خۆی لابرد،سەرباری ئەو هەموو چەواشەکاریی و بانگەشانە لە بارەی ئازادیی و دژە تاکڕەهەندیی و گوایە ئەوان پارتی ستالینیی نین،بە غەریزە چووەوە سەر بنجی خۆی،بە غەریزە هاواری کرد،کەیی و چۆن بمەوێت مرۆڤەکان ڕیسواو وێران دەکەم!

کازم قادر

28.01.2012

لەیەکەمین ساتەکانی دروستبوونی بزووتنەوەی گۆڕانەوە ئێمە بە بەردەوام هوشدار دەدەینە ئەو کەسە پاکانەی کە فریوی درۆی گۆڕان و درۆ سیاسییەکانی دیکەی نەوشیروانیان خواردووە و  پێمان وتن کە هەموو شتێک گۆڕاوە، تەنها ئەقڵی سیاسیی نەوشیروان نەگۆڕاوە . ئێمە وتمان نەوشیروان هەمان سایکۆڵۆژی و هەمان ئەقڵی دیکتاتۆرەکانی دیکەی هەیە و هەرگیزیش ناتوانێت دەستبەرداری ئەو هیوایەتە نا مرۆییەی بێت کە دەبێت وەک دیکتاتۆرەکان هەمووان لە هەیبەت، فەرمان و بڕیارەکانی ئەو بترسن !.  لەو نامە سوکایەتی ئامێزەدا کە دژی ٤ پەرلەمانتارەکەی بڵاوی کردەوە، بە قەڵەمی خۆی ئیمزای هەموو ئەوڕاستیانە دەکات کە ئێمە لە دەیان وتار و نووسیندا سەبارەت بە جەنابی وتومانە . لێرەدا جارێکی دیکە سایکۆڵۆژییەتی سیاسیی نەوشیروان لە بەر ڕۆشنایی نامەکەیدا دەخەینە ژێر لێکۆڵینەوەی ڕەخنەگرانەوە .

لەو دیو " ترس لە من "ەکەی نەوشیروانەوە تەوەر بەدەستێک ڕاوەستاوە !

لە چەندین وتارماندا دەربارەی نەوشیروان ئاماژەمان بەوە کردووە کە ئەو مرۆڤێکی دیکتاتۆر، ملهوڕ و پلانگێڕە و خۆی بڕیار بەدەستی یەکەم و دواییە لە ناو گۆڕاندا . هەموو ئەندامان و بەشەکانی گۆڕان بە فەرمانی تاکڕەوانەی نەوشیروان دەجوڵێنەوە و کار دەکەن . سەرەڕای هەموو دیعایەکان، پیاهەڵدان و بەخۆدا هەڵدانەکانی نەوشیروان و زوڕناژەنەکانی کە گوایە گۆڕان میکانیزم و مۆدێلێکی نوێی لە کارکردنی سیاسیی و لە حیزبایەتی داهێناوە، بەڵام لە دنیای ڕاستی و لە پراکتیکی سیاسیی نەوشیروان و گۆڕاندا، ئێمە نەک هەر مۆدێل و میکانیزمێکی تازە لە کارکردنی سیاسیی و حیزبی ئەو و گۆڕانەکەیدا بەدی ناکەین، بەڵکو ناشیرینترین و دواکەوتووترین وێنە و مۆدیلی حیزبی تاککڕەوانە لەبەردەمی خۆماندا دەبینینەوە کە نەوشیروان لەسەرەوەی ڕاوەستاوە . نەوشیروان  تاکڕەوانە فەرمان دەدات و ئەندامانی گۆڕانیش کوێرانە جێبەجێی دەکەن !. ئەمە کارەساتی ئەو مۆدێلە حیزبایەتییە نوێیەیە کە نەوشیروان دایهێناوە . ڕۆژنامەی ڕۆژنامە بە فەرمانی تاکڕەوانەی خۆی داخرا . بەهانەکەشی ئەوە بوو کە هەفتەننامەی ڕۆژنامەی ڕۆژنامە، مەسروفێکی زیادەیە، چونکە سایتی سبەیی و کاناڵی کەی ئێن ئێنی هەیە، کەچی ئێستا هاتووە ئەوە ڕادەگەیەنێت کە سایتێکی فەرمی نوێ بۆ بزووتنەوەی گۆڕان دادەمەزرێنێت، وەک ئەوەی کە ڕۆژنامەی ڕۆژننامە زمانحاڵی گۆڕان نەبوو بێت و زمانی فەرمی حیزبەکەی نەبووبێت!. لەمەش بگوزەرێین، نەوشیروان بە فەرمانێکی شەخسی خۆی بابەکر دڕەیی کردە سەرۆکی کۆمپانیای ووشە !. نەوشیروان وەک تاڵەبانی و سەدام حسەین فەرمان دەردەکات و پلەو پایەو بەرپرسایەتی ئەم و ئەو لە گۆڕاندا دەگۆڕێت . ئەمە تەنها گۆڕانێکە کە لە مۆدێلی حیزبایەتییە نوێیەکەیدا هێناویەتە کایەوە ! . دوایین فەرمانی نەوشیروان دەستپێلەکار کێشانەوەی ٤ ئەندام پەرلەمانەکەیەتی . دواتر دێینە سەر ئامانجە سیاسیی و تەکەتولبازییەکانی  نەوشیروان لە پشتی ئەو فەرمان و بڕیارەوە، بەڵام ئەو خاڵەی کە لە نامە هەڕەشە و سوکایەتی ئامێزەکەی نەوشیروان بۆ ٤ پەرلەمانتارەکەیدا زیاتر سەرنجی ئێمەی  بەرەو خۆی ڕاکێشا، ئەو ئەقڵی خۆ بە دێو و درنج ناساندنەیە کە نەوشیروان نامەکەی پێنووسیووە . ڕەنگە بۆ گەمژەکان، کە کارو پیشەیان تەنها چەپڵە لێدان و دەستخۆشی لێکردنە، بایەخێکی نەبێت، بەڵام بۆ ئێمە خاڵێکی گرنگەو هەموو سایکۆڵۆژییەتی سیاسیی نەوشیروانی پێدەخوێنینەوە . نەوشیروان ڕوو بە پەرلەمانتارەکانی دەڵێت " حه‌زم له‌وه‌ش نییه‌ كه‌س له‌ ترسی من یان له‌ ترسی دیسپلینی‌ حیزبی خراپه‌ نه‌كا، به‌ڵكو ئه‌مه‌وێ له‌ ترسی لێپێچینه‌وه‌ی‌ هاوڵاتیان و له‌ ترسی موحاسه‌به‌ی‌ ویژدانی‌ خۆی‌ كاری‌ نه‌شیاو نه‌كا ". لەترسی من !.. لە ترسی دیسیپڵینی حیزبی!.. هەموو ئەقڵ وکاراکتەری نەوشیروان و هەموو مۆدێلە حیزبایەتییە " نوێ "یەکەی بریتییە لە " ترس " . ترس چییە ؟ مرۆڤ بۆ دەبێت لە مرۆڤ بترسێت ؟ کاتێک مرۆڤ، بە هۆی ڕەوشت و ئاکارەکانییەوە، یان بە هۆی لە دەستدانی ئەقڵی مرۆییەوە دەبێتە دڕندە، مرۆڤەکانی دیکە لێیدەترسن؛ ترس لە سزادان، سزادانیش وەک ئەشکەنجەو ئازاردانی جەستەیی و سایکۆڵۆژی. سزادان وەک زیندان، وەک کوشتن و برسیکردن . مرۆڤ لەوانە دەترسێت . دیکتاتۆرەکان کە هەموو سیفەتی ئینسانیبوونی خۆیان لەدەستداوە، بەو هۆکارانەی کە ئاماژەمان بۆ کردن، مرۆڤەکانی دیکە دەترسێنن . کاتێک کە نەوشیروان مستەفا بێ شەرمانە باس لە هەیبەتی ترسناکی خۆی دەکات و وەک کەسێکی ترسناک خۆی لەقەڵەم دەدات، بەڕاشکاوانە پێمان دەڵێت کە ئەو سیفەتەکانی ئینسانیبوونی خۆی لەدەستداوە و بۆتە دڕندەیەک کە ئەندام پەرلەمانەکانی لێیدەترسن !. کاتێک نەوشیروان باس لە ترسان لەخۆی دەکات و خۆی وەک " ترسناک "ێک پیشانی ئەندامەکانی گۆڕان دەدات، بەڕاشکاوانە پێمان دەڵێت کە ئەو خاوەنی باکگراوندێکە کە وێنەیەکی  " ترسناک " ی لێدروستکردووە . نەوشیروان مستەفا بەڕاشکاوانە دەڵێت خەڵک لێم دەترسن، بەڵام ئێمەیش دەپرسین بۆچی خەڵک لێتدەترسن ؟ نەوشیروان هەرگیز بە نووسین وەڵامی ئەوپرسیارە ناداتەوە، بەڵام خودی خۆیی و ئێمەش وەک نەوەیەک کە قوربانی ساختەچێتی و پلانگێڕییە سیاسییەکانی ساڵانی هەشتاکانی نەوشیروانین، وەڵامەکە لەلامان ئاشکرایە . بە فەرمانی نەوشیروان، جەبار فەرمان بە تەور وریای وەستا وەهابی پارچە پارچەکرد . نەوشیروان پێشمەرگەکانی حیزبی شیوعی لە قڕناقە و پشتئاشان بەوەحشیانەترین شێوە قەتڵ و عامکرد . بە پلانی نەوشیروان جەمال تاهیر، کادری پێشکەوتوخوازی کۆمەڵەی ڕەنجدەران و ڕەقیبی کۆنفڕاسی نەوشیروان بۆ سکرتێری کۆمەڵەی لەناوبرد . نەوشیروان چەندین ئەندامی پارتی لە ناو شاری سلێمانیدا تیرۆرکرد . نەوشیروان چەندین کادری کۆمەڵەی بە پلانی جۆراوجۆر لەناوبرد . نەوشیروان ئەندامانی ئاڵای شۆڕشی دەکوشت، زیندانی دەکرد و ڕاوی دەنان . داستانی کوشتنی پێشمەرگەکانی حسک، ئیسلامی و بزووتنەوەی ئیسلامی، داستانە ترسناکەکانی نەوشیروانە . نەوشیروان لە شەڕی نێوان پارتی و یەکێتیدا فەرمانی کوشتن و زیندانیکردنی ئەندامانی پارتیداوە . نەوشیروان دامەزرێنەری دەزگای تیرۆریستی زانیارییە و ئەو دەزگایە چەندین کەسی بێتاوان، یان لەسەر بیروڕای سیاسیی جیاواز لە ناوبردووە .  بەفەرمانی نەوشیروان چەندین سەرباز لە دیلەکانی شەڕی ڕژێمی بەعسی کوژراون . نەوشیروان بە هاوکاری سوپای پاسداران بیرە نەوتەکانی کەرکوکی تەقاندۆتەوە و کارەساتی هەڵبجەی لەگەڵ سەرانی دیکەی بزووتنەوەی کوردایەتیدا خوڵقاندووە . بە فەرمانی نەوشیروان کادرو پێشمەرگەکانی حیزبی کۆمۆنیستی کرێکاری عێراق لە ناوشاری سلێمانیدا قەتڵ و عامکران. نەوشیروان مستەفا لە سەرەتای ڕاپەڕیندا فەرمانی کوشتنی چەندین ژنی بە تاوانی ناموسی دەرکردووە.... هەموو ئەوانە ئەو وێنە لە نەوشیروان بەدەستەوە دەدەن کە ئەو " ترسناک " ەو لەبەر ئەو ڕابردووەیەتی کە وەک خۆی دەڵێت " لێم دەترسن " . نەوشیروان مستەفا نەیتوانیوە گودبای لە ڕابردووی " ترسناک "ی خۆی بکات و خۆی بگۆڕێت بۆ مرۆڤێکی ئازادیخواز . سەرکردەو ڕابەری ئازادیخواز و مرۆڤدۆست، هەرگیز ئەو هەستە دڕندەیەی لەلا دروست نابێت کە خۆی بە " ترسناک " لەقەڵەم بدات . وێناکردنی خۆت وەک کەسێکی " ترسناک "، ئەمە هیچ نییە جگە لە بەرهەمهێنانەوەی خۆت وەک دیکتاتۆرێکی ترسناک . نەوشیروان مستەفا، ئەگەر یەک زەڕە ئەقڵی خۆی لە ئەقڵی دیکتاتۆرێکی دڕندەوە بۆ مرۆڤێکی ئازادیخواز بگۆڕیبایە، هەرگیز نەیدەنووسی " لە ترسی من "، بەڵکو ئەو بەزمانێکی ئەدەبی و هاوڕێیانە موخاتەبەی  ئەندام پەرلەمانەکانی خۆی دەکرد و دەینووسی " لەبەر خاتری من " ، یان " لەبەر ڕێزدانان بۆ من " فڵانە کار بکات یان فڵانە هەڵوێست بگرێت، بەڵام ئەو هەرگیز ئەوە ناڵێت، چونکە ئەو وەک دیکتاتۆرێکی ترسناک لە خۆی دەڕوانێت، دیکتاتۆرێک کە لە هەموو هەستێکی مرۆیی داماڵراوە  .... تا ئێرە، هیوادارین ئەندامانی گۆڕان باش لە ئەقڵی دیکتاتۆرانەو ترسناکانەی نەوشیروان تێگەیشتبن، کە کاراکتەر وئەقڵی ئەو کابرایە لە مەسعود و جەلال ترسناکتر و دیکتاتۆرترە، چونکە تا ئێستا لە دەمی جەلال و مەسعودەوە نەمابیستووە کە بڵێن " لەترسی من " . ئەمە ترسناکترین دەربڕینی دیکتاتۆرانەی نەوشیروان مستەفایە و هیوادارین نەیەڵن بەسەریدا تێپەڕ بکات . ئێمە لە بەشەکانی داهاتووی ئەم نووسراوەیەدا هەموو لایەنە سایکۆپاتییەکانی نامەکەی نەوشیروان دەخینە بەر شیکردنەوەی ڕەخنەگرانەوە و هیوادارین خودی نەوشیروانیش پاش ئەم زنجیرە نووسینە بەخۆیدا بچێتەوە و لە کۆڵ سیاسەت بێتەوە و بڕوات لە گۆشەیەکی دنیادا خەریکی کارێکی مرۆییانە بێت تا چی دی لێی " نەترس "ن! .

ماویەتی ...

لینکی نامەکەی نەوشیروان :

سەرۆکی ئیحتیاتی پێشووی دەزگای ئیستخباراتی سوپای ئیسرائیل، جەنراڵ عاموس یەدڵین، ڕایگەیاند کە ڕوخاندنی ڕژێمی  سوریا لە قازانجی ئیسرائیلدایە .

عاموس  یەدڵین ئەمڕۆ لە لێدوانێکی لە ناوندی لێکۆڵینەوەی ئاسایشی نەتەوەیی ئیسرائیلدا  وتی " لە ڕابردوودا ئامۆژگاری ئیسرائیل دەکرا تا لەگەڵ سوریادا ئاشتی بکات و تەنانەت بۆ ئەم مەبەستەش دەبووایە  لە بەرامبەردا باجێکی قورس بدات تا  ئەو وڵاتە لە تەوەرەی شەڕانگێزی توندڕەوانەی  حیزب اللە و ئێران بکاتە دەرەوە، بەڵام بەهۆی ڕەوشێکەوە کە هاتۆتە کایەوە، بە بێ هیچ باجێک سوریا لە تەوەری سێ لایەنەی شەڕانگێزی دێتە دەرەوە " .

جەنراڵ یدڵین جەختی لەسەر ئەوەکرد کە ڕژێمی سوریا مەحکوم بە ڕوخانە، چونکە پایەی ئابورییەکەی  لەرزۆک بووە، توریستەکان لەسەردانی سوریا خۆیان دەپارێزن، سەرمایەدارانی بیانی و ناوخۆیی هەڵهاتوون . سوریا قەرزارە و تەنها کۆمەکی دارایی گەورەی حکومەتی ئێران دەتوانێت  قەرزەکانی ئەم وڵاتە بداتەوە کە بە ٣ تا ٥ ملیار دۆلار مەزەندەکراوە . هەرەوەها وتی " کۆمەکی ئێران دەتوانێت هۆکارێک بێت بۆ  تەمەن درێژ بوونەوەی زیاتری حکومەتەکەی ئەسەد، بەڵام بەهەرحاڵ ئەگەر ئەو حکومەتە لەسەر کار بمێنێتەوە، سوریا هەرگیز ناتوانێت بگەڕێتەوە بۆ دۆخی پێشتری خۆی " .

بە بۆچوونی ئەم جەنراڵە ئیسرائیلییە، دنیای عەرەب لە ئاڵوگۆڕی چاوەڕواننەکراوی بەردەوامدایە و ئەو گۆڕانکاریانەش تەنها  مەترسی نین  لەسەر ئاسایشی نەتەوەیی ئیسرائیل، بەڵکو مەترسین لەسەر ڕژێمی ئیسلامی ئێرانیش . ئەو لەو بارەیەوە وتی " بەهاری عەرەبی  زۆر بۆتە هۆی نیگەرانی ئیسرائیل، بەڵام ئەگەری ئەوەش هەیە کە ئێرانیش لەم دۆخەوە بگلێت و حکومەتی ئەو وڵاتەش بڕوخێت، کە لەم حاڵەتەدا کێشەی ئەتۆمی ئێران یەکلایی دەکرێتەوە و نیگەرانییەکانی ئیسرائیلیش کۆتایی پێدێت ".

تورکیا وەک ئەندامی ناتۆ ڕێگا نادات خاکی خۆی بۆ هێرشکردنە سەر ئێران بەکار بهێنرێت .

ئەحمەد داود ئۆغلوی وەزیری دەرەوەی تورکیا لە  کۆنفرانسێکی ڕۆژنامەوانی لە مۆسکۆی پایتەختی ڕوسیا ڕایگەیاند کە تورکیا ڕێگا نادات خاکەکەی بۆ هێرشکردنە سەر ئێران بەکار بهێنرێت . داود ئۆغلو لەوەڵامی پرسیارێکدا کە ئایا لەکاتی هەڵگیرسانی جەنگی نێوان ئێران و ئەمریکادا، تورکیا ڕێگا بە ئەمریکاو ناتۆ دەدات کە خاکەکەی بۆ هێرشكردنە سەر ئێران بەکار بهێنن، وتی " تورکیا هیچ کاتێک ڕێگای نەداوە خاکەکەی بۆ زیان گەیاندن بە دراوسێکانی خۆی بەکار بهێنرێت ". هەروەها وتی " لەم دواییانە، ئێمە لە ناو ناتۆدا زۆر بەتووندی دژی بەکارهێنانی خاکی  تورکیا بووین لە دژی وڵاتانی دراوسێی خۆمان و درێژەش بەم هەڵوێستەمان دەدەین ". هەروەها بە دیاریکراوتریش سەبارەت بە ئێران وتی " لە مێژە کە سنوری نێوان ئێران و تورکیا سنووری ئاشتییەو هەروایش دەمێنێتەوە " .

سەرچاوە : ئاژانسی هەواڵدەری ڕوسیا

نەوشیروان مستەفا ساختەچیترین و چەواشەکارترین کەسایەتی سیاسییە لە کوردستاندا . هەڵدانەوەی لاپەڕەکانی مێژووچەی  ژیانی سیاسیی نەوشیروان مستەفا، هەروەک هەڵدانەوەی لاپەڕەکانی  ژیانی سیاسیی عەلی حەسەن مەجید، جەلال تاڵەبانی و مەسعود بارزانییە . هەڵدانەوەی هەموو لاپەڕەکانی ژیانی سیاسیی نەوشیروان مستەفا کاری ئێمە نییە، چونکە ئێمە نە کاتی ئەوەمان لەبەردەمدایە و نە مێژوونووسێکی پرۆفیشناڵین، بەڵکو ئەوە کاری مێژوونووسێکی شارەزا و بێ لایەنە لە سیاسەتدا، بەڵام ئێمە  وەک ڕەخنەگری سیاسیی دەتوانین کاراکتەری نەوشیروان لە چەند دێڕێکدا پوخت بکەینەوە ؛ نەوشیروان مستەفا، بەرلەهەرشتێک سیاسییەکی درۆزن، چەواشەکار، کۆنەپەرست، پلانگێڕ، دیکتاتۆر و مل هوڕە . نەوشیروان مستەفا لەڕووی سایکۆڵۆژییەوە، وەک هەموو دیکتاتۆرەکان، ترسەنۆک و پۆستخوازە و کێشەی پۆست و پلەو پایە و دەسەڵات، هەموو گرێ کوێرە سایکۆڵۆژییەکانی ئەو پێکدەهێنن . نەوشیروان سەرەڕای دەسەڵاتخوازییەکەی، بەڵام هەمیشە بەوشێوەیە خۆی پیشان دەدات کە شەڕی دەسەڵات بۆ خۆی ناکات، بەڵکو شەڕی سیاسیی بۆ جەماوەر دەکات !. کەسایەتی ئیزدواجی و دەبڵ ستانداردی نەوشیروان لەوەدا بەرجەستە دەبێتەوە کە بەقسە شتێک دەڵێت و بەکردەوە شتێکی دیکە دەکات . جیابوونەوەی ئەو لە یەکێتی، بە جیا لەوە شانۆگەرییەکی چەواشەکارانەی خۆیی و تاڵەبانی بوو بۆ بەرگرتن بە سەرهەڵدانی ئۆپۆزسیۆنێکی ڕادیکاڵ و شۆڕشگێڕانە، لەهەمانکاتدا کێشەی پۆست و دەسەڵات هۆکارێکی دیکەی جیابوونەوەی نەوشیروان بوو لە یەکێتی ئێستا . نەوشیروان مستەفا لە قسەدا هێرش دەکاتە سەر یەکێتی، بەڵام بە کردەوە یەکێتی ژمارە ٢ی دروستکردووە و یەکێتی بە ناوی گۆڕانەوە نوێکردۆتەوە . ئەم کارەشی لەسەر حسابی فریودانی خەڵکی ناوچەی سلێمانی ئەنجامداوە . نەوشیروان هیچ کێشەیەکی سیاسیی لەگەڵ تاڵەبانیدا نییەو هەمان ڕێگا درێژەپێدەدات کە ئەو نەخشەی بۆ ڕشتووە . کێشەی نەوشیروان لە ناو یەکێتی  کۆن، یان یەکێتی ژمارە ١ دا، تەنها کێشە بوو لەسەر پەیدابوونی چەند کەسێکی دیکە، کە ئامادە نەبوون نەوشیروان بە سەرۆک و سەرکردەی خۆیان قەبوڵ بکەن، بەڵام نەوشیروان لەداخی ئەمانە یەکێتی بەجێنەهێشت، بەڵکو بۆ ڕزگارکردنی کەشتی تێکشکاوی یەکێتی لە بەردەم تۆفانی ڕقی جەماوەردا یەکێتی ژمارە ٢، واتە گۆڕانی دروستکرد . گۆڕان توانی سلێمانی وەک ناوەندی نفوز و دەسەڵاتی یەکێتی لە مەترسی جێگیربوونی هەر بەدیلێکی سیاسیی دیکە دوور بخاتەوە، بەڵام ئەم فێڵ و چاوبەستە سیاسییەی نەوشیروان و جەلال تاڵەبانی لە خەڵکی ئەوشارە، ناتوانێت درێژخایەن بێت، چونکە ناکۆکییەکان لە کردەوەو پراکتیکی سیاسیی نەوشیروان و گۆڕانەکەیدا لەگەڵ واقعی سیاسیی و کۆمەڵایەتی کوردستاندا هەرڕۆژە ئاشکراتر دەبن و خەڵک پەی بە چەواشەکاری و فرتوفێڵە سیاسییەکانی نەوشیروان و جەلالییە گردنشینەکانی دەوروبەری دەبەن .

نەوشیروان مستەفا بە درێژایی تەمەنی کۆیلەیەکی ئاڵقە لە گوێی جەلال تاڵەبانی بووە و هەرگیز نەیتوانیوە و ناتوانێت خۆی لەو کۆیلایەتییە ڕزگار بکات . نەوشیروان دەیزانی کە تاڵەبانی و یەکێتییەکەی بە فۆرم و کڵێشەی کۆنەوە توانای ململانێی لەگەڵ بنەماڵەی بارزانیدا نەماوە، بزووتنەوەی گۆڕان، یان هەمان یەکێتی ژمارە ٢یان لە ڕێڕەوی ئەو ئامانجەدا دروستکرد تا کۆمەڵگەی کوردستان و ژیانی کۆمەڵایەتی و سیاسیی ئەم کۆمەڵگەیە بۆ هەمیشە لە ژێر سێبەری ئەو ململانێ بە  سودەدا بۆ هەردوولا بهێڵنەوە .  بنەماڵەی بارزانی ناتوانێت بە تەنهایی دەسەڵاتداری موتڵەقی کوردستان بێت و بە تەنها دەسەڵاتدار بوونی ئەم بنەماڵەیە، لە دواشیکردنەوەدا  یەکسان دەبێت بە سڕانەوەی هەتا هەتایی  دەسەڵاتی دیکتاتۆرانەی ئەم بنەماڵەیە . لەبەرئەوە، بنەماڵەی بارزانی بۆ نوێکردنەوەی دەسەڵاتی دیکتاتۆری خۆیان پێویستیان بە ڕەقیبێکە کە گۆشتی ئەوان بخوات و ئێسقان و ڕۆحی ئەوان بهێڵێتەوە . یەکێتی دوای ٣١ ئاب نەیتوانی ئەم ڕەقیبە بێت . بەوهۆیەوە دەبووایە تاڵەبانی و نەوشیروان بیر لە میکانیزمێکی دیکە بکەنەوە کە بتوانێت بە درێژەدان بە ململانێی ڕووکەشانەی سیاسیی لەگەڵ بنەماڵەی بارزانیدا هەم بوونی دەسەڵاتی ئەو بنەماڵەیە بپارێزن  و هەم یەکێتیش لە ژێر ناوی گۆڕاندا بۆ سەردەمێکی دیکە زیندوو بکەنەوە . ئەم ڕاستییە لە ڕۆژ ڕووناکترە کە نەوشیروان، هەروەک تاڵەبانی ئاغای نایەوێت  دەسەڵاتی بنەماڵەی بارزانی بسڕێتەوە، بەڵکو بە دروستکردنی بزووتنەوەی گۆڕان دەیەوێت تەمەنی  دەسەڵاتی ئەو بنەماڵەیە نوێ بکاتەوە و لە مەترسی گەشەکردنی ئیسلامێکی میانەڕەو بیپارێزێت . بەم پێوانەیە، نە نەوشیروان دژ و دوژمنی بنەماڵەی بارزانییەو نە بنەماڵەی بارزانیش دژ و دوژمنی نەوشیروانن . دوژمنایەتییەکەی نێوانیان موزەیف و تەزویرە و بۆ چەواشەکردنی خەڵکی کوردستان و بۆ درێژکردنەوی تەمەنی سیاسیی یەکترە . ئەمە حەقیقەتی کەسایەتی نەوشیروان مستەفا و پرۆژە سیاسییەکانییەتی بۆ کۆمەڵگەی کوردستان . ئەو مرۆڤە پاک و بەرژەوەندی خۆنەویستانەی کە ئەمڕۆ نەوشیروان بە فێڵی گۆڕان فریویداون، سبەینێ بە تێگەیشتن لەو ڕاستیانەی کە باسکران، بەنجەی پەشیمانی خۆیان دەگەزن !.  

لازالت الاصوات من خلف الحدود قيد الغضب والاحتجاج ، في محورها تركزة على مجموعة من اكراد تركيا وايران عن موقفهم وهم يتصلون بنا معبرين عن غضبهم الشديد على الطبيعة الهمجية للفتوات الخرافية ، لقد نددو تنديد شديد اللهجة بممارسات شباب من اكراد زاخو ودهوك والسليمانية على خضوعهم واستسلامهم بجهل لايتصورة العقــل لقرارات ملا مخرف الذي لاقي تحريض بتصميم من جحوش ايران وتركيا وهم معروفين. ومن الضرورة ذكرهم  بالاسم هم كل من الظلاميين مسعور البرزاني وجلال دولار وايت الله نيوشروان مصطفى ، هم من وقفوا خلف الحملة الجبانة الواسعة النطاق ضد قهر حرية الانسان،  وحرق ممتلكات الناس الابرياء ولاسيما محلات المشروبات، حيث اشاروا ان هذا التصرف الجبان بالذات اتخذه ملالي الدين الوسيلة بهدف تفعل البرزاني والطالباني دور سلطة الملالي بشمال  العراق  على غرار سلطة ملالي بقم وطهران الهمجية ، ما حدث في زاخو ودهوك والسليمانية نال ارتياح  ورضاء حكام تركيا الاسلاميين الظلاميين ،كما ونال رضاء وارتياح خامنئي الجزار، نال رضاء الذين يدندلون رقاب اكراد ايران والايرانيين المحبين للحرية والحياة في ساحات مدن ايران على يد شريحة الملالي الهمج ، التي تصدر فتاوي احكام الاعدام بحق كل كردي وايراني يتناول قنينة بيرا او شراب ومن اي نوع كان ، واستطردوا بتعليقهم ان اكراد زاخو ودهوك والسليمانية لعبوا دور باسدار ايران بالنيابة عن حرس خميني ، تلك خدمة رخيصة قدموها لخامنئي واحمد نجاد ، الن يشاهد اكراد بادينان والسليمانية صور الضحايا بالجملة يلتف حبل الاعدام رقابهم ويرفعون معلقين عاليا عبر رافعات ايتام خميني الظلامي المقبور ، لاحرية ولاحياة لاكراد ايران والشعب الايراني تحت حكم الملالي الفاشيين القتلة، ما الذي دفع اكرد العراق في زاخو ودهوك والسليمانية الخضوع لفتوى الملالي ، حيث ساقهم ملا جاهل ومتخلف نحو ارتكاب جرائم بحق الناس الابرياء هذا ما ادهش العالم ، وكانت تلك بمثابة اساءة  لشخصة الانسان الكردي ، ناهيكم ان اكراد العراق يقتلون نسائهم تحت ما يسمى الشرف الاسلامي  لاتفه  الاسباب .. بعض اكراد ايران يقولون هل اكراد العراق وصل الحد بهم الى هذا المستوى من التخلف والجهل ، لقد خزونا امام انضار العالم ، نخجل نقول نحن اكراد بعد مرور هذه الحادثة المشينة لان الناس في كل مكان من العالم اخذوا ينظرون الينا بنظرة لاتليق بنا ولا بالانسان الكردي ، نحن في ايران نقارع الملالي ونتصدى لتخلف الاسلاميين ووحشيتهم وللاسف اكراد العراق وفي مطلع القرن الواحد والعشرين يخضعون لخرافات الملالي ، كسروا قناني المشروبات في الشوارع والساحات العامة ، نحن بدورنا اكدنا للقاصي والداني ان اكراد زاخوا ودهوك والسليمانية  قد هتكوا حريتهم وحرية شركائهم من محبي الحرية والحياة وهذه اسوء كارثة انسانية  يدنى لها الجبين و اسوء من ما يفعلونه باسدار ايران باكراد ايران والشعب الايراني ، وهكذا صمم اعداد هائلة من اكراد ايران اعلنوا الحادهم ويقولون الاسلام هدم حضاراتنا واساء لثقافتنا الاجتماعية عبر زبانيته من الملالي ، حيث انزلوا بنا ضربات مميتة من دون ان نرتكب ذنبا .

كما علق بعض العناصر الخيرة من اكراد تركيا على هذه الحالة وهم اشاروا بحديثهم ان مثل هذه الممارسات اتبعها العثمانيون بالاعتماد على الشيوخ والملالي امثال البرزاني والطالباني ، حملوا سيوفهم جنبا لجنب الفاشية التركية في عامي 1914 و 1915 في عمليات الابادة الجماعية للاشوريين والارمن ، واليوم بقايا من الاقطاعيين ورجال الدين الاكراد في تركيا يفعلوا بنا ما يفعلون العملاء باكراد عراق والاشوريين واليزيديين ، واكدوا الاخوة قائلين نحن ملحدين ، لايجدوا ملالي اكراد تركيا منفذ للتوغل الى صفوف الشبيبة الكردية وجرها نحو الولاء للنظام الاسلامي الفاشي التركي ، وللاسف وكل الاسف اكراد بادينان والسليمانية لازلوا يعيشون قرن 17 و18 تتحكم الاقطاعية ورؤساء القبائل وملالي العصر الجاهلي مسار عقولهم ، متى سيتحرروا من الجهل والتخلف اذا لم يتحررو اليوم في عصر الانترنيت والتكنيك المتقدم والى متى سبقى الكردي العراقي اسير الاقطاعيين والاغوات واسير ملالي الجهل والتخلف ، على اي حضارة يتحدثون اكراد عراق اذا حرقوا محلات المساج الصحية التي تنشط جسم الانسان عضليا حتى لا يتعرض للازمات الصحية ، لقد ادان الماركسيون الثوريون في ايران وتركيا والبلدان العربية والعالم برمته الجرائم الوحشية التي ارتكبوها البرزاني والطالباني ونيو شروان في زاخو ودهوك والسليمانية .

جەماوەری خۆراگری کوردستان

رێکخراوە سیاسی و مەدەنیەکان.

ئەمرۆ کوردستان و عیراق بە کاتێکی زۆر هەستارو ناسکا گوزەر دەکات، لەلایەک کێشەی نێوان شیعەو سونە، لەلایەک خۆدزینەوەی لایەنە سیاسیە باڵادەستەکانی عیراق لە جێبەجێنەکردنی مادەی (140) دەستورو لەلایەک پێکهاتنی کابینەی حەوتەمی حوکمەتی هەرێمی کوردستان لەم کاتە هەستیارەی کە بەرەوساڵ یادى 17 شوباتی خوێناوی دەگوزەرێین ،ئێمە کەمپینی ئازادی خەڵکی کوردستان داوا لە سەرجەم رێکخراوەکانی کۆمەڵگەی مەدەنی و سەرجەم ئازادی خوازانی کورد دەکەین با لەو یادەدا مانگرتنی سەرتا سەری راگەیەنین بەرامبەر بەو تاوانەی کەلەو رۆژەدا کرا دژ بە ئازادیخوازانی کوردستان و شاری هەڵمەت و قوربانی با هەموومان دەست لەناو دەست کەین تا دەسەڵاتی هەرێم نا چارکەین سەرجەم داواکاریەکانی خەڵکی کوردستان و مەیدانی سەرای ئازادی جێبەجێ بکات و تاوانبارانی 17 شوبات رادەستی دادگایەکی بێلایەنی خۆماڵی بکات، تا بریاری یاسایان بەسەردا بسەپێنرێ کەس لەسەروو یاساوە نەبێت. وە داوا لەسەرجەم هێزی پێشمەرگە و هێزی ناخۆ دەکەین هەروەک چۆن بەرپرسیارن لە دابین کردنی ئاسایش بۆ هاوڵاتیان ئاواش ببنە پارێزەری مافەکانی هاوڵاتیانی کوردستان . داوا لە هەردوو هێزی زێرەڤانی و بەرگریی وفریاکەوتن دەکەین باوەک ساڵی پار نەیەنەوە بەگژ داخوازیەکانی خەڵکی کوردستان. خۆتان دەزانن کە دەسەڵاتدارانی هەرێم چۆن ئێوەیان جیاکردۆتەوە لەئیمتیازاتی مووچەکانتان و پلەکانتان. برایانی زێرەڤانی خۆشەویست ئێوە بەشێکی دانەبراون لەرۆڵە دڵسۆزەکانی ئەم گەلە باچیتر نەتانکەن بەگژ براکانتاندا باچیتر لەماوەی دوو سەعاتدا نەتان گەیەننە شاری سلێمانی وبتانکەن بەگژ خەڵکی ئازادی خوازی ئەو شارەدا ئەوەتا لە ئیمتازاتا کەس نیە بەرگریتان لێبکات لەسەر مافە فەوتاوە کانتان. ئێوەش ئەی رۆڵە بە ویژدانەکانی بەرگریی و فریاکەوتن باوەک ساڵی پار نەتان هێننە سەر خەڵکی ئازادی خواز بە سۆندەو دارەوە ماوەی (62) رۆژ ئێوەیان بەسەرماو گەرما وەستاندبوو دژی ئازادیخوازان ئێوە رۆڵەی دڵسۆزی ئەم گەلەن ئێوەش وەک هەموو هاوڵاتیانی ئەم هەرێمە بەشخوراون ئەوەتا ئێوەشیان بە پاسەوانی پلەدوو داناوە لەروی ئیمتیازاتەوە داواکارین مەبنە دژ بەئازادیخوازانی گەلەکەتان. ئێمە بۆ بەرگری لە مافی سەرجەم هاونیشتمانیان داخوازی پێشکەش دەکەین ئێوەش توێژێکی بەشخوراوی گەلەکەمانن.ئێمە داواکارین دەسەڵات بەخۆیدا بچێتەوەو سیستەمی گەندەڵی وپاوانخوای بگۆرێ بۆ سیستەمی ئازادی و دیموکراسی راستەقینە و دەستاو دەستکردنی دەسەڵات بەشێوازی دیموکراسیانە، دەست بەرداری سیستەمی چەق بەستووی ئێستا بێت...     

بژی ئازادی بژی دیموکراسی

                                                                            کەمپینی ئازادی خەڵکی کوردستان

                                                                                        24/1/2012

یەکگرتووی ئیسلامی، بە پێی نەهجی ئیخوانیانەی خۆی، لە سەرەوە لەگەڵ هەموولایەک  ئیخوانەو لە ژێریشەوە لەگەڵ هەموو لایەک عدوانە . بە کوردییەکەی یەکگرتوو حیزبێکی حیزفرسەتە؛ لە لاوازیدا لەگەڵ هەمووان برایە و لە بەهێزیدا  لەگەڵ هەمووان دوژمنە و بە شمشێر حوکم دەکات . یەکگرتوو، کە ئێستا بۆتە ئۆپۆزسیۆن، بۆ ئەوەی لە پارتی بخوات و جێ پێی خۆی لە بەدیناندا قایم بکات، لە یەکەمین حکومەتی  ٣١ ئابی ١٩٩٦دا بەشدار بوو . بە دوای ئەوەدا کە مەسعود بارزانی گاردەکانی کۆماری سەدامی هاوڕێی وەک لەشکرەکەی مەغۆل و تەتەر بەسەر هەولێردا باراند، حکومەتی هەولێری بە سەرۆکایەتی نێچیرڤان بارزانی دروستکرد ، یەکگرتووی ئیسلامیش چەند وەزارەتێکی وەک دیاری سەدام و مەسعود پێشکەشکرا . ئەندامانی یەکگرتوو بوونە وەزیری حکومەتەکەی ٣١ ئاب . بەم پێودانگە، یەکگرتوو شەریک بوو لە خیانەت و تاوانەکانی ٣١ ئابدا . لە دێگەڵەش بەم دیودا، واتە لە حکومەتەکەی سوپای پاسدارانی سلێمانی یەکێتیدا دەلەوەڕا . یەکێتیش بە سواری میک زەمینییەکانی سوپای پاسدارانی ئێران، لە خڕی ناوزەنگ و سەیرانبەنەوە تا دێگەڵە هێزە کڵاو سورەکانی بارزانیان هەڵفڕاند و لە دێگەڵەدا، سەدام پێی وتن بووەستن، دەنا دەتانکەمەوە بە ژێر خێمەکانی سەیرانبەن و خڕی ناوزەنگدا . تاڵەبانییەکانیش پاش چەندڕۆژ پشوو، حکومەتی هەرێمی سلێمانیان تەشکیلدا . کۆسرەت ڕەسوڵ بووە سەرۆکی ئەو حکومەتە . نەوشیروانیش لەداخی کۆسرەت سەری خۆی بەرەو بەریتانیا هەڵگرت . یەکگرتووی ئیسلامی لە حکومەتەکەی کۆسرەتدا بەشداری نەکرد، چونکە پارەو شەقی بۆ یەکگرتوو تێدا نەبوو ! .

 یەکگرتوو لە دوو مەنتق دەگات؛ مەنتقی یەکەم شەقە و مەنتقی دووەم پارەیە . لە حکومەتەکەی کۆسرەتیشدا ئەو دوانە دەست نەدەکەوت، چونکە گومرکی باشماخ  یەک لەسەر دەی گومرکی ئیبراهیم خەلیل پارەی دروست نەدەکرد  و ئەو پارەیەی کە دروستی دەکرد تەنها بەشی فیشەک کڕین و ڕازاندنەوەی مێزی خواردن و خواردنەوەکانی کوڕە کۆن لەجەرگ نەبووەکانی یەکێتی دەکرد کە هەر بە ٢ مانگ جارێک مارسۆنێکیان بەرەو کەپکی حەمە ئاغا پێدەکردن . دیسان لە حکومەتەکەی کۆسرەتدا شەقیش نەبوو، چونکە بارزانییەکان لە ٣١ ئابدا شوتێکی وایان لە دواوە لێدابوون کە لە سەیرانبەن گیرسابوونەوە و چیتر توانای شەقوەشاندنیان لە ساحەکەدا نەمابوو . هەردوو حکومەتەکەی ٣١ ئاب و سوپای پاسداران، بوو بوو بە خێرو بەرەکەت و بەسەر یەکگرتوودا ڕژابوو؛ لە هەولێر و بادینان پارەیان لە پارتی وەردەگرت و ئەندامانیان خەریکی بزنس و بازاڕ کۆنترۆڵکردن بوون و لە بنیشەوە سیاسەتیان دەکرد . لە سلێمانیش  خەریکی هەمان خەباتی گیرفان پڕکردن و محەجەبە دابەشکردن بوون بەسەر ژناندا، بەڵام بنەماڵەی بارزانی ئەوەندە گەمژە نین کە نەزانن یەکگرتوو خەریکی چی بووە؟

ساڵی ٢٠٠٥ لە بادینان هەموویان لە قوڕگی یەکگرتوو دەرهێنایەوە . یەکگرتوو شەقەکەی پارتی خوارد و مەنتقی شەق تێیگەیاند کە برایەتی باشترە لە دوژمنایەتی بنەماڵەی بارزانی !. مەنتقی پارەی قەبوڵکرد ومەسعود بارزانی بە پارە دەمی سەلاحەدین بەهادینی سیواخدا . ئینجا یەکگرتوو لە پڕێکا لەگەڵ حسک و زەحمەتکێشاندا بووە ئۆپۆزسیۆن !. پاشان هەر کە زانی لە گەڵ ئەو دوو حیزبۆکەیەدا هیچی بۆ سەوز نابێت، قڕو قەپی لە ئۆپۆزسیۆن بوونەکەیکرد و لە چاوەڕوانی هاتنی محەمەدی مەهدیدا مایەوە . نەوشیروان مستەفا بوو بە محەمەدی مەهدییەکە بۆ یەکگرتوو . ئەم ئیخوانانە، لە لاوازیدا بوونە ئیخوانی نەوشیروان مستەفا و هەرکە زانیان وەزعەکە لەبارە بۆ تۆڵەکردنەوە لە بنەماڵەی بارزانی، لەگەڵ جەماعەتەکەی نەوشیرواندا  لە شەقامی سالمی سلێمانی  ولە ١٧ شوباتدا دەستیانکرد بە بەردەفڕکێ و شەقامی سالمیان کردە شەقامی ناسالم لە چەکدارەکانی بنەماڵەی بارزانی و کوڕی گەنجی ئەو خەڵکەیان بە چەکدارەکانی لقی چوار بە کوشتدا، بەڵام ئەوە بنەماڵەی بارزانییەو دەزانێت کەی و چۆن تۆڵە لە نەیارەکانی خۆیان بکەنەوە .بنەماڵەی بارزانی لە بادیناندا دوکانی مەیفرۆش و شوێنەکانی مەساژیان گڕتێبەردا و وتیان ئەوە فیتی یەکگرتووە و ئینجا لە تۆڵەی بەردهاویشتنەکانی شەقامی سالمدا دەستیان بە سوتاندنی بارەگاکانی یەکگرتوو کردەوە و یەکگرتوویش پاش چەند ڕۆژ خۆگیڤکردنەوەی ئیعلامی عەلەشیش ئاسا، دواتر نەک هەر بێ دەنگەیانکرد، بەڵکو بنەماڵەی بارزانی وای بەچە ترسێنکردن کە سەلاحەدین  بابەکر بە وەکالەتی هەموو یەکگرتوو هاوار بکات و بڵێت " هه‌ر وه‌كو رامانگه‌یاندوه‌ ئێمه‌ چاودێری حكومه‌ت ده‌كه‌ین، نه‌ پشتگیری ده‌كه‌ین و نه‌ دژایه‌تی". ئێمەش لە خوێنەر دەپرسین ئەمە ئۆپۆزسیۆنە یان کامێرای موراقەبەیە ؟ چاودێری چی دەکەن ؟ دوعا بکەن کە ئەمن و پاراستنی  حکومەتەکەی نێچیر وەک فڕۆکە بێ فڕۆکەوانەکەی ئەمریکا کە ناردی بۆ دۆزینەوەی شەهید ئوسامە بن لادنی براتان، ئەوانیش ئەوها چاودێری ئێوەی ئۆپۆزسیۆن لە هیچدا نەکەن ؟!. ئاخر لە چ شوێنێکی دنیادا ئۆپۆزسیۆن هەیە دژایەتی حکومەت نەکات ؟ ئۆپۆزسیۆن یانی دژایەتیکردنی حکومەت، بەڵام وەک خۆیشتان ئیعترافتان کردووە، ئێوە ئۆپۆزسیۆن نین و جەماعەتێک حیزبی سەلامەت و کەرامەتن، کەرامەتێک کە بنەماڵەی نێچیرڤان بۆی شکاندن !.  

بێکاری زیاتر هەڕەشە لە  کۆمەڵگەی نێو دەوڵەوتی دەکات .

ڕێکخراوی جیهانی کار(ILO)، کە بارەگای سەرەکی لە جنێفە، لە نوێترین ڕاپۆرتیدا ئاماژە بەوە دەکات کە بە هۆی قەیرانی ئابورییەوە ژمارەی بێکاران لە جیهاندا دەچێتە سەرەوە و ڕەنگە تا ساڵی ٢٠١٦ ژمارەی بێکاران لە جیهاندا بە بەردەوامی زیاد بکات .

ڕاپۆرتەکە ئاماژە بەوە دەکات کە لەسەرانسەری دنیادا ٩٠٠ ملیۆن کرێکار لە ژێر هێڵی هەژاریدا دەژین و ڕۆژانەی  نیوەی ئەو ژمارەیە لە کرێکاران، کەمتر لە ٢دۆلاری ئەمریکی وەردەگرن .

ڕاپۆرتەکەی ڕێکخراوی جیهانی کار پێشبینی بێکار بوونی ٣ ملیۆن کەس لە ساڵی ٢٠١٢دا دەکات  و بەمەش ژمارەی بێکارانی جیهان دەگاتە ٢٠٤ ملیۆن کەس ، هەروەها پێشبینی ئەوەدەکات کە ئەو ژمارەیە تا ساڵی ٢٠١٦ بۆ ٢٠٦ ملیۆن کەس بەرز بێتەوە .

گەنجانی تەمەن ١٥ تا ٢٤ ساڵە، زیاتر دەبنە قوربانی بێکاری و باری قورسی قەیرانی ئابوریی سەرمایەداری بەتووندی  بەسەر ئەواندا  دەشکێتەوە . لەمبارەیەوە ڕاپۆرتەکەی ڕێکخراوی جیهانی کار ئاماژە بەوە دەکات کە ٨.٧٤  ملیۆن گەنج لە ساڵی ٢٠١١ دا بێکارن کە ٤ ملیۆن لە ساڵی ٢٠٠٧ زیاترە .